"უკვე ოფიციალურად შემიძლია დაგიდასტუროთ" - ულამაზესი ქართველი მსახიობის მიმართვა და პირველი კადრები თურქული სერიალიდან, სადაც ის მთავარ როლშია
რამდენიმე დღის წინ Ambebi.ge-ზე გამოქვეყნდა სტატია, რომ ქართველი ქალი, ბათუმელი დიზაინერი და მოცეკვავე თურქული სერიალის "Emanet" (სხვისი შვილი) მესამე სეზონში მთავარ გმირს შეცვლიდა. ინფორმაცია ამჯერად დამწყებმა მსახიობმა თავად დაადასტურა და სოციალურ ქსელში ვრცელი პოსტი გამოაქვეყნა, სადაც წერს, რომ გულშემატკივრების გვერდში დგომა მისთვის მნიშვნელოვანია...
ნანა სტამბოლიშვილი:
- უკვე ოფიციალურად შემიძლია დაგიდასტუროთ ეს ინფორმაცია. უღრმესი მადლობა მინდა გადაგიხადოთ თითოეულ თქვენგანს, ვინც მგულშემატკივრობთ. თქვენი გვერდით დგომა ჩემთვის ძალიან მნიშვნელოვანია.
პირველ რიგში, ჩემი ქართველები მაძლევთ სტიმულს და ძალას. ვეცდები, ღირსეულად გავართვა თავი და წარმოვაჩინო ჩემი ქვეყანა და ქართველები ისე, როგორც ჩვენ გვეკადრება.
უამრავი წერილი შემომდის, გაზიარებაზე მონიშვნა, კომენტარი დროის სიმცირის გამო ვერ ვახერხებ ყველას წაკითხვას და პასუხის გაცემას, მაგრამ ჩემი ოჯახის წევრები მიყვებიან და ძალიან ბედნიერი ვარ, რომ ასე გაგახარეთ. უფალი ჩვენსკენ“, - წერს მსახიობი.
სოციალურ ქსელში უკვე ვრცელდება სერიალის თიზერი, პირველი კადრები გადასაღებ მოედნიდან, სადაც ნანა სტამბოლიშვილის გმირი, მთავარი როლის შემსრულებელ ჰალილ იბრაჰიმ ჯეიჰანს ხვდება.
პირველ ორ სეზონში სერიალში მთავარ გმირ ქალს ცნობილი თურქი მსახიობი, სილა თურქოღლუ თამაშობდა, თუმცა მეორე სეზონის ფინალი სილას გარეშე გადაიღეს, რადგან ქალი მოულოდნელად სერიალიდან წავიდა. ის უბრალოდ ადგა და გადაღებებზე აღარ მივიდა და განაცხადა, რომ მესამე სეზონში მონაწილეობაზე უარს ამბობდა.
რაც შეეხება ნანა სტამბოლიშვილს, 32 წლის ქალი პროფესიით მოცეკვავეა. ის ასევე დიზაინერია და აქვს საკუთარი ტანსაცმლის ხაზი "ნანა ქართველი...“ მსახიობი წლებია რაც ქორწინებაშია და მეუღლე და ერთი ქალიშვილი ჰყავს.