მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ეკა ბესელიას ე.წ. სუს-ის კრებსების საქმეზე დაზარალებულის სტატუსი მიენიჭა
13:31 / 03-08-2022
პარტია „სამართლიანობისთვის“ ლიდერს, ეკა ბესელიას ე.წ. სუს-ის კრებსების საქმეზე დაზარალებულის სტატუსი მიენიჭა.
როგორც ბესელიამ „ინტერპრესნიუსთან“ საუბრისას აღნიშნა, სატელეფონო საუბრების დიდი ნაწილი ეხება იმ პერიოდს, როდესაც ის იურიდიული კომიტეტის თავმჯდომარის პოსტს იკავებდა და ეს გაცილებით უფრო სახიფათოა, იმიტომ, რომ სახელმწიფო პოლიტიკური თანამდებობის პირების მოსმენა კიდევ უფრო ამძიმებს იმ დანაშაულს, რომელიც ამ მუხლით არის გათვალისწინებული.
მისივე თქმით, დანაშაულის კვალი მიდის სახელმწიფო სტრუქტურებამდე, ამიტომ ძნელად წარმოსადგენია გამოძიების ფარგლებში პასუხისმგებელი პირები გამოიკვეთონ.
"ეს შემთხვევა ეხება 2021 წლის შემოდგომაზე გამოქვეყნებულ სატელეფონო საუბრების უკანონო მოსმენას. დავიკითხე მოწმის სახით, სექტემბერში დაიწყო ამ საქმის გამოძიება და ახლა მცნეს დაზარალებულად, თუმცა ამას წინ უძღოდა ჩემი მოთხოვნა, როდესაც პირადად მივმართე პროკურატურას. როგორც ვიცი, სხვა პირების მიმართაც არის დაზარალებულად ცნობის გადაწყვეტილება. დიდი ნაწილი ამ სატელეფონო საუბრებისა ეხება იმ პერიოდს, როდესაც მე ვიყავი იურიდიული კომიტეტის თავმჯდომარე, 2017-2018 წლებში, ეს გაცილებით უფრო სახიფათოა, იმიტომ, რომ სახელმწიფო პოლიტიკური თანამდებობის პირების მოსმენა კიდევ უფრო ამძიმებს იმ დანაშაულს, რომელიც გათვალისწინებულია ამ მუხლით.
რაც შეეხება მოლოდინებს, დღესაც ვიკითხე, არის თუ არა რაიმე დადგენილი, ან გარკვეული და მითხრეს, რომ გამოძიება მიმდინარეობს. მეეჭვება რაიმე დადგინდეს, ჩემი ვარაუდით, კვალი მიდის სახელმწიფო სტრუქტურებამდე, შეუძლებელია ამ მასშტაბით ფაილების დახარისხება და კრებსების გაკეთება გადაეწყვიტათ ფიზიკურ პირებს, ამას აკეთებენ ძალოვანი უწყებები. ამიტომ, ძნელად წარმომიდგენია ამაზე პასუხისმგებელი პირები გამოკვეთონ. ის, რომ ამ ფაქტზე პოლიტიკური პასუხისმგებლობა არავინ აიღო და მცდელობაა, რომ მიიმალოს ეს დანაშაული, ძალიან სახიფათოდ მეჩვენება. რა დააზღვევს იმას, რომ ახლაც იგივე არ ხდება? ზუსტად იმიტომ არის საჭირო ამ საქმის ბოლომდე მიყვანა, რომ ეს იყოს დაზღვეული მომავალშიც“, - აღნიშნა ეკა ბესელიამ.
ცნობისთვის, 2021 წლის 13 სექტემბერს ე.წ. კრებსები გავრცელდა, რომელიც სავარაუდოდ, სახელმწიფო უსაფრთხოების სამსახურის მიერ უკანონო ფარული მოსმენა-მიყურადების და თვალთვალის შესახებ 58 000-მდე ფაილს შეიცავდა. აღნიშნული დოკუმენტები სუს-ის მიერ ფარული მიყურადების გზით პოლიტიკოსების, სასულიერო პირებისა და ჟურნალისტების მოსმენას და თვალთვალს უკავშირდება.
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
კრებსები
მეგონა "ლევინსკის" ორდენს მიანიჭებდნენ.