მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"გადაგწვავთო, ჩვენი მიწააო, 2008 გაიხსენეთო. თან ეს ხალხი აქ ცხოვრობს, აქ, დასეირნობს "უწყინრად“ - რას წერს ისტორიკოსი ბუბა კუდავა რუს ტურისტებზე
09:50 / 05-08-2022
ისტორიკოსი ბუბა კუდავა საქართველოში რუსი ტურისტების მხრიდან გამოვლენილ ქცევებზე წერს და "დედაენის ბართან" დაკავშირებით განვითარებულ მოვლენებს ეხმიანება.
"შემოვიდნენ თავიდან "მოკრძალებით“, უკრაინისდროშიანი პინებით და სამაჯურებით, ხანაც ინგლისური გამოსაუბრებებით.მერე ნელ-ნელა მოიხსნეს, მშობლიური ენაც ამოიდგეს, წელშიც გასწორდნენ, სერვისიც დაიწუნეს, ხმასაც აუწიეს, უკრაინული მუსიკაც იხამუშეს.
მერე ერთი (ათასში ერთი!), ისიც კერძო დაწესებულების (რომელსაც შეგიძლია უბრალოდ გვერდი აუარო) ერთი რეგულაცია იუკადრისეს, ხომალდისთვის გეზის მიმცემი სლოგანით აღშფოთდნენ...და დაირაზმნენ, და დაუშინეს, და იმუქრეს, და ამოალაგეს დროებით ჩამალულ-ჩაკუჭულები.
გადაგწვავთო, ჩვენი მიწააო, 2008 გაიხსენეთო. თან ეს ხალხი აქ ცხოვრობს, აქ, დასეირნობს "უწყინრად“, რუსთაველზე, ვერა-ვაკე-მთაწმინდაზე და გულში რეებს აღარ იხვევს, დახეთ ერთი.
მადლობა ჩრდილოელებო! ისევ თქვენ თუ შეგვაფხიზლებთ, თქვენ თუ ამოგვიქექავთ კარგად დავიწყებულებს, ისევ თქვენ, ისევ თქვენ. 2 საუკუნეზე მეტია ასეა: ჩაგვთვლემს თუ არა, გაბიჟვინებულ სიფათზე დაბიჯებული თქვენი ჩექმის სიმძიმე გვაღვიძებს. არ იცვლებიან ხალხო, არა, არა და არც შეიცვლებიან, ვიდრე ერთხელ, ორჯერ და კიდევ ბევრჯერ მწარედ არ დამარცხდებიან! ვიდრე სამშობლოსა და სიმართლისთვის მებრძოლები კუდით ქვას არ ასროლინებენ.ასეთია არა მარტო ჩვენი და მაგათი, არამედ მთელი კაცობრიობის გამოცდილება.
დედაენის ბარი, მადლობა, მადლობა! გეწვევით პირველივე შესაძლებლობისთანავე", - წერს ბუბა კუდავა.
ცნობისთვის, რუსებმა გუშინ დედაენის ბარზე კიბერშეტევა განახორციელეს. ამის შესახებ სოციალურ ქსელში ბარის მფლობელმა, დათა ლაფაურმა დაწერა. რუსი ინტერნეტმომხმარებლები Google-ში ბარს დაბალ შესაფებას და ცუდ კომენტარებს უწერდნენ. მიზეზი ისაა, რომ რუსეთის უკრაინაში შეჭრის შემდეგ ამ ბარში შესვლის მსურველ რუსებს უწევთ აღიარონ, რომ რუსეთი ოკუპანტი ქვეყანაა. ამის არ აღიარების შემთხვევაში, მათ ბარში არ უშვებენ. ბარი, იმ რუსების მხრიდან, ვინვ უკმაყოფილოა ამით, თავდასხმის სამიზნეში კარგა ხანია მოექცა.
აღსანიშნავია, რომ ბარის ადმინისტრაციამ გამოაქვეყნა მესიჯებიც, რომლებიც მათ რუსი ტურისტებისგან მიიღეს. მესიჯებში ისინი საქართველოს 2008 წლის ომს ახსენებენ, აგინებენ საქართველოს, უკრაინას, ქართველ და უკრაინელ ხალხს და წერენ, რომ დედამიწაზე ცხოვრების ღირსი არ ვართ, თუკი მხარს ფაშიზმს ვუჭერთ.
მკითხველის კომენტარები /
30 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამდენი მავნებელი ყავს ქვეყანას თუ რახდება ვერ გავიგე, ერთ მარტივ კითხვას უპასუხეთ საქართველოს ვოთომ გულშემატკივრებო, ხვალ არცერთი რუსი აღარ შემოვა აქ და ასევე ყველა ქართველს გამოყრის რუსეთი და რახდება ზეგინდელ საქართველოში? ესეთ ჩამოშლილ საქართველოს ნატრობთ?
დემაგოგი...