მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მემარჯვენეებსა" და "მემარცხენეებს" შორის "გაჭედილი" შვედეთი - არჩევნები პარადოქსული შედეგით: თითქმის ფაშისტური იდეოლოგიის პარტიამ 20%-ზე მეტი მხარდაჭერა მიიღო
12:00 / 13-09-2022
შვედეთის 2022 წლის საყოველთაო არჩევნებში, წინასწარი შედეგებით, ლიდერობა მემარჯვენე პოლიტიკური პარტიების ჯგუფმა მოიპოვა. როგორც ჩანს, მემარცხენე ბლოკი დამარცხების გზას ადგას, რომელსაც შვედეთის პრემიერ-მინისტრი, მაგდალენა ანდერსონი ხელმძღვანელობს. შვედეთის 349 -ადგილიან პარლამენტში - რიკსდაგში, ადგილების მოპოვებისთვის სულ 8 პარტია იბრძვის, მათ შორის 4 მემარჯვენე, 4 კი - მემარცხენე პარტიაა. შვედეთს, რომელიც დაახლოებით 10,5 - მილიონიანი სკანდინავიური ქვეყანაა, ევროპის ერთ-ერთი ყველაზე პროგრესული სახელმწიფოს რეპუტაცია აქვს და ყველაზე ბედნიერი ერების სიაში ადგილს მუდმივად იკავებს.
შვედეთის საყოველთაო არჩევნების საბოლოო შედეგები ოთხშაბათამდე უცნობი რჩება, რადგან ფოსტით გაგზავნილი ბიულეტენები და საზღვარგარეთ მცხოვრები მოქალაქეების ხმები ჯერ კიდევ არ დათვლილა.
საარჩვენო უბნების დახურვისთანავე, შვედეთის საზოგადოებრივი მაუწყებლის ადრეული ეგზიტპოლის მიხედვით ითქვა, რომ ქალბატონი ანდერსონის ოთხი მემარცხენე პარტიის კოალიცია გაიმარჯვებდა ხმების 49,8%-ით. მაგრამ მათი სიხარული ნაადრევი აღმოჩნდა. როცა საარჩევნო ოლქების 94%-დან ხმების რაოდენობა დაითვალეს, 349 ადგილიდან 176 ადგილი, სავარაუდოდ, მემარჯვენეებს გადაეცემათ. თუ ეს შედეგები დადასტურდა, მემარჯვენეთა პარტია საპარლამენტო უმრავლესობას მოიპოვებს, რაც მათ მთავრობის ფორმირების მცდელობისთვის გზას გაუხსნის.
- მემარჯვენე მოძრაობის აღზევება
"შვედეთის დემოკრატებმა", ერთ დროს პერიფერიულმა ნაციონალისტურმა პარტიამ, რომელიც ანტიმიგრაციული პოლიტიკით და თითქმის ფაშისტური იდეოლოგიით გამოირჩევა და რომელიც გარიყული იყო პოლიტიკურ სპექტრიდან, ახლა ხმების თითქმის 21% მიიღო. მათი მთავარი გზავნილები მიგრაციისა და კრიმინალის ზრდის წინააღმდეგ იყო მიმართული.
"შვედეთის დემოკრატები" პარლამენტში 2010 წელს ხმების 5.7%-ით შევიდნენ, 2018 წელს მხარდამჭერების ხმები 17.5%-მდე გაიზარდა, 2022 წელს კი როგორც ჩანს, 20%-ს გადააჭარბებს. მემარჯვენე პოზიციაზე მყოფი "მოდერატების" პარტიის ლიდერი, ულფ კრისტერსონი 2019 წლიდან მოლაპარაკებებს აწარმოებდა "შვედეთის დემოკრატებთან"და სწორედ მისი საშუალებით მოხდა ამ ულტრამემარჯვენე ძალის შვედურ პოლიტიკაში მეტად ინტეგრაცია. აღსანიშნავია, რომ "შვედი დემოკრატების" ლიდერებს შორის არიან ადამიანები, რომლებიც "თეთრი რასის" უპირატესობას აღიარებენ და ფაშისტური გზავნილებით გამოირჩევიან.
სოციალ-დემოკრატების ლიდერმა, ანდერსონმა გააკრიტიკა "შვედეთის დემოკრატების" მზარდი პოპულარობა და განაცხადა, რომ მთავრობაში ასეთი პარტიის არსებობამ შესაძლოა მნიშვნელოვანი გავლენა მოახდინოს პოლიტიკური დებატების ტონზე. ამ არჩევნების შემდეგ, შვედეთის ერთ-ერთმა უძველესმა მემარჯვენე პოლიტიკურმა მოძრაობამ, შესაძლოა, პირველად შექმნას კოალიცია ნაციონალისტ "შვედეთის დემოკრატებთან".
კრისტერსონი, რომელიც პრემიერ-მინისტრობისთვის მემარჯვენე ბლოკის სავარაუდო კანდიდატია, “როიტერსს“ ესაუბრა. "ჩვენ არ ვიცით, როგორი შედეგები გველის, მაგრამ მე მზად ვარ ყველაფერი გავაკეთო, რომ შევქმნა ახალი, სტაბილური და ენერგიული მთავრობა მთელი შვედეთისთვის და მისი ყველა მოქალაქისთვის".
საინტერესოა, რომ შვედეთის მემარჯვენეებმა რუსეთ-უკრაინის ომთან დაკავშირებით, ევროპის სხვა მემარჯვენე პოლიტიკურ ძალებთან შედარებით, განსხვავებული პოზიცია დაიკავეს, ისინი უკრაინას უჭერენ მხარს და რუსეთის წინააღმდეგ გამოდიან.
წყარო: bbc
მოამზადა: ანა სიბოშვილმა
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აჰა, მაშ ფოტოარჩევნებიც შეიძლება ? მაგათ თან მეფეცა ყავთ, თან სოციალიზმია ?! ამ ჩვენთან არც მეფეა, არც სოცილიზმი, არც კაპიტალიზმი, მარაზმია !
დაერხათ ლიბერალეებს... ხოდა ეგრე ეცოდინებათ როგორ არ უნდა მოიტყუონ და ზევიდან დაჰყურონ სხვებს...