11
მაისიდღის ზოგადი ასტროლოგიური პროგნოზი
არგენტინის ვიცე-პრეზიდენტი კრისტინა ფერნანდეს დე კირშნერი სიკვდილს სასწაულით გადაურჩა. 35 წლის მამაკაცმა პისტოლეტი, ფაქტობრივად, თავზე მიაბჯინა, მაგრამ იარაღმა არ გაისროლა... როგორ ირკვევა, ტყვია გაიჭედა.
შემთხვევა ბუენოს-აირესში მოხდა, იმ დროს, როდესაც ქალი ქუჩაში გამოსულ მხარდამჭერებს ესალმებოდა. არგენტინის პრეზიდენტის ალბერტო ფერნანდესის თქმით, იარაღი დატენილი იყო და დე კირშნერი მხოლოდ შემთხვევით გადარჩა.
"კრისტინა ცოცხალია, რადგან იარაღმა, რომელშიც ხუთი ტყვია იდო, ტექნიკური მიზეზის გამო არ გაისროლა“, - განაცხადა სახელმწიფოს ლიდერმა. მისი თქმით, ეს მკვლელობის მცდელობა ერთ-ერთი ყველაზე სერიოზული ინციდენტია 1983 წლიდან მოყოლებული, რაც ქვეყანა სამხედრო დიქტატურიდან დემოკრატიულ მმართველობაზე გადავიდა.
სოციალურ ქსელში მკვლელობის მცდელობის ამსახველი ვიდეომასალა გავრცელდა, რომელშიც ჩანს, როდესაც კირშნერი თავის მხარდამჭერებს ესალმება, მამაკაცი ზევით როგორც წევს იარაღს და ცდილობს, სახეში ესროლოს. ამის შემდეგ ქალი თავს დაბლა ხრის, მაგრამ გასროლის ხმა არ ისმის.
ინციდენტი იმ ფონზე მოხდა, როდესაც არგენტინის ვიცე-პრეზიდენტის წინააღმდეგ კორუფციის საქმეზე სასამართლო პროცესი მიმდინარეობს. საქმე შეეხება პერიოდს, როდესაც პოლიტიკოსი არგენტინის პრეზიდენტის პოსტს იკავებდა.
თუ კრისტინა ფერნანდეს დე კირშნერის წინააღმდეგ წაყენებული ბრალდება დამტკიცდება, მას 12 წლით პატიმრობა დაემუქრება და სამუდამოდ აეკრძალება სახელმწიფო თანამდებობების დაკავება. მაგრამ მაშინაც კი, თუ კირშნერი დამნაშავედ ცნეს, ის პირდაპირ ციხეში არ წავა, რადგან არჩეული სენატორის საპარლამენტო იმუნიტეტით სარგებლობს. საქმეზე გადაწყვეტილების მიღებას, სავარაუდოდ, რამდენიმე თვე დასჭირდება. წყარო
ამ ქალბატონს,რომელსაც მინიმუმ 12 წლიანი ციხე ემუქრება,მაგრად გაუმართლა
და უამრავი მხარდაჭერი გამოუჩნდა,თან დაჩაგრულის იმიჯიც აქვს.
იარღმა არ გაისროლა ? გაჩალიჩებული ხომ არ იყო ? იქნებ იმ ტიპს ფული გადაუხადეს,დიდი ფული ...
მე გავიგე, რომ ტიპს ჩინური ,,კენჭები,, ჰქონიაო!