ლევან კობიაშვილი, იგივე "შეფ ლევანი“ მამა კიდევ ერთხელ გახდა - გოგონას ელენე დაარქვეს

ლევან კობიაშვილი, იგივე "შეფ ლევანი“ მამა კიდევ ერთხელ გახდა. ცნობილ შეფს გოგონა ერთი კვირის წინ შეეძინა. Ambebi.ge ერთი თვის წინ ლევან კობიაშვილისა და ნინა ილურიძის "ლავ სთორიზე“ წერდა.

ცნობილი შეფის "ლავ სთორი" - ვინ არის ლევან კობიაშვილის ახალი სიყვარული? (ფოტოები)

წყვილის საერთო შვილი ჩაჩავაში დაიბადა და გოგონას ელენე დაარქვეს. ბედნიერმა მამამ იმ საღამოს პატარა დაბადება რესტორანში მეგობრებთან ერთად აღნიშნა.

ჩვენი ინფორმაციით, ლევან კობიაშვილი და ნინა ილურიძე ერთად ცხოვრობენ, თუმცა ჯერჯერობით ოფიციალურ ქორწინებაში არ არიან. ნინა ილურიძე დაოჯახებული გახლდათ და მცირეწლოვანი გოგონა ჰყავს.

რაც შეეხება ცნობილ შეფს, ის წლების განმავლობაში იყო ქორწინებაში და მისი მეუღლე კონდიტერი თიკო მიქაბერიძე გახლდათ. შეფს პირველი ქორწინებიდან 21 წლისა და 11 წლის ვაჟები ჰყავს. გოგონა 4 წლის ასაკში დაეღუპა, ბავშვს დაბადებიდან თირკმლის უკმარისობა ჰქონდა.