მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ვეკითხები ხელისუფლებას - ვინც გოგაშვილი უსაფრთხოების სამსახურში მიიყვანა, მისი პასუხისმგებლობის საკითხი არ უნდა დადგეს?" - რას აჩვენებს სუს-ის უფროსის ექსმოადგილის დაკავების საქმე?
09:37 / 18-07-2022
სკანადალად იქცა სუს-ის უფროსის ყოფილი მოადგილის სოსო გოგაშვილის დაკავება. გავიხსენოთ პროცესების თანამიმდევრობა: თავიდან ხელისუფლებასთან აფილირებული ერთ-ერთი ტელევიზიის საკმაოდ ანგაჟირებული წამყვანი აქვეყნებს ერთ-ერთი ოპოზიციური ტელევიზიის სარედაქციო-სამუშაო შეხვედრის ფარულ ჩანაწერს, რომლიდანაც ირკვევა, რომ სუს-ის ყოფილი მაღალჩინოსანი ტელევიზიებთან თანამშრომლობს და აწვდის მათ ინფორმაციას. ის ამას არ უარყოფს, მეტიც, ამბობს, რომ არჩევნების გაყალბების შესახებ მასალა უკვე გადასცა სხვადასხვა ორგანიზაციას და მალევე მას აკავებენ... აქ არის 2 ძალიან მნიშვნელოვანი საკითხი: პირველი - აშკარაა, რომ ხელისუფლების ინტერესში იყო ამ ჩანაწერის გამოქვეყნება, შესაბამისად, საფუძვლიანია ვარაუდი, რომ ის ჟურნალისტებს უსმენს. მეორე საკითხი სახელმწიფო უსაფრთხოების სისტემას შეეხება, როდესაც სუს-ის უფროსის ყოფილი მოადგილე ხდება მნიშვნელოვანი ინფორმაციის გაჟონვის წყარო, ისმის კითხვა, რამდენი ყოფილი თუ მოქმედი ჩინოსანი შეიძლება თანამშრომლობდეს არა მარტო მედიასთან, არამედ უცხოურ სპეცსამსახურებთანაც? - ამ საკითხზე გაზეთ "კვირის პალიტრასთან" ისაუბრა ჯიპა-ს პროფესორმა გიორგი კობერიძემ:
- უკაცრავად და, დღეს აღმოაჩინეს, რომ გოგაშვილი ამ თანამდებობისთვის სრულიად შეუსაბამო კადრი იყო? საინტერესოა, როდესაც ნიშნავდნენ, მაშინ რას ფიქრობდნენ? ასეთ მაღალ თანამდებობაზე დასანიშნ პირს, რომელსაც ქვეყნის უსაფრთხოება უნდა ჩააბარონ, ყველა ნორმალურ ქვეყანაში საფუძვლიანად შეამოწმებდნენ. თუ ასეთ მნიშვნელოვან პოსტზე დანიშვნისას, მსუბუქად რომ ვთქვათ, ასეთი მცდარი გადაწყვეტილებები მიიღება, ვიღაცამ ხომ უნდა აგოს ამაზე პასუხი? ვეკითხები ხელისუფლებას - ვინც გოგაშვილი უსაფრთხოების სამსახურში მიიყვანა, მისი პასუხისმგებლობის საკითხი არ უნდა დადგეს?
რაც შეეხება ფარული ჩანაწერის გავრცელებას, ეს ცხადყოფს, რომ ხელისუფლება მედიის თავისუფლებას კი არ უწყობს ხელს, არამედ ყველას და ყველაფრის გაკონტროლებას ცდილობს. საქართველო არის ისეთ რეგიონში და ისეთი პროცესების შუაგულში, რომ მისი სახელმწიფოებრიობის შენარჩუნების ეგზისტენციალური საფრთხე სრულიად რეალურია. ამ დროს საქართველოს სპეცსამსახურები თუ უფრო დიდ ყურადღებას ანიჭებენ მედიის შიდა სამზარეულოს მიყურადებასა და კონტროლს, მაშინ ეს კატასტროფა და სრული წინდაუხედაობაა. რაც შეეხება გოგაშვილის დაკავებას, არ ვიცი, როგორ განვითარდება მოვლენები, მაგრამ ამგვარი დაკავება დაშინების ცდადაც შეიძლება შეფასდეს. თუმცა მე არ ვამბობ, რომ გოგაშვილი აუცილებლად უდანაშაულოა... ვნახოთ, უახლოეს მომავალში უკეთ გამოჩნდება ამ საქმის ასპექტები. წაიკითხეთ სრულად
იხილეთ ასევე:
მკითხველის კომენტარები /
41 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს "ბრძენი" და ჭრელგალსტუკიანი კობერიძე წერს: "...საქართველო არის ისეთ რეგიონში და ისეთი პროცესების შუაგულში, რომ მისი სახელმწიფოებრიობის შენარჩუნების ეგზისტენციალური საფრთხე სრულიად რეალურია. ამ დროს საქართველოს სპეცსამსახურები თუ უფრო დიდ ყურადღებას ანიჭებენ მედიის შიდა სამზარეულოს მიყურადებასა და კონტროლს..." და აღშფოთებულია ამით, და ამ დროს არ ამბობს, რომ სწორედ "თავისუფალი მედიაა" ამოტენილი უცხო ქვეყნების აგენტურით, მათ შორის გავლენის აგენტებით, რომელთა "უცხოური" დავალებებია ერში არასრულფასოვნების კომპლექსების, ეიფორიული შეგრძნებების, არასტაბილურობის, კონფლიქტების, დაძაბული ემოციური ფონის და შედეგად მწვავე პოლარიზაციის შექმნა და ამდენად ქვეყნის დასუსტება, მისი აცდენა სტაბილური განვითარების გზიდან...
ცოლიც დასაჭერია!