მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მთელი ქორწილი ვტიროდი, ცრემლი არ შემშრობია... მამა ჩემზე ემოციურია" - ცეკვა, რომელმაც ინტერნეტი მოიცვა: რას ჰყვება მარიამ მათიაშვილი მშობლებსა და ახლადდაქორწინებულ ძმაზე
09:08 / 01-10-2022
სულ ახლახან სუხიშვილების ცნობილი მოცეკვავის, თეა დარჩიას და მისი მეუღლის გუჯა მათიაშვილის ვაჟმა მირიანმა იქორწინა. მირიანის რჩეული ელიჩკა ბარამიძეა... ქორწილის ამსახველი ფოტოები და ვიდეომასალა ინტერნეტსივრცეში ფართოდ გავრცელდა და დიდი გამოხმაურებაც მოჰყვა... განსაკუთრებული აღფრთოვანება კი გუჯა მათიაშვილის და უფროსი ქალიშვილის - მარიამ მათიაშვილის შესრულებულმა ცეკვამ გამოიწვია...
თეას და გუჯას ოთხი შვილი ჰყავთ. უფროსი, მარიამი "სუხიშვილების" მოცეკვავეა..
"სიტყვები არ მყოფნის, რომ გამოვხატო შენდამი ჩემი უდიდესი სიყვარული და პატივისცემა, უბრალოდ მადლობა ღმერთს, რომ ჩემი მამიკო ხარ, უსაზღვროდ მიყვარხარ" - ამ წარწერით გამოაქვეყნა მარიამმა აღნიშნული ვიდეო, რასაც ბევრი ემოციური კომენტარიც მოჰყვა...
AMBEBI.GE მარიამ მათიაშვილს ესაუბრა:
- ყველას ძალიან დიდი მადლობა, ვინც ჩვენი სიხარული გაიზაიარა და აღფრთოვანება გამოხატა... ალბათ ყველაფერი ასმაგად დამიბრუნდა, რადგან ჩემი ემოციები იმდენად დიდი იყო, სიტყვებით რომ ვერ გადმოვცემ. ჩემი ოცი წლის ძმა დაქორწინდა და ძალიან გულისამაჩუყებელი სცენა იყო, როდესაც ცეკვა მამასთან ერთად შევასრულე.
- როგორც ვიცი, მამას დიდი ამაგი აქვს შვილებზე, რადგან ქალბატონი თეა ხშირად გასტროლებზე იყო და თქვენზე მამა ძალიან ზრუნავდა...
- დია, ნამდვილად ასეა... მთელი ოჯახისთვის მამა უძვირფასესი ადამიანია. მან დედას ძალიან ხელი შეუწყო, თავის პროფესიული საქმიანობა გაეგრძელებინა. მამას მართლაც დიდი ამაგი აქვს ჩვენზე, მისი გაზრდილები ვართ.
- ცეკვა თქვენც პატარა ასაკიდან დაიწყეთ...
- დიახ, რაც თავი მახსოვს, მართლაც სულ ვცეკვავ. დედაჩემი ჩემზე ფეხმძიმედ იყო, როცა კვლავ ცეკვავდა. ბოლო დღეებში დაანება ცეკვას თავი, რაღაც პერიოდი... მთელი ბავშვობა რასაც ვხედავდი, ეს იყო დედას, მამას ცეკვა... თუმცა მოცეკვავის პროფესია სერიოზულად გადაწყვეტილი არ მქონდა, თეასთან დავდიოდი ცეკვის სტუდიაში, შემდეგ ანსამბლის სტუდიაში გავაგრძელე სწავლა. დედას კოლეგამ, ქალბატონმა - ტატა გომელაურმა შემომთავაზა უბრალოდ მეცადა და ამის მერე დაიწყო ჩემი ცეკვის მიმართ სერიოზული დამოკიდებულება.
- ალბათ დღემდე სულ არის შედარება თქვენსა და ქალბატონ თეას შორის...
- დასაწყისისთვის მართლაც ძალიან საპასუხისმგებლო იყო. პატარა რომ ვიყავი მწყინდა კიდეც, მაგრამ შემდეგ ამ ყველაფერმა გამაძლიერა. სტიმული მომცა, დამემტკიცებინა, რაღაც რომ მეც შემეძლო. ყველანაირად ვცდილობდი, წინ წავსულიყავი და განვითარებულიყავი.
- წარმატების მიღწევაში დედა გვერდით გედგათ?
- დედა ჩემს მიმართ ძალიან მომთხოვნი იყო და ბუნებრივია ასეც უნდა ყოფილიყო. რა თქმა უნდა, ყველანაირად გვერში მედგა, მაგრამ რამეს თუ არასწორად ვაკეთებდი, არასოდეს მომფრთხილებია. როცა საჭირო იყო, შენიშვნას აუცილებლად მომცემდა. დღეს ძალიან მადლიერი ვარ, რადგან თუ რამეს წარმოვადგენ, მთლიანად მისი დამსახურებაა. დღეს ქართული ნაციონალური ბალეტის, ანსამბლ "სუხიშვილების“ წევრი ვარ. აქტიურად ჩართული ვარ ამ საქმიანობაში, ყველანაირად ვცდილობ ანსამბლის სახელი გავამართლო, ვიყო „სუხიშვილების“ წევრი! საკონცერტო პროგრამით ძალიან ბევრს ვმოგზაურობთ.
- უფრო მეტი რომ გვითხრათ, თქვენი ახლადდაქორწინებული ძმის შესახებ...
- მოგეხსენებათ, დედმაშვილებიდან უფროსი მე გახლავართ... მირიანი ოცი წლის არის. რთულად წარმოსადგენია, მაგრამ მასზე ძალიან დიდი ამაგი მაქვს. მახსოვს, როგორ ვაჭმევდი, ვაძინებდი, ვუვლიდი... ამიტომაც იყო ეს ქორწილი ჩემთვის ასე გულისამაჩუყებელი, თითქოს ჩემმა შვილმა იქორწინა, მართლა ასეთი შეგრძნება მქონდა. მთელი ქორწილი ვტიროდი, ცრემლი არ შემშრობია. მერე ეს ძალიან სახუმარო თემა იყო... თან ძალიან ბედნიერი ვარ, რადგან ელენე საოცარი გოგოა. ერთმანეთი ძალიან უყვართ და თან ნათელი მსგავსება აქვთ. ძალიან თბილი, ლაღი წყვილია და უსაზღვროდ მიხარია..
- მამასთვის რამდენად ემოციური იყო ეს დღე?
- მამაჩემი ჩემზე ალბათ ბევრად უფრო ემოციურია, მაგრამ ასე სახალხოდ გამოხატვის საშუალება არ ჰქონდა. ძალიან განიცდიდა, ნერვიულობდა რა როგორ იქნებოდა... შვილებიდან პირველი ქორწილი იყო და ცხადია ძალიან დიდ განცდებში იყო.
- ბევრი თაყვანისმცემელი გეყოლებათ და თქვენს პირად ცხოვრებაზეც ხომ ვერ გაგვანდობთ რამეს?
- არა, ჩემთან მართლაც არაფერი არ არის ახალი და ამ მხრივ სათქმელიც არაფერი მაქვს.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ფიქრობ მაინც რას ამბობ,სირცხვილი შენი,ოჯახი ხარობს რა სიმდაბლეა...
კი მაგრამ, მარიამ მათიაშვილი ვინღაა? რა სასტუმროებში არ ვყოფილვარ და არსად შემხვედრია.