მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"დაიხურა სერიალი, რომელთანაც 10 წელი მაკავშირებს..." - რა შეუთვალა ჩცდ-ს "მთავარმა ბებიამ" პროდიუსერს? მედეა ლორთქიფანიძე სერიალსა და კოვიდზე, რომელიც ცოტა ხნის წინ გადაიტანა
20:53 / 01-10-2022
პოპულარული სერიალი "ჩემი ცოლის დაქალები" 10-წლიანი აქტიური მუშაობის შემდეგ დაიხურა. ფინანსების უქონლობის გამო შემოქმედებითი ჯგუფი საქმიანობას ვეღარ აგრძელებს. რას ფიქრობენ ამასთან დაკავშირებით სერიალის მსახიობები და AMBEBI.GE სერიალის მთავარ ბებიასა და დედამთილს, მსახიობ მედეა ლორთქიფანიძეს გაესაუბრა.
მისი მოკითხვის შემდეგ შევიტყვეთ, რომ ცოტა ხნის წინ კორონა შეხვედრია, საავადმყოფოშიც წოლილა, თუმცა ვირუსი უკვე დაამარცხა და თავს კარგად გრძნობს.
მედეა ლორთქიფანიძე AMBEBI.GE-ს ესაუბრა:
- ახლა არა მიშავს, თუმცა საავადმყოფოში ვიწექი... კორონა ზღვიდან ჩამოვიტანე. ქობულეთში წავედი, მზე 2 დღე იყო, სამი დღე წვიმდა, მერე წავიქეცი, კოჭი ვიღრძე.
- როგორ?
- კიბეზე ჩავდიოდი და ხეს წავეპოტინე, ტოტი მოტყდა და ტოტიანად დავეცი ძირს. დამესივნენ მამაკაცები და წამომაყენეს... მთელი ფეხი გამილურჯდა, მაგრამ ზღავში მაინც ჩავედი, ვიჭყუმპალავე... მეორე დღეს ფეხი მეტად გამილურჯდა და ძალიან მტკიოდა. მერე შემამცივნა კიდეც, საზაფხულოდ ვიყავი წასული, თბილი ტანსაცმელი არ მქონდა, ამიტომ მასპინძელმა თბილი შემოსაცმელი მომცა. რადგან თავს კარგად ვერ ვგრძნობდი, მეტი ვეღარ გავძელი და დროზე ადრე წამოვედი. სახლში მოსულს უკვე სიცხე მქონდა, მადაც დამეკარგა. ჩემმა შვილმა, შორენამ მაშინვე დიაგნოზი დამისვა - დედა, ეს კორონააო. არ ვიჯერებდი.
სახლში გამოიძახა ლაბორატორია და ტესტი ამიღეს. პასუხზე რომ დამირეკეს, მითხრეს - დადებითიაო. გამიხარდა, - მეგონა, კარგი პასუხი იყო. შორენას ვუთხარი, - გაიხარე, კორონა დადებითია-მეთქი. დადებითიო? - შეშფოთდა. მაშინვე „სასწრაფო“ გამოიძახა და რესპუბლიკურ საავადმყოფოში წამიყვანეს.
- ე.ი. მკურნალობა აუცილებელი გახდა...
- კი. კარგი ექიმები შემხვდნენ. "რესპუბლიკურში" საერთოდ "კოლონისტთა სამფლობელო" ყოფილა. პალატაში 20 კაცი ვიწექით. შესანიშნავი ექიმი გვყავდა თამარ არახამია. მთელი პერსონალი ყურადღებიანი ხალხი აღმოჩნდა. რანაირად ასწრებდნენ და აკეთებდნენ ამდენ საქმეს, ყველას გვივლიდნენ. ძალიან კმაყოფილი ვარ თამარ არახამიასი და მისი ჯგუფის. სისუფთავე, კვება შესანიშნავი. განვიკურნე კორონისგან. მადაც მომემატა. თან, ბევრი წამალი მაქვს გამოწერილი, რომლებსაც ვიღებ.
ერთი უცნაური ამბავიც მოხდა. ქობულეთში ფეხი რომ მეტკინა, გოგოები ჩემს ოთახამდე ხელკავით მაცილებდნენ. საავადმყოფოში მათგან ის ერთი გოგოც არ დამხვდა?! გავოცდი...
ხომ ვიმკურნალე იქ, მაგრამ კარგადაც ვისიამოვნე, ბევრი ვიცინე და სხვებიც ვაცინე... ექიმი ჩემს შვილს ეუბნებოდა - ცოტა ხანი ვერ გავუშვებ, გამომიცოცხლა პალატა, სულ სიცილ-ხარხარი ისმისო... რა ვქნა, დედიკო, ტირილი და წუხილი დაავადების დაძლევაში არავის ეხმარება. ჰოდა, ვყვებოდი ანეკდოტებს, ვავარჯიშებდი და ვამღერებდი ქალებს. ასე რომ, საავადმყოფოში მშვენიერი დრო გავატარე.
- "ჩცდ" რომ დაიხურა, ამან გული არ დაგწყვიტათ?
- ძალიან. დაიხურა სერიალი, რომელთანაც 10 წელი მაკავშირებს... პროდიუსერს შევუთვალე, მიუხედავად იმისა, რომ პენსიონერი ვარ, არაფერი პრეტენზია არ მაქვს, უფასოდ ვიმუშაო, ოღონდ, სერიალი გაგრძელდეს. ვფიქრობ, ყველა ამოგვიდგება მხარში. ჯინაზე უნდა გაგაგრძელოთ. არ არის ეს სერიალი გადასაგდები... ვიღაცები ამბობენ, გინება ისმისო... ცუდი სიტყვები რომ ისმის, იმისთვის, რომ შენ არ თქვა და აღარ გაიმეორო...
ახალგაზრდა ქალმა 9 საყვარელი არ უნდა გამეიცვალო, წესიერად უნდა მოიქცე... ამასაც გეუბნება ეს სერიალი... მაგრამ ისე ხდება, რომ ადამიანების ნაწილმა ცუდი თუ არ თქვა, სხვანაირად რავა გამოვა?! რა სჭირს ამ ჩვენს ხალხს?! მიუხედავად ყველაფრისა, რაღაცნაირად იმედი მაინც მაქვს, რომ სერიალი გაგრძელდება...
ნახეთ ასევე:
მკითხველის კომენტარები /
14 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქართულ სერიალებს ზუსტადაც იმიტომ აღარ ვუყურებ ბოლო წლებია, ყოველ ფეხის ნაბიჯზე რომ იგინებიან და ბილწსიტყვაობენ მსახიობები... ისე ქალბატონო, რომ იცოდეთ, ცუდ მაგალითზე ისევ ცუდს ითვსებს ადამიანი.
.
ვერ ვიჯერებ....არადა როგორ მამშვიდებდა ...