"მისი უდიდებულესობა დედოფალი - ჩემი საყვარელი დედა - შთაგონება და მაგალითი იყო ჩემთვის" - მეფე ჩარლზ III-მ მოსახლეობას მონარქის რანგში პირველად მიმართა

დიდი ბრიტანეთის მეფემ ჩარლზ მესამემ მოსახლეობას მონარქის რანგში პირველად მიმართა. მან პატივი მიაგო დედოფალ ელისაბედ მეორის ხსოვნას.

"დღეს მე თქვენ ღრმა მწუხარებით მოგმართავთ. მთელი თავისი ცხოვრების მანძილზე, მისი უდიდებულესობა დედოფალი - ჩემი საყვარელი დედა - შთაგონება და მაგალითი იყო ჩემთვის და მთელი ჩემი ოჯახისთვის. ჩვენ მისი ყველაზე გულწრფელი ვალი გვმართებს, რომელიც ნებისმიერ ოჯახს შეიძლება ჰქონდეს საკუთარი დედის მიმართ, მისი სიყვარულისთვის, წინამძღოლობისთვის, გაგებისა და მაგალითისთვის", - აღნიშნა ახალმა მონარქმა.

ჩარლზ მესამემ საზეიმოდ დადო პირობა, რომ დარჩენილ სიცოცხლის მანძილზე, დაიცავს ქვეყნის კონსტიტუციურ პრინციპებს.

"ისევე, როგორც დედოფალი აკეთებდა ამას, ურყევი ერთგულებით, ახლა მეც გულწრფელად ვდებ პირობას, რომ იმ დარჩენილ დროს, რომელსაც ღმერთი მომცემს, დავუთმობ ჩვენი ერისთვის უმნიშვნელოვანესი საკონსტიტუციო პრინციპების დაცვას" - თქვა მეფემ.

ამასთანავე, მეფე ჩარლზმა მისი ვაჟს უილიამს უელსის პრინცობა უბოძა. მანვე სიყვარული გამოხატა, მეორე ვაჟის, პრინც ჰარისა და მისი მეუღლის, მეგანის მიმართ.

დღეს მეფე ჩარლზ III-მ დღეს ლონდონის ბუკინგემის სასახლეში პირველი აუდიენცია გამართა.

ლანჩის შემდეგ, მეფესთან ბრიტანეთის პრემიერ-მინისტრი ლიზ ტრასი მივიდა.