მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ლარსთან მომდგარი რუსების ნაწილი "აგვისტოს ომში" უკვე "გვსტუმრობდა", ოღონდ არა ტაქსებით, არამედ ტანკებზე "ამხედრებული" - რატომ ემალებიან დიქტატორს საქართველოში?
15:47 / 01-10-2022
- "არსენალი" - ირაკლი ალადაშვილის ბლოგი
პუტინმა 10-წლიანი ციხე შემოიღო იმ რეზერვისტებისთვის, რომლებიც თავს აარიდებენ რუსეთის არმიაში გაწვევას და ისინიც თავს რუსეთიდან სასწრაფოდ გაქცევით შველიან, მათ შორის საქართველოსკენაც...
უკრაინასთან ომის ჭაობში ყელამდე ჩაძირული და „დასახრჩობად“ განწირული რუსეთის არმიის გადასარჩენად კრემლმა ნაწილობრივი მობილიზაცია გამოაცხადა, რაც თითქოს 300 ათასი რეზერვისტის გაწვევას ითვალისწინებს. თუმცა ამ მობილიზაციის კანონის მეშვიდე პუნქტი (რომელშიც მობილიზაციას დაქვემდებარებულ რეზერვისტთა ზუსტი რაოდენობაა მითითებული) გასაიდუმლოებულია, რაც თავად რუსეთის მასმედიასა და საზოგადოებაში აჩენს ეჭვს, რომ სინამდვილეში ოთხჯერ მეტი, 1,2 მლნ რეზერვისტის მობილიზაციაა დაგეგმილი.
XXI საუკუნის ჰიტლერის, პუტინის ავადმყოფურ ზრახვებს, რაც უნდა დაუჯდეს აღადგინოს რუსეთის იმპერია და ამით დაიმკვიდროს თავი მსოფლიო ისტორიაში, რუსეთის მოქალაქეების უდიდეს ნაწილს არ სურს შეეწიროს და ამიტომაც მობილიზაციის გამოცხადებისთანავე თავქუდმოგლეჯილები გაიქცნენ უახლოესი საზღვრებისკენ. მაგრამ რუსეთთან სახმელეთო საზღვრების ჩაკეტვა უკვე მოასწრეს ესტონეთმა, ლიეტუვამ და ლატვიამ, ფინეთმა, (აზერბაიჯანს სახმელეთო საზღვრები კერძო ავტომობილებისთვის რამდენიმე თვეა ისედაც ჩაკეტილი აქვს კორონავირუსის პანდემიის მომიზეზებით). ღია რჩება სასაზღვრო გადასასვლელები ჩრდილოეთ კორეასთან, ჩინეთთან, მონღოლეთთან, ყაზახეთთან, ბელარუსსა და საქართველოსთან.
გასაგებია, რომ რუსეთის ევროპული ნაწილის მოსახლეობა აღმოსავლეთისკენ არ გაიქცევა, რადგან ჩინეთის საზღვრამდე მანქანით მისაღწევად დღეები დასჭირდებათ, მაგრამ არც ბელარუსში გადასვლით იკლავენ თავს და ძირითადი მასა სამხრეთისკენ გამოეშურა საქართველოში სასწრაფოდ შემოსაღწევად, რისთვისაც ვიზაც კი არ სჭირდებათ.
რუსეთის კანონი "მობილიზაციის შესახებ" სამხედროვალდებულ მოქალაქეებს მხოლოდ სამ დღე-ღამეს აძლევს, რათა სამხედრო კომისარიატებში გამოცხადდნენ, წინააღმდეგ შემთხვევაში, მათზე სისხლის სამართლის საქმე აღიძვრება. რუსეთის იმ მოქალაქე მამაკაცთა ნაწილი, რომელიც მობილიზაციას გაურბის და ცდილობს სასწრაფოდ გადმოვიდეს საქართველოს ტერიტორიაზე, 14 წლის წინ უკვე „სტუმრობდა“ ჩვენთან, ოღონდ არა ტაქსებით, არამედ ტანკებზე "ამხედრებული"...წაიკითხეთ სრულად
ნახეთ ასევე:
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კარგი იქნებოდა ისიც დაგეწერათ რუსეთიდან გამოქცეულებში რამდენი პროცენტია ეთნიკურად არარუსი, საინტერესო იქნებოდა ეს სტატიტიკა, მარტო ლარსს არ ვგულისხმობ. თუ უმრავლესობა მართლა ეთნიკური რუსებია მაშინ მართლა მოახლოებულა რუსეთის იმპერიის დასასრული.
1783 ტრაქტატი ესეთ უბედურებას თუ მოუტანდა საქართველოს, ერეკლეს || მრჩევლები არა ჰყავდაა?! ორი საუკუნის მანძილზე ყველა უბედურება მოდის ჩრდილოეთიდან! და უფლებაც არა გაქვს ამ საბედისწერო შეცდომაზე რაღაც სთქვა! გადაგვაყოლა რუსეთმა ამ ხელშეკრულებას!!!!!