"რატომ ატყდა მეგი გოგიტიძეზე ეს ამბავი? ისეთი საამაყო ქართველი მუსიკოსია, რომ დაგენანათ რუსეთისთვის?" - რას წერს მაიკო კაჭკაჭიშვილი?
მოგეხსენებათ, მეგი გოგიტიძე 6 აგვისტოს Fantomas Rooftop-ში, "მოსკოვის გულში", როგორც მას რუსული მედია უწოდებს, კონცერტს გამართავს. ქართველ მომღერალს ოკუპანტ ქვეყანაში კიდევ ერთი კონცერტი აქვს დაგეგმილი, რომელიც სოჭში, 29 ივლისს გაიმართება.
ამას საქართველოში ძალიან მწვავე რეაქცია მოჰყვა, მომღერლის მიერ მტრულ ქვეყანაში გამოსვლას, საზოგადოების დიდი ნაწილი ღალატად მიიჩნევს, თუმცა გოგიტიძე კრიტიკოსებს აქეთ ამუნათებს გავრცელებულ ვიდეომიმართვებში.
მომღერლის გარშემო ატეხილ სკანდალს კომპოზიტორი მაიკო კაჭკაჭიშვილი სოციალურ ქსელში ეხმაურება:
"რაც ჩვენ არ ვიცით იმდენი ქართველია რუსეთში, ვერც დავითვლით და რატომ ატყდა მეგი გოგიტიძეზე ეს ამბავი? ისეთი საამაყო ქართველი მუსიკოსია რომ დაგენანათ რუსეთისთვის?
მე მაგალითად, მის გამოსვლებს მუსიკად ვერც აღვიქვამ და შესაბამისად არც მაინტერესებს, სად გამოვა და სად იშოვის ფულს! სიმართლე ისაა, რომ ჩვენ გვიყვარს ლინჩის წესი და არ აქვს მნიშვნელობა, ვის დავუშენთ. ზოგი არ ღირს, დამიჯერეთ…
PS: აი მაგალითად, ბექა გოჩიაშვილმა რომ დაუკრას მოსკოვში, სული ამეწვება, კი ბატონო" - წერს კაჭკაჭიშვილი.
ნახეთ ასევე: