მნიშვნელოვანი ინფორმაცია
29
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
KIU-ს სტუდენტები Creative Spark Big Idea Challenge კონკურსის გამარჯვებულები გახდნენ
17:40 / 07-09-2022
ბრიტანეთის საბჭოს "შემოქმედებითი ნაპერწკალი: უმაღლესი განათლების სამეწარმეო პროგრამის’’ ფარგლებში, ბრიტანეთის საბჭოს და ლონდონის მეტროპოლიტენ უნივერსიტეტის თანამშრომლობით ჩატარდა 60-წამიანი ვიდეო კონკურსი სახელწოდებით Big Idea Challenge.
კონკურსის მიზანი სტუდენტებს, კურსდამთავრებულებს და ახალგაზრდა ანტრეპრენერებს შორის ბიზნეს იდეების განვითარების ხელშეწყობა, ასევე გამარჯვებულებისთვის იდეების განხორციელების ეტაპზე დახმარების გაწევაა. კონკურსი არის პლატფორმა, რომელიც მონაწილეებს საშუალებას აძლევს გაზარდონ საკუთარი ცნობადობა და გაიუმჯობესონ კარიერული პერსპექტივა.
კონკურსზე აზერბაიჯანის, საქართველოს, სომხეთის, ყაზახეთის, ყირგიზეთის, უზბეკეთისა და უკრაინის 70 უნივერსიტეტიდან 250 ბიზნეს იდეა იყო წარდგენილი.
გრანდ ჩემპიონი ქუთაისის საერთაშორისო უნივერსიტეტის სტუდენტების იდეა BOOKI გახდა. გამარჯვებული გუნდის წევრებმა ერეკლე ბერიძემ, ანანო შავერდაშვილმა, ვალერი გურგენიძემ და თეიმურაზ ფხაკაძემ ასევე დიდ წარმატებას მიაღწიეს კონკურსის წინა ეტაპზე და Facebook კონკურსში მოიპოვეს ხალხის რჩეულის წოდება.
BOOKI-ს იდეა მდგომარეობს ონლაინ პლატფორმის შექმნაში, რომელიც ადვილად გამოსაყენებელი და ინტერაქტიული ონლაინ გარემო გახდება ბუკინისტური წიგნების გამყიდველთათვის და მყიდველთათვის მიუხედავად მათი ასაკისა.
ჩვენ გაგაცნობთ გამარჯვებულ სტუდენტებს, რომლებმაც საკუთარი შესაძლებლობები მაქსიმალურად გამოიყენეს და ახლა უკვე იდეის განხორციელებას დაიწყებენ.
BOOKI-ის იდეის შესახებ მენეჯმენტის მესამე კურსის სტუდენტი ვალერი გურგენაშვილი გვესაუბრა.
"სტარტაპ Booki-ზე მუშაობა ერთი წლის წინ, GITA-ს საზაფხულო სკოლაში დაიწყო. თავდაპირველად მარტო ვიყავი, რაც ცოტა არ იყოს ართულებდა სიტუაციას, რადგან ყველაფრის კეთება მარტო მიწევდა, შემდეგ პროექტს შემოუერთდნენ გუნდის დანარჩენი წევრები და გავედით BIG IDEA CHALLANGE-ში. როდესაც შედეგები გავიგეთ ძალიან გაგვიხარდა, ასეთ წარმატებას არ ველოდით. დავაგროვეთ ყველაზე მეტი საკონკურსო ქულა. რაც ჩვენთვის დასტური აღმოჩნდა, რომ იდეა ვალიდურია და ბაზარზე არსებობს მისი საჭიროება.“-ამბობს ვალერი.
"პროექტის მასშტაბურობიდან გამომდინარე ეს გამარჯვება ჩვენთვის უდიდეს სტიმულად იქცა და კიდევ უფრო შემართებით შევუდექით იდეის განხორციელებას.
პირადად ჩემთვის ეს იყო ძალიან დიდი გამოწვევა, რომელიც მივიღე და შევძელი მექცია შესაძლებლობად. რთულია ასევე იმ ემოციების დავიწყება, რომელიც ამ მოკლე ხანში დაგვიგროვდა. ეს იყო გზა, რომელსაც თან ახლდა სირთულეები, თუმცა მე და ჩემმა გუნდმა ამის დაძლევა წარმატევით შევძელით. ამბობს კომპიუტერული მეცნიერების ფაკულტეტის მესამე კურსის სტუდენტი თეიმურაზ ფხაკაძე.
კიდევ ერთი გამარჯვებული ერეკლე ბერიძეა, მენეჯმენტის ფაკულტეტის მე-3 კურსის სტუდენტი. ის საკუთარ გამოცდილებას ახლა უკვე თანატოლებს უზიარებას. "მე და ჩემმა გუნდმა, გადავწყვიტეთ გვემუშავა სტარტაპზე, რომლის გასავითარებლად creative spark 2022-ის ჩემპიონატის ფარგლებში ჯამში 2000 ფუნტის ოდენობის 2 გრანტი მოვიგეთ.
შეძენილი გამოცდილებიდან გამომდინარე ვიტყვი, რომ უდიდესი ბედნიერებაა, როდესაც ნაშრომს შედეგი მოაქვს. ეს აჩენს კიდევ უფრო დიდ სტიმულს და მოთხოვნილებას მეტს მიაღწიო. აუცილებელია გჯეროდეს და გიზიდავდეს იდეა რასაც ემსახურები, დათავაუღებლად იშრომო გამარჯვებისათის.
,ამჟამად ბუკის ორ მთავარ მიმართულებაზე ვართ გადართულები: უშუალოდ პლატფრომის (ვებსაიტის) განვითარება და მარკეტის ანალიზი, რაც თავისთავად მოიცავს აქტიურ კომუნიკაციას ჩვენს პოტენციურ მომხმარებლებთან, მათზე ინფორმაციის შეგროვებას, შესაძლო პრობლემების აღმოჩენას და მათი გამოსავლების მოძებნას და ასე შემდეგ.
უნივერსიტეტში აკადემიური მოღვაწეობის ორი წლის განმავლობაში დაგროვილ ცოდნასა და გამოცდილებას თავისთავად ახლა ყველა საქმეში ვიყენებ.“ გვიამბობს გამარჯვებული გუნდის წევრი, მენეჯმენტის სკოლის მესამე კურსის სტუდენტი ანანო შავერდაშვილი.
ბრიტანეთის საბჭოს მიერ შემუშავებული პროგრამა „შემოქმედებითი ნაპერწკალი“ 2018 წლიდან ხორციელდება და ათასობით ახალგარდას საკუთარი იდეის განხორციელების შესაძლებლობას აძლებს. ამჯერად ქუთაისელი სტუდენტების Booki-ს განხორციელება და მომხმარებლებისთვის გახსნა დაგეგმილია წლის ბოლომდე.
NS
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
