კადიროვმა წასვლა ისევ გადაიფიქრა - "მე შემიძლია წავიდე მხოლოდ ხალხისა და რუსეთის პრეზიდენტის თხოვნით"

ჩეჩნეთის ხელმძღვანელმა რამზან კადიროვმა, თანამდებობიდან წასვლა გადაიფიქრა, - წერს რუსული მედია. უფრო მეტიც, ის ახალ რეკორდს უმიზნებს. როგორც კადიროვი თავის "ტელეგრამის" არხზე წერს. მისი თქმით, როგორც გაარკვია ბელგოროდის გუბერნატორის თანამდებობაზე ყოფნის რეკორდი 27 წელია და ცდილობს გააუმჯობესოს...

"ამიტომ უფრო მეტსაც ვიტყვი: ახლა გადავწყვიტე თანამდებობაზე ყოფნის ამჟამინდელი რეკორდი მოვხსნა. ვნახოთ, მოვახერხებ თუ არა ამ მაჩვენებლის დამარცხებას", - განაცხადა კადიროვმა.

ჩეჩნეთის ლიდერმა აქვე დასძინა, რომ გრძელვადიან შვებულებაზე საუბარი მომავლისთვის გადაიდო და წელს ყოველწლიურ შვებულებაშიც კი არ გავა.

3 სექტემბერს ჩეჩნეთის ხელმძღვანელმა ასევე დაწერა, რომ ის "ძალიან დიდხანს დარჩა“ თავის თანამდებობაზე და "განუსაზღვრელი და ხანგრძლივი შვებულება დაიმსახურა“. ამასთან, კადიროვს არ დაუკონკრეტებია, კონკრეტულად რა ჰქონდა მხედველობაში ასეთი განცხადების გაკეთებისას.

განცხადების გაკეთების შემდეგ რუსულ მედიაში გაჩნდა ინფორმაცია, რომ შესაძლოა კადიროვი რუსეთის გვარდიის უფროსად დაენიშნათ, რათა საშუალება მიეცათ ოკუპირებული ტერიტორიები "გაესუფთავებინა“

"ხალხმა მომანდო რეგიონის ხელმძღვანელობა და ამ ნდობის გამართლება ჩემი წმინდა მოვალეობაა. მე შემიძლია წავიდე მხოლოდ ხალხისა და რუსეთის პრეზიდენტის თხოვნით. ამიტომ, განუსაზღვრელი შვებულების შესახებ საუბარს სამომავლოდ დავტოვებთ“, - ამბობს ახლა კადიროვმა.

მან ასევე აღნიშნა, რომ 15 წელია, რაც რეგიონის მეთაურია, მაგრამ რუს გუბერნატორებს შორის არიან უფრო "გრძელვადიანებიც“.

რამზან კადიროვი ჩეჩნეთს 2007 წლიდან ხელმძღვანელობს. 2021 წლის ოქტომბერში იგი ხელახლა აირჩიეს რესპუბლიკის მეთაურის პოსტზე 99,7%-ით. მას უფლებამოსილების ვადა 2026 წელს ეწურება.

აქამდეც კადიროვმა არაერთხელ განაცხადა მისი შესაძლო გადადგომის შესახებ. "ჩემი დრო უკვე გავიდა. ადამიანს აქვს საზღვარი“, - ამბობდა ის მან 2016 წელს. 2017-ში კი ჩეჩნეთის ლიდერმა განაცხადა, რომ მისი "ოცნება“ გადადგომაა.