11
მაისიდღის ზოგადი ასტროლოგიური პროგნოზი
გუდაურში დღეს უმძიმესი ტრაგედია დატრიალდა. კატასტროფა განიცადა ვერტმფრენმა, სადაც პარაპლანით ფრენისას ჩამოვარდნილთა დასახმარებლად წასული მაშველები და ეკიპაჟის სხვა წევრები იმყოფებოდნენ.
შინაგან საქმეთა სამინისტროს ცნობით, ბორტზე სულ 8 ადამიანი იყო. მათ შორის, ეკიპაჟის 4 წევრი, ასევე, შინაგან საქმეთა სამინისტროს საგანგებო სიტუაციების მართვის სამსახურის 2 მაშველი და ჯანდაცვის სამინისტროს საგანგებო სიტუაციების კოორდინაციისა და გადაუდებელი დახმარების ცენტრის 2 მედიკოსი. ყველა მათგანი დაიღუპა.
ბორტზე იმყოფებოდნენ:
მფრინავები - ლევან ჩოხელი, ზაზა ლორია, დიმა ქააძე, ანდრო ქუჯოშვილი, ლევან ჩოხელი
ექიმები - ქეთი გულაგაშვილი და გიორგი ვენეცკი
მაშველები - კახა ტორჩინავა და გიორგი მარგიანი.
სოციალურ ქსელში გარდაცვლილთა ახლობლები, მეგობრები ტრაგედიის მსხვერპლთა შესახებ წერენ. ერთ-ერთი პოსტი ექიმ ქეთი გულაგაშვილის შესახებაა:
"ჩვენო ღიმილიანო, როგორ ვლოცულობდი თითოეული თქვენგანის გადარჩენაზე და თურმე უშედეგოდ, ვინ იცის, როგორ შეგეშინდა, როგორ სასტიკად მოგექცა განგება, ღმერთო, კიდე არ მჯერა, რომ იმ წყეულ ხევში დასრულდა შენი ხალისიანი სიცოცხლე. მადლობა შენი გმირობისთვის" - წერს გიორგი აფციაური გარდაცვლილი ექიმის შესახებ.
ცნობისთვის, გუდაურში დატრიალებული ტრაგედიის გამო, პრემიერ-მინისტრმა ირაკლი ღარიბაშვილმა 30 ივლისი საქართველოში გლოვის დღედ გამოაცხადა.
- ნახეთ ასევე:
- "მფრინავებს რაც შეეხება, სამი მათგანი ჩემს პერიოდში მსახურობდა, ჩემთან ერთად დაფრინავდა და სამივე გამოცდილი პროფესიონალი იყო" - რა შეიძლება გამხდარიყო ავიაკატასტროფის მიზეზი?
- "როდესაც ბრუნდები და აანალიზებ, სად იყავი, რა გააკეთე, მაშინ უფროა შიშის გრძნობა" - რას ამბობდა წლების წინ ზაზა ლორია, მფრინავი, რომელიც გუდაურში მომხდარ ტრაგედიას ემსხვერპლა
ყველა გარდაცვლილის სულები ნათელში ამყოფოს უფალმა!!! თქვენს შვილებს დახვედროდეთ წინ თქვენი თავდადება სხვისი სიცოცხლის გადასარჩენად!!!
გიორგი ვენეცკი ჩემი თანამშრომელი იყო, დედამიწის ზურგზე არ მეგულება ადამიანი გიორგიზე ცუდად ეთქმოდეს რამე, საოცარი ადამიანი და პიროვნება იყო!!! შენ ისეთი ადამიანი იყავი გიორგი რომ შენი( და ყველა შენთან ერთად გარდაცვლილის) სიკვდილის დღე გლოვის დღეთ გამოცხადდა საქართველოში!!!!
სულ ნუ გააფრინეთ,რად უნდა ივანიშვილს ქვეყნის ვერტმფრენები,გაუჭირდებოდა საკუთარი რომ შეიძინოს.ვაი თქვენს პატრონს.