მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იმ საწოლში არ ვიძინებდი, სადაც ერთად ვიწექით, იატაკზე ვწვებოდი, დღემდე ასე ვარ... ის ჩემი ცხოვრების ერთადერთი და ბოლო სიყვარულია" - ლუკა კურტანიძე მეუღლესთან დაშორებაზე
12:19 / 27-07-2022
მსოფლიოს და ევროპის ჩემპიონი, ჭიდაობის ფედერაციის ყოფილი პრეზიდენტი და ექსპარლამენტარი, ლუკა კურტანიძე ექვსწლიანი თანაცხოვრების შემდეგ 2019 წელს მეუღლეს, ხათუნა მიქაცაძეს დაშორდა. წყვილმა ხელისუფლებაში "ქართული ოცნების“ მოსვლის შემდეგ იქორწინა. როგორც კურტანიძეს, ისე მიქაცაძეს - პირველი ქორწინებებიდან უკვე ჰყავდათ შვილები.
2015 წელს კურტანიძე ჭიდაობის ფედერაციასთან დაკავშირებით სკანდალში გაეხვა, როდესაც სპორტსმენები მისი თავმჯდომარის პოსტიდან გადაყენებას ითხოვდნენ...
"მაშინ ორსულად ვიყავი და ფედერაციის ამბების დროს იმდენად შეშინებული, შეურაცხყოფილი ვიყავი, რომ მუცელი მომეშალა… მაშინ ლუკას უსამართლოდ მოექცნენ. ლუკას მიმართ გაჩენილი აგრესიის მსხვერპლი გავხდი მეც და ჩვენი შვილიც. გადავწყვიტე, რომ აღარ მინდოდა შვილის გაჩენა. ეს ძალიან ძლიერი ტრავმა იყო ჩემთვის...“ - იხსენებდა მოგვიანებით მიქაცაძე.
მათი დაშორება განსაკუთრებულად მტკივნეული ლუკასთვის აღმოჩნდა. ხათუნა ამ თემაზე ღიად არ ლაპარაკობს. კურტანიძემ კი გადაცემა "სიცრუის დეტექტორში“ ტკივილიან სამ წელზე კიდევ ერთხელ ილაპარაკა.
ლუკა კურტანიძე:
"პირველი ოჯახი დამენგრა და რამდენიმე წლის შემდეგ შევხვდი ადამიანს, ჩემს მეუღლეს ხათუნა მიქაცაძეს, რომელმაც ამ წაქცეულ და ბრძოლაგამოვლილ ადამიანს ჩამკიდა ხელი. ის იყო ჩემი სამშობლო უცხოეთში და მასში ვეძებდი ძალას. მისი რჩევები იყო ძალა ჩემთვის მაშინ, როდესაც ადამიანები იმას კადრულობენ, რაც არ უნდა ეკადრათ, მაგრამ არ ვითვალისწინებდი. არ ვითვალიწინებდი მის გაფრთხილებებს და ამით ბევრი რამ წავაგე. ბევრი ტკივილი მივაყენე, პირადადაც დავაშავე მასთან, მაგრამ დღეს ცალკ-ცალკე ვცხოვრობთ. ის ჩემი მეუღლეა, ჯვარი გვაქვს დაწერილი, ღვთის წინაშე ფიცი გვაქვს დადებული და ერის წინაშე ხელი მოწერილი.
ყოველი წამი ვფიქრობ და ვოცნებობ, ჩემი ქმედებებით ეს ბედნიერება ისევ დავიბრუნო. დაშორებიდან მალე სამი წელი შესრულდება. ჩვენი კუთხის მამაკაცები მაქსიმალურად ვიკავებთ ხოლმე თავს ვთქვათ, ის რაც არის, მაგრამ იმდენი ფასეულობა გააჩნია ჩემს მეუღლეს, ქალბატონ ხათუნას, რომ ეს მხოლოდ მეუღლეობით არ შემოიფარგლება.
მან ვერ გაუძლო ამ ტვირთს... შემდეგ იყო პასუხისმგებლობა შვილების მიმართ, რაც მას, როგორც სამაგალითო დედას აქვს. ბევრი შეცდომებიც დავუშვი ამ ხნის განმავლობაში... არაამქვეყნიური სიყვარული მაკავშირებს მასთან, ყოველი წუთი და წამი გაუნელებელია. ყოველი წუთი მახსენებს იმ დღეებს, რომელიც ერთად გამოვიარეთ და ახლა ათასჯერ მეტად ვიცი მისი ფასი, ვიდრე ეს იყო ორი წლისა და შვიდი თვის წინ.
თვეების განმავლობაში იმ საწოლში არ ვიძინებდი, სადაც ერთად ვიწექით, იატაკზე ვიწექი... დღემდე ასე ვარ... მე ამას საჯაროდ იმიტომ ვამბობ, რომ გავუფრთხილდეთ იმას, რაც ძვირფასია. როდესაც რამდენიმე წუთით დავშორდებოდით, იმ განცდის მოლოდინით ვცხოვრობდი, როდესაც სახლში უნდა დაბრუნებულიყო და მენახა. როდესაც ამ ბედნიერებას კარგავ ადამიანი, ეს უნდა თქვა, იმიტომ, რომ გაუზიარო ყველას და გამოსავალი იპოვო. მინდა, ყველას მივმართო, გაუფრთხილდით იმ ბედნიერებას, რომელიც გაცოცხლებთ და ძალას გაძლევთ.
ჩემი მეუღლე ჩემი ცხოვრების ერთადერთი და ბოლო სიყვარულია. ის იყო და არის ის ადამიანი, რომელიც ჩემი იმედი და ძალაა. ის არამარტო კარგი მეგობარი და მეუღლეა, ულამაზესი, კარგი ქალია, ის არის დედა, რომელმაც თავის ბედნიერებაზე მაღლა შვილების ბედნიერება და მათზე მზრუნველობა აირჩა. ამით უფრო ვაფასებ მის დამოკიდებულებას.
ვეტყოდი, რომ ის არის მთელი ჩემი სამყარო. ის არის ძალა და ბედნიერება. მე ბედნიერი ვარ, რადგან ღვთისა და ერის წინაშე მისი ჯვარდაწერილი მეუღლე ვარ. ჯვრისწერის საიდუმლოთი ვერავინ დამაშორებს მასთან. ფიზიკურად ერთად ვიქნებით თუ არა, ჩემი ვალდებულებაა ის მიყვარდეს, ისე უსასრულოდ, როგორც ეს სამყარო. მინდა იცოდეს, მთელი ქვეყნის წინაშე, რომ ის ჩემი უსასრულობაა და ის ადამიანია, რომლისთვისაც სიცოცხლეზე ერთი წამით არ დავფიქრდებოდი და მას მივცემდი. მადლობა მინდა ვუთხრა ყველას, რომ მთელი ცხოვრების განმავლობაში ბრძოლაში მყოფ ადამიანს, შემიძლია იმაზე საუბარი, რომ ყველაზე დიდი ძალაა სიყვარული და ეს ისაა, რაც მე გამაჩნია ამ ქვეყანაზე... მაგრამ ყველაზე დიდი სიმდიდრე ის ადამიანია, რომელსაც მინდა, რომ ჩემი მთელი სიცოცხლე მივუძღვნა".
მკითხველის კომენტარები /
76 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
გულწრფელი სიტყვებია ლუკასი,რამხელა ბედნიერება იქნება წყვილი რომ შერიგდეს მოუწოდებ ყველა ახლობელს ჩაერიონ მსუბუქათ ამ წყვილის ხელმეორედ გაბედნიერებაში
რატომღაც მგონია, რომ ოჯახების რღვევის მიზეზია ის პროპაგანდა, რაც არის საზოგადოებაში... არ მოითმინო არაფერი... როგორ უნსა მოითმინო... უჩივლე ცოლს, ქმარს, დედას, მამას... ასეთი ტიპის ინფორმაციები... არადა ჩვენი ტრადიცია და რწმენა გვეუბნება, რომ მოთმინებაშია სიყვარული... პატიებაში... ადამიანი სულ ერთ ტალღაზე ვერ იქნება... ისეთია ცხოვრება... ამიტომ მოთმინებაა ის იარაღი, რომელიც სიყვარულს წარმოშობს და ამყარებს! იმას კი არ ვამბობ, რომ ვინმემ ვინმე უნდა დაჩაგროს, იძალადოს... ადამიანმა ზომიერება უნდა ისწავლოს... შეფასება... განსაზღვროს უნდა რისი მოთმენა შეშიძლება და რისი - არა... ზოგადად ტრავმირებული ადამიანის მეუღლეობა ძალიან რთულია... ომში ნამყოფი ადამიანების... ამიტომ ამ შემთხვევაში ორივე მხარის მდგომარეობას განვიცდი. ლუკა მიყვარს როგორც სპორტსმენი, მისი მეუღლის მესმის... სიყვარული კი მარადიულია, მიუხედავად ყველაფრისა...