მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ გამოიყურება სერიალ "კლონის" მსახიობების საერთო შვილი - ჰადეს და ლუკასის რეალური სიყვარულის ამბავი და სკანდალური განქორწინება: "ამჯერად ფანები მათმა ახალმა ფოტომ გაახარა"
12:52 / 24-09-2022
2000-იანი წლების დასაწყისში, როდესაც საქართველოში სინათლის მოსვლას ხალხი საყოველთაო ჟრიამულით ხვდებოდა, ერთადერთი გასართობი სერიალები იყო. ლამაზი ქალებით, განსხვავებული ცხოვრების წესით, მდიდრული სახლებით გაჯერებულმა სერიალებმა ეკრანს მთელი საქართველო მიაჯაჭვა. ერთ-ერთი საყვარელი სერიალი, რომელიც 2000-იანების თაობას კარგად ახსოვს, ბრაზილიური „კლონია...“
ქარიზმატულ, ძლიერი და ფატალური მუსლიმი გოგონა, სახელად ჰადე ბედის წინააღმდეგ წავა და ბრაზილიელი ლუკასი შეუყვარდება. სერიალის მთავარი გმირები ჯოვანა ანტონელი და მურილიო ბენისიო მაყურებელმა განსაკუთრებულად შეიყვარა. გულშემატკივრობდნენ რეალურ ცხოვრებაშიც. ყველას ძალიან გაუხარდა, როდესაც გაიგეს, რომ ისინი რეალურადაც დაქორწინდნენ, თუმცა მათი ცხოვრებისეული გზა საინტერესოდ განვითარდა. ამაზე მოგვიანებით, მანამდე კი, ჯოვანა ანტონელის შესახებ მოგიყვებით...
ის დღეს ცნობილი ბრაზილიელი მსახიობი, ფოტომოდელი, წარმატებული ბიზნესმენი, ტელეწამყვანი და პროდიუსერია. ახალგაზრდა ჯოვანი სცენაზე 11 წლის ასაკში ავიდა. მისი კინოდებიუტი კი 16 წლის ასაკში შედგა. პირველი დიდი წარმატება სერიალ „ტროპიკანკას“ მოჰყვა, შემდეგ იყო სერიალი „ოჯახური კავშირები“. კარიერის მანძილზე ჯოვანიმ როლებისთვის უამრავი ჯილდო მიიღო. ითამაშა ბევრ ფილმსა და სერიალში, მაგრამ მაყურებლების დიდ ნაწილს ჰადეს როლით უყვართ.
ჰადე რაშიდის როლმა, სერიალში "კლონი" ის მსოფლიო ვარსკვლავად აქცია. სერიალი აჩვენეს მსოფლიოს 90 ქვეყანაში, მათ შორის საქართველოში. სერიალში მუსლიმების ცხოვრების წესი დეტალურად არის ნაჩვენები.
ჯოვანა ანტონელი სამჯერ იყო დაქორწინებული. პირველი ქმარი ბიზნესმენი რიკარდო მედინა გახლდათ, რომელსაც სკოლიდან იცნობდა. მათ ერთად მხოლოდ ოთხი წელი გაატარეს და 2001 წელს დაშორდნენ. სერიალი "კლონის" გადაღებების დროს მთავარი გმირი მურილიო ბენისიო შეუყვარდა. ხანგრძლივი გადაღების შემდეგ ისინი ვეღარ დაშორდნენ ერთმანეთს და ქორწინების შესახებ გამოაცხადეს. ამ ფაქტმა ძალიან გაახარა მათი გულშემატკივარი.
2005 წლის 24 მაისს წყვილს ვაჟი შეეძინა, რომელსაც მშობლებმა პიეტრო დაარქვეს, თუმცა შვილის დაბადებიდან მალევე წყვილმა განქორწინების შესახებ განცხადება გააკეთა.
2007 წელს ჯოვანა ხელახლა დაქორწინდა, მისი რჩეული იტალიური წარმოშობის ამერიკელი ბიზნესმენი რობერტო ლოკასიო გახლდათ. იტალიაში ბრწყინვალე ქორწილის შემდეგ, მსახიობი ახალ მეუღლესთან ერთად აშშ-ში გადასვლას აპირებდა. თუმცა ოცნების ახდენას ხელი ჯოვანას ყოფილმა ქმარმა შეუშალა, მურილიო ბენისიომ შვილის თან წაყვანის უფლება არ მისცა. მურილიო ბენისიოსთან წამოწყებული სასამართლო პროცესი, საბოლოოდ რობერტო ლოკასიოსთან განქორწინებით დასრულდა. ეს ქორწინება მხოლოდ 4 თვე გაგრძელდა.
რეჟისორ ლეონარდო ნოგეირას ჯოვანა 2009 წელს გადასაღებ მოედანზე შეხვდა. 2010 წლის 8 ოქტომბერს ტყუპი ქალიშვილი - ანტონია და სოფია შეეძინათ. შვილების გაჩენის მიუხედავად, ისინი ოფიციალურად არ დაქორწინებულან.
სოციალური ქსელების გაჩენასთან ერთად მსახიობმა დაიწყო საჯარო გვერდებზე აქტიურობა. ამ დროისთვის, ჯოვანას ინსტაგრამზე 15,6 მილიონი გამომწერი ჰყავს, რომლებსაც ხშირად უყვება მისი ცხოვრების შესახებ...
რამდენიმე თვის წინ ფანები განსაკუთრებულად გაახარა ახალმა ფოტომ, სადაც ჩანს, რომ მურილიო ბენისიო და ჯოვანა ანტონელი შვილებთან ერთად შეიკრიბნენ. ფოტოზე წყვილის საერთო ვაჟის გარდა, ჯოვანას ტყუპები არიან და ასევე მურილიოს პირველი ვაჟი, რომელიც მსახიობს ჰადესთან თანაცხოვრებამდე შეეძინა...
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მეც მაგრად მიყვარდა ეგ სერიალი
რატომ აღარ აჩვენებენ ბრაზილიურ სერიალებს? რა კარგი დრო იყო, მთელი ოჯახი ვუყურებდით