როგორ იცვამენ ქართველი პოლიტიკოსების მეუღლეები - ვინ არ იცავს შეხვედრებზე ოფიციალურ დრესკოდს?

ქართველი პოლიტიკოსების პირადი ცხოვრება ყოველთვის არის განხილვის საგანი. მათი ნაწილი ხშირად ახლავს მეუღლეს სხვადასხვა შეხვედრებზე, მაგალითად, ანუკი არეშიძე. დიდი ნაწილი კი საზოგადოებაში იშვიათად ჩნდება - მხოლოდ განსაკუთრებულ შემთხვევებში და ოფიციალურ ღონისძიებებზე. განხილვის საგანია ასევე მათი ჩაცმის სტილი, რომლის ფასიც კი მედიას უყურადღებოდ არ რჩება, წარმოგიდგენთ ექვსი ქართველი პოლიტიკოსის მეუღლის დრესკოდს...

ნუნუკა თამაზაშვილი - პრემიერ-მინისტრ ირაკლი ღარიბაშვილის მეუღლე

მისი ჩაცმის სტილი ძირითადად, კლასიკურია და შავ-თეთრ ფერებშია გადაწყვეტილი. ზოგიერთ ღონისძიებებზე კი კაბებსაც იცვამს.

ანუკი არეშიძე - თბილისის მერის, კახა კალაძის მეუღლე

ანუკი, რომელიც პროფესიით დიზაინერია, ქართულ მოდაში ერთგვარი სტილის ხატია. მისი ჩაცმულობა ყოველთვის განსაკუთრებული და გამორჩეულია და ხშირად იქცევს მედიის ყურადღებას.

გვანცა ბიწკინაშვილი - პოლიტიკოს კობა ნაყოფიას მეუღლე

პოლიტიკოს კობა ნაყოფიას მეორე მეუღლე საზოგადოებაში მასთან ერთად არასოდეს ჩნდება. წყვილის ქორწინება მედიისთვის ჯერ კიდევ წლების წინ სკანდალური აღმოჩნდა, რადგან მათ შორის 20-წლიანი სხვაობაა და მასთან ნაყოფიამ პირველ მეუღლე ელგა სოფიასთან განქორწინების შემდეგ შექმნა ოჯახი. გვანცა მედიასთან არ კონტაქტობს და მისი ჩაცმის სტილი თავისუფალია.

ქეთი სიჭინავა - პოლიტიკოს გიორგი ვაშაძის მეუღლე

გიორგი ვაშაძის მეუღლე პოლიტიკოსს ყოველთვის ახლავს სხვადასხვა ღონისძიებებზე. სიჭინავა-ვაშაძის ოჯახი ერთ-ერთი გამორჩეულია თავისი სიმტკიცით. ქეთი ძირითადად კლასიკურ სტილს ანიჭებს უპირატესობას, თუმცა სხვადასხვა ღონისძიებებზე მეუღლის გვერდით თავისუფალ ფორმაშიც ჩნდება.

გვანცა სუთიძე - პარლამენტის თავჯდომარის, გიორგი პაპუაშვილის ცოლი

გვანცა საზოგადოებამ მას შემდეგ გაიცნო, რაც მეუღლემ ახალი პოსტი ჩაიბარა. ოჯახის მიმართ ინტერესი გაიზარდა და მედიამ გაარკვია, რომ გვანცა ოჯახური ბიზნესით არის დაკავებული. ის იშვიათად ახლავს ხოლმე მეუღლეს და შესაბამისად, ფოტოები, რომელიც მოვიპოვეთ, არაფორმალურ გარემოშია გადაღებული.

ლიზა იასკო - ექსპრეზიდენტ მიხეილ სააკაშვილის მეუღლე

ლიზას ჩაცმის სტილში, ძირითადად, უკრაინული ფერები დომინირებს, თუმცა ფოტოებს თუ გადავხედავთ, მნიშვნელოვან პოლიტიკურ შეხვედრებზეც იასკო დრესკოდს ნაკლებად იცავს...