მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"როცა ნიტა გამოაცხადეს ვიტირე, უზომოდ ამაყი ვიყავი... ჯერჯერობით კამპუსში იცხოვრებს და შემდეგ ბინას იქირავებს" - ნიკა ლომიძე შვილის ამერიკულ ცხოვრებასა და წარმატებაზე
17:55 / 24-09-2022
საქართველოდან უცხოეთში სასწავლებლად სკოლასა თუ უნივერსიტეტში არაერთი ახალგაზრდა მიდის. წარმატებულებიც არიან. ამ ახალგაზრდებზე პერიოდულად ვწერთ კიდეც. ცოტა ხნის წინ, ერთ-ერთი საკონსულტაციო ცენტრის გვერდზე ეს ინფორმაცია გამოქვეყნდა:
"ნიტა ლომიძემ სულ ახლახან წარმატებით დაასრულა კალიფორნიაში Idyllwild Arts Academy და უკვე #NY-ის Pace University-ს საბაკალავრო კურსის სტუდენტია, თან STEM პროგრამის President's Scholarship Award- ის მფლობელი"!
ნიტა ლომიძეს, ამ ნიჭიერ, მხიარულ და თბილ გოგონას საქართველოში კარგად იცნობენ. ის ჩვენი საზოგადოების, ტელემაყურებლის რჩეულიც არის, ერთ-ერთ კონკურსში გაიმარჯვა და თბილისში ბინითაც დაასაჩუქრეს. ცეკვაზე და ხელოვნებაზე უზომოდ შეყვარებულმა ნიტამ სწავლა კალიფორნიაში სახელოვნებო სკოლაში განაგრძო, რომელიც წელს დაასრულა და უკვე ნიუ-იორკის ერთ-ერთი უნივერსიტეტის სტუდენტიცაა.
ცნობისთვის, ნიტა ლომიძე ცნობილი მშობლების - ნიკა ლომიძისა და თეა გობეჯიშვილის შვილია. გოგონას გამოსაშვებ ცერემონიალზე ამერიკაში მამამაც ჩააკითხა.
ნიკა ლომიძე:
- კი, ნიტამ სკოლა დაამთავრა, ჰქონდა გამოსაშვები ცერემონიალი როგორც ხდება ხოლმე, თავის ქუდების ჰაერში ასროლით და ყველა სახასიათო ელემენტით. ამ ღონისძიებას მეც დავესწარი... მერე ორივენი ჩამოვედით საქართველოში, ზაფხულის არდადეგები აქ გაატარა. იმ პერიოდში, პარალელურად თავისი განაცხადი სხვადასხვა უნივერსიტეტში გააგზავნა. 7 უნივერსიტეტიდან დადებითი პასუხი მოუვიდა. მათგან ნიუ-იორკის უნივერსიტეტი "პეისტი" აირჩია. მერე ამერიკაში ისევ ერთად გავემგზავრეთ და უნივერსიტეტის კამპუსში დავაბინავე, ბარგის გადატანაში დავეხმარე და იქვე დავტოვე.
- ამერიკულმა სკოლამ ნიტას რა მისცა და რამდენად შეცვალა მისი ცხოვრება?
- გარდა იმისა, რომ ცეკვას სწავლობდა, სკოლამ მისი აზროვნება შეცვალა. მან სტატიაც დაწერა ზუსტად ამაზე, სადაც თქვა, ამ პერიოდში როგორ ადამიანებთან, ხაზგასმით ადამიანებთან, ჰქონდა ურთიერთობა, რითაც ძალიან კმაყოფილია. განსაკუთრებით ის უხარია, რომ ადამიანებთან ურთიერთობა ისწავლა. ამას მართლა ცოდნა უნდა. ძალიან მნიშვნელოვანია, რომ ჩამოყალიბდა პიროვნებად და მხოლოდ მას მერე მიიღო გადაწყვეტილება, დარჩენილიყო ამ ქვეყანაში და სწავლის შემდგომი ეტაპი იქვე გაეგრძელებინა. ჩემთვის მნიშვნელოვანია, რას ფიქრობს ის ადამიანების ერთმანეთთან დამოკიდებულებაზე, რაც იქ ძალიან მძაფრად და კარგად აქვთ.
გაუღრმავდა იმის განცდა, რომ მივეხმაროთ ბუნებას, დედამიწას, აქტიურად არის ჩართული გარემოს დაცვისა და ადამიანის უფლებების დაცვის საკითხებში. ასე რომ, გარდა თავისი სპეციალობისა, ბევრი დადებითი, საჭირო და საინტერესო რამ შეიძინა. ამ ყველაფერს იქ დიდ ყურადღებას აქცევენ. იქ ბავშვები ასე იზრდებიან და ასე აზროვნებენ. მერე მათ რომ უსმენ, გრცხვენია, სხვანაირად ვეღარ აკეთებ რაღაცებს. ყურადღებას აქცევ ბევრ რამეს, აქცევ და სხვანაირად ფიქრობ. საქართველოში ცხოვრებას, სწავლას რა სჯობს, მაგრამ დღევანდელი სიტუაციიდან გამომდინარე, ყველას ვურჩევ, თუ ამას შეძლებენ, წავიდნენ. ეს დღეს მართლაც შესაძლებელია. მშობლებს ნიტას დასაფინანსებლად სრულყოფილად სახსრები არ გვქონდა, მაგრამ იყოჩაღა და ეს დაფინანსებაც ჯერ სკოლაში და ახლა უნივერსიტეტში თვითონ მოიპოვა. შეუძლებელი არაფერია.
- რა სპეციალობას უნდა, რომ დაეუფლოს?
- ცეკვას პარალელურად მიჰყვება, მაგრამ უნივერსიტეტში ფსიქოლოგიის განხრით დაიწყო სწავლა. 4 წელი სკოლაში ისწავლა, ახლა 4 წელი საბაკალავრო კურსს დასჭირდება და მერე კიდევ 2 წელი. სულ 6 მოუწევს უნივერსიტეტში სწავლა.
- ნიჭიერი, შრომისმოყვარე, ჭკვიანი, დამოუკიდებელი გოგონაა და თან, უკვე სრულწლოვანი. დღეს 19 წლის გახდა და გილოცავთ... მშობლისთვის ალბათ მაინც არ უნდა იყოს მარტივი შვილის წლობით ასე შორს მანძილზე ყოფნა...
- რთულია მშობლისთვის, მაგრამ ტვინი ისე გადავრთეთ, რომ გამოვრთეთ ეგოიზმი. ვეცადეთ, ეს ბარიერი გადაგველახა. ბოლომდე ამის დაძლევა არ ხდება, რადგან მაინც ნერვიულობ, გენატრება, მაგრამ პარალელურად გახსენდება, რომ მისი მომავლისთვის ეს მნიშვნელოვანია. ასე რომ, ჩვენი მონატრება და ეგოიზმი გვერდით გადავდეთ და ბავშვის მომავალს ყურადღება მივაქციეთ.
- ამით მის სურვილს და გადაწყვეტილებასაც ცხადია, პატივი ეცით...
- კი, მეც ასე ვარ გაზრდილი და თეაც. თვითონ ავირჩიეთ პროფესიები, სამსახურები, ჩვენ შეცდომებზე ვისწავლეთ. მომწონს, რომ დამოუკიდებელია, არ ჩავრეულვარ არც სკოლის არჩევაში და არც უნივერსიტეტის არჩევაში. ნიტას ძალიან ეხმარებიან არაჩვეულებრივი ადამიანები, ერთ-ერთი საკონსულტაციო ცენტრი, რომელიც ახალგაზრდა მოსწავლეებს, სტუდენტებს დაკვალიანებაში მხარში უდგანან და ამას უსასყიდლოდ აკეთებენ.
Trinity Education-ი სკოლის არჩევაში, აპლიკაციების შევსებაში, მერეც, სწავლის პროცესში და ახლა უნივერსიტეტში განაცხადების გაგზავნაში ძალიან დაეხმარნენ...
- ჩვენც სწორედ ამ ცენტრის გვერდიდან შევიტყვეთ ნიტას წარმატებების შესახებ. სწავლის საფასურის გადახდა გიწევთ?
- ძალიან მინიმალური გვექნება გადასახდელი, დიდი ნაწილი დაფინანსების თვითონ მოიპოვა... ახლა ჯერ კამპუსში იცხოვრებს და მერე მეგობრებთან ერთად, ბინას იქირავებენ, რაც უფრო იაფი ჯდება.
- ადრე მითხარი, რომ ნიტას სახლი, რომელიც კონკურსში გამარჯვებისას საჩუქრად მიიღო, გაქირავებულია და ის თანხა მის ამერიკაში ცხოვრებას ხმარდება. ახლა?
- კი, ის თანხა სახარჯოდ თვითონ ყოფნის.
- სკოლის დამთავრების გრანდიოზულ ცერემონიალზე პირველად ვიყავი?
- თბილისში 53-ე სკოლა დავამთავრე და სად იყო მაშინ ასეთი რაღაცები. რაც იქ ვნახე, მხოლოდ ფილმში მქონდა ნანახი და რეალურად კიდევ უკეთესი სანახავი ყოფილა, -სასწაული ემოციები მქონდა. საოცრად განვიცადე... მერე უნდა ნახოთ, როგორი დამოკიდებულება აქვთ პედაგოგებს, სკოლას ბავშვებთან. ყველა ბავშვს ცალკე აცხადებენ, მასზე ჰყვებიან, ახასიათებენ, აჯილდოებენ. ძალიან ამაღელვებელი წუთებია, ცრემლები მომდიოდა....
- და როდესაც ნიტაზე საუბრობდნენ...
- ვიტირე... განსაკუთრებული გამოცხადება ჰქონდა. სხვანაირად არ მინდა გაიგოთ, მაგრამ კლასში მართლა განსაკუთრებული მოსწავლე იყო. დააჯლდოეს და უზომოდ გახარებული და ამაყი ვიყავი. კი, ვიტირე...
- ასე რომ, მის ცხოვრებაში აღარ ერევი...
- არა, სრულწლოვანია. დღეს (22 სექტემბერი - ავტ.) უკვე 19 წლის გახდა. მშობლების სურვილია, როგორც ახლაა, როცა ამდენ კარგ სიტყვებს ვისმენთ მასზე, ასევე გაგრძელდეს და ამას ვუსურვებ სულ. ეს ყველაფერი საკმარისია ჩემთვის და მნიშვნელოვანიც.
მკითხველის კომენტარები /
16 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეგენი თაღლითები იყვნენ მთელი ტელევიზიები ამაზე ლაპარტაკობდნენ და ძაფსრცხეს საქმე ეგრე მჯერავს კონკურსზეც გააკეთებდნენ საქმეს და ბინა მიიღეს ან ეს ქლესია კაცი,,,, ეგრე თუ უყვარდა ცეკვა სად ფსიქოლოგია სად ცეკვა
ნიტას ვუსურვებ დიდ წარმატებებს. იმსახურებს ეს უნიჭიერესი გოგონა. ეხლა ვიხსენებ ჩემ შვილთან ერთად სწავლობდა პირველ კლასში. მაგრამ ნახევარი წლის შემდეგ დავბრუნდით ისევ იერუსალიმში... ჩემი გოგოც ეხლა ცხრამეტი წლის არის და მსახურობს ისრაელის არმიაში. უფალმა დაგლოცოთ ჩემი შვილის კლასელებო. წარმატებები თქვენ.