"გემუდარებით, თავი დამანებეთ და სადმე სხვაგან იყავით უბედურები" - ჯასტინი, ჰეილი და სელენა: სასიყვარულო სამკუთხედის საგა, რომელიც არ სრულდება
ჯასტინ ბიბერის ცოლი, ჰეილი ბიბერი, პოდკასტში "Call Her Daddy" პირადი ცხოვრების დეტალებზე ალაპარაკდა. მოდელი კანადელ ვარსკვლავზე ქორწინების შემდეგ ფანებმა კრიტიკის ქარ-ცეცხლში გაატარეს და მას მომღერალ სელენა გომესისთვის შეყვარებულის წართმევაში დღემდე ადანაშაულებენ. ჰეილიმ ამ საკითხზე ისაუბრა და იმედი გამოთქვა, რომ აგრესიული ფანები ახლა მაინც დაანებებენ თავს.
- სელენა და ჯასტინი 10 წლის განმავლობაში ხვდებოდნენ ერთმანეთს. ამ პერიოდში ისინი რამდენჯერმე დაშორდნენ და შერიგდნენ. ბოლოს 2017 წლის ოქტომბრიდან 2018 წლის მარტამდე იყვნენ ერთად. ამავე წლის ივნისში ჯასტინმა და ჰეილიმ განაახლეს ურთიერთობა (წყვილი წარსულშიც ხვდებოდა ერთმანეთს) და მომდევნო თვეში უკვე დაინიშნენ.
2018 წელს, სელენა გომესთან ურთიერთობის გაწყვეტიდან მალევე, ჯასტინ ბიბერი ჰეილიზე დაინიშნა. იმის გამო, რომ ჯასტინის ამ ორ ურთიერთობას შორის დროის მცირე შუალედი იყო, სელენა გომესის ფანები ჯასტინს ღალატში სდებდნენ ბრალს და ისინი როგორც ჯასტინს, ასევე ჰეილის უტევდნენ.
მას შემდეგ, ჰეილი ბიბერისკენ მიმართული ნეგატიური და მუქარის შემცველი მესიჯები არ შეჩერებულა.
პოდკასტში საუბრისას, ჰეილიმ განაცხადა, რომ ჯასტინთან ურთიერთობას არავითარ შემთხვევაში არ გააბამდა, თუ მას შეყვარებული ეყოლებოდა. "ჩემს ბუნებაში არაა სხვის ურთიერთობაში ჩარევა. ამას არასდროს გავაკეთებდი. ჩემს მშობლებს ასე არ გავუზრდივარ,“- ამბობს 25 წლის მოდელი ინტერვიუში.
ჰეილის აზრით, ფანებს იმიტომ უჭირთ მისი და ჯასტინის ქორწინებასთან შეგუება, რომ თვლიან, გომესს შეყვარებული წაართვა.
ჰეილიმ ისიც თქვა, რომ კანადელ მომღერალთან ქორწილის შემდეგ, სელენასთან ამ თემაზე ისაუბრა და რომ მათ შორის არანაირ გაუგებრობას, ან დაძაბულობას არ აქვს ადგილი. ამიტომ ის გომესის ფანებს სთხოვს, რომ პატივი სცენ და ნეგატიური კომენტარების წერისგან თავი შეიკავონ.
"უკვე საკმარისი დრო გავიდა, ასე რომ დროა, ხალხი შემეშვას. გემუდარებით, ეს ჩემი ერთადერთი თხოვნაა. თავი დამანებეთ და სადმე სხვაგან იყავით უბედურები“, - ამბობს ჰეილი.
წყარო: insider
მოამზადა: ანა სიბოშვილმა