იოანე ბაგრატიონი ბრიტანეთის დედოფლის ელისაბედ II-ის სისხლით ნათესავია

2022 წლის 8 სექტემბერს დიდი ბრიტანეთის მონარქი ელიზაბედ II 96 წლის ასაკში გარდაიცვალა. „ეპოქის დასასრული“ - ასე შეაფასა მსოფლიომ დედოფლის სიკვდილი... ბრიტანეთის დედოფლის დაკრძალვის ცერემონია ორშაბათს, 19 სექტემბერს გაიმართება.

ბრიტანეთის დედოფლის, ელისაბედ მეორეს დაკრძალვა ორშაბათს გაიმართება. ვარაუდობენ, რომ დაკრძალვაზე დასასწრებად დიდ ბრიტანეთში 500 სახელმწიფო მეთაური და მსოფლიოში ცნობილი პერსონა ჩავა. ვესტმინსტერის სააბატო, სადაც დედოფლის სასახლეა დასვენებული დაახლოებით 2200 ადამიანს იტევს.

საზოგადოების ნაწილმა ალბათ არც იცის, რომ ბაგრატიონთა დინასტიის შთამომავალი მ.ს.უ. პრინცი იოანე ბაგრატიონ-მუხრანი ერთადერთი ბაგრატიონია, რომელიც ინგლისის დედოფალ ელისაბედ II-ის სისხლით ნათესავია.

იოანე ბაგრატიონი, მას შემდეგ, რაც ქრისტინე ძიძიგურზე იქორწინა, საქართველოში ცხოვრობს... წყვილს 2021 წლის იანვარში, ნათლისღებას, ვაჟი შეეძინათ. იოანემ პირველ შვილს, მამის ბაგრატ ბაგრატიონ მუხრანელის სახელი დაარქვა. პრინცის მამა 2017 წელს ესპანეთში გარდაიცვალა.

Ambebi.ge-მ პრინცის იოანე ბაგრატიონის დედოფალთან ნათესაობის შესახებ საინტერესო ცნობები მოიძია. წლების წინ ემიგრაციაში იძულებით გადასახლებულმა მ.ს.უ. ბატონიშვილმა ირაკლი ბაგრატიონ-მუხრანელმა მეორედ, 1946 წელს, ესპანეთის და ბავარიის პრინცესა მარია დე ლას მერსედეს ბავარია ი დე ბორბონზე იქორწინა. ეს იყო სამეფო დინასტიური ქორწინება, რომელმაც გააერთიანა საქართველოს ბაგრატოვანთა დინასტია ევროპულ ბორბონთა და ვიტელსბახების დინასტიებთან.

ბატონიშვილი ირაკლი ბაგრატიონ-მუხრანის მეორე ცოლი მარია დე ლას მერსედეს ბავარია ი დე ბორბონი იყო ესპანეთის და საფრანეთის სამეფო გვარის ბორბონების შთამომავალი, ასევე ბავარიის 10 საუკუნოვანი ვიტელსბახების სამეფო დინასტიის და ავსტრიის საიმპერატორო დინასტიის ჰაბსბურგების შთამომავალი გახლდათ. პრინცესა მარია დე ლას მერსედესი ასევე ატარებდა ესპანეთის ინფანტას ტიტულს. ბატონიშვილი ირაკლის პრინცესა მარია დე ლას მერსედესთან ქორწინებამ სისხლით დაანათესავა ბაგრატიონთა დინასტია ევროპულ სამეფო დინასტიებთან, მათი ერთადერთი მამრობითი ხაზით შთამომავალი ბატონიშვილი იოანე ბაგრატიონ-მუხრანია, რომელიც აერთიანებს ორი იბერიის სამეფო დინასტიებს.

სწორედ ამ ქორწინებამ განაპირობა, იოანე ბაგრატიონის და დედოფალ ელისაბედ II-ის სისხლით ნათესაური კავშირი. ბატონიშვილი იოანე, მისი დიდი ბებიის ავსტრიის მთავარჰერცოგინიას მარია-ქრისტინა ჰაბსბურგების დინასტიური ხაზით დედოფალ ელისაბედ II-ის ნათეასავია და ორივე, დიდი ბრიტანეთის და ირლანდიის მეფე ჯორჯ II-ს (George II of Great Britain and Ireland, né 1683) შთამომავლები არიან. ასევე, ედინბურგის ჰერცოგის მხრიდან, ისინი იზიარებენ საერთო წინაპრებს ჰეს-დარმსტადტ-ის (Grand Ducal House of Hesse-Darmstadt) დიდი საჰერცოგო სახლიდან.

მ.უ. დედოფალი ელისაბედ II-ის და მ.ს.უ. პრინცი იოანე ბაგრატიონ-მუხრანის გენეალოგიის ხე:

წყარო: Burke’s Royal Families of the World; Vol 1 (1977)

ბრიტანეთის სამეფო ოჯახთან სისხლით ნათესაური კავშირის შედეგად, იოანე ბაგრატიონი დიდი ბრიტანეთის სამეფო ტახტის მემკვიდრეებს შორის არის მოხსენიებული, რასაც მოწმობს ლეგიტიმაციის შესახებ 2011 წლის 1 იანვრის მონაცემები, რომელიც შედგენილია “1701 წელს ინგლისის პარლამენტის მიერ მიღებული, სოფია ჰანოვარის ‘სამემკვიდრეო აქტის’ საფუძველზე

(Act of Settlement 1701; წყარო: https://www.parliament.uk/about/living-heritage/evolutionofparliament/parliamentaryauthority/revolution/collections1/parliamentary-collections/act-of-settlement/).

ბრიტანეთის ტახტის მემკვიდრეობის უფლებამოსილი პირები, 2011 წლის 1 იანვრის მონაცემით:

http://www.wargs.com/essays/succession/2011.html

წყარო: ისტორიკოსი უილიამ ადდამს რეიტვიესნერ (William Addams Reitwiesner)

(მონაცემები ახლდება ყოველ 20 წელიწადში)

მ.ს.უ. პრინცი იოანე ბაგრატიონ-მუხრანი მ.უ. დიდი ბრიტანეთის და ჩრდილოეთ ირლანდიის გაერთიანებული სამეფოს მეფე ჩარლზ III-ს მეშვიდე ბიძაშვილია, ისინი იზიარებენ საერთო წინაპარს დიდი ბრიტანეთის მეფე ჯორჯ II-ის სახით King George II of Britain (1683-1760).

იოანე ბაგრატიონმა, დედოფლის გარდაცვალებასთან დაკავშირებით მეფე ჩარლზს სამძიმრის წერილი გაუგზავნა, რომელიც ბატონიშვილის ოფიციალურ გვერდზეც გამოქვეყნდა...

ბათუმი, 9 სექტემბერი 2022

თქვენო უდიდებულესობავ,

ჩემს ოჯახთან ერთად, გადმოგცემთ ჩვენს ღრმა მწუხარებას და სამძიმარს თქვენი ძვირფასი დედის, მისი უდიდებულესობა დედოფალ ელისაბედის გარდაცვალების გამო.

უსაზღვროდ დიდი პატივისცემა, რომელსაც ყოველთვის ვგრძნობდით მისი უდიდებულესობის მიმართ, სამუდამოდ დარჩება იმ მარადიულ მემკვიდრეობაში, რომელსაც მისი უდიდებულესობა ტოვებს ამ სამყაროში.

ჩვენს ლოცვებში ვიხსენიებთ თქვენს უდიდებულესობას, სამეფო ოჯახს და თქვენი უდიდებულესობის მზრუნველობის ქვეშ მყოფ ხალხს.

უღრმესი პატივისცემით

ქავერზე ფოტოები გადაღებულია:

დედოფალი ელისაბედ II, ფოტოგრაფი სესილ ბიტონი (Cecil Beaton) 1953 წელი

მ.ს.უ. პრინცი იოანე ბაგრატიონ-მუხრანი, ფოტოგრაფი ირმა შარიქაძე, ალავერდის მონასტერი, 2019 წელი