მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საფრანგეთში დაფასდა ბიძინა ივანიშვილის ღვაწლი და ჩვენ ვერაფერს ვხედავთ" - ვოლსკი
08:56 / 07-07-2022
ბიძინა ივანიშვილი არის საპატიო ლეგიონის ორდენის მფლობელი საზოგადოებრივი საქმიანობისთვის, საქველმოქმედო საქმიანობისთვის, თუნდაც პანდემიის წინააღმდეგ ბრძოლაში შეტანილი წვლილისათვის, რომელიც გაცილებით უფრო დიდი იყო, ვიდრე მასზე მდიდარი ადამიანების წვლილი. ამის შესახებ, პარლამენტის პირველმა ვიცე-სპიკერმა, გია ვოლსკიმ ტელეკომპანია „პალიტრანიუსის“ გადაცემაში „360 გრადუსი“ განაცხადა.
მისივე თქმით, ბიძინა ივანიშვილი საფრანგეთში დაფასდა, „ჩვენ კი ვერაფერს ვხედავთ“.
ვოლსკიმ ასევე ევროკავშირის სტატუსის მიღებასთან დაკავშირებით ისაუბრა.
კითხვაზე, თუ ვინ მოუწოდებს საქართველოს ომში ჩართვისკენ, ვოლსკიმ ასე უპასუხა:
„პირველი დღიდან, ომში ჩართულობის თემაზე კაცი არ დარჩა რადიკალური ოპოზიციიდან, ვინც ამ თემაზე არ ამახვილებს ყურადღებას. ის განცხადებები, რომელიც ეხებოდა ომში ჩართულობას, ოფიციალური ორგანიზებით, მოხალისეების გაგზავნით და საერთოდ, ეს თემა აიღეს ერთ-ერთ მნიშვნელოვან მუხლად უკრაინელებმა, როცა ელჩი თავისი თანამდებობიდან გაიწვიეს. ეს მოხდა, ამას ვერავინ უარყოფს. გარდა ამისა, ყოველდღიურად იყო შეხსენება, რომ სწორედ დროა, კარგი ამინდია, რომ დაქოქოთ თქვენი ტანკები და წახვიდეთ, მათ ომის თავი არ აქვთ, ჩვენ ომი გვინდა, თუ საჭიროა, უნდა ვიომოთო და უამრავი სხვა განცხადება არსებობდა“, - განაცხადა ვოლსკიმ.
კითხვაზე, მოდიოდა თუ არა მსგავსი მოწოდებები საერთაშორისო პარტნიორებისგან, განაცხადა, რომ არა.
"ასეთი პირდაპირი მოწოდებები არ ყოფილა და რა მოწოდებებიც იყო, ისიც გითხარით. ხელისუფლების ცვლილების და რევოლუციური პროცესის განვითარების მიზანი, მაქვს საფუძველი ვიფიქრო, რომ სწორედ ეს არის, შეიცვალოს ხელისუფლება და ხელისუფლების სათავეში მოვიდნენ ადამიანები, ვინც ამას განახორციელებენ“, - განაცხადა ვოლსკიმ.
კითხვაზე, თუ რა მოთხოვნები აქვთ მათ „ნაციონალურ მოძრაობასთან“, რომ ჩათვალონ მათი მხრიდან კომპრომისებზე წასვლა, ვოლსკი პასუხობს, რომ ეს „ფანტაზიის სფეროდანაა“.
"იმდენად ისეთია, ფანტაზიის სფეროდანაა, ამაზე დროს არ დავკარგავდი, მაგრამ რადგან მეკითხებით, გეტყვით. ელემენტარული საკითხია, უნდა დაჯდე, ისაუბრო და საკანონმდებლო მუშაობა განახორციელო 11-ვე მუხლთან დაკავშირებით, მთავარი - დეპოლარიზაცია მოხდეს, შეიძლება აზრთა სხვადასხვაობა იყოს და როგორც პარლამენტის რეჟიმს შეესაბამება, მიიღო საკანონმდებლო აქტები, რომელთაც შემდეგ წლის ბოლოს წარადგენ და შეფასებას დაელოდო. მთავარია, ასეთი იქნეს მიღებული, შემდეგ შეფასებული ქართული საზოგადოების და შემდეგ, საერთაშორისო საზოგადოების მიერ.
მაგალითად, ავიღოთ დეოლიგარქიზაცია. ფანტასტიკის სფეროდან იმიტომ მგონია რადიკალური ოპოზიციის ჩართულობა, მათი მთავარი თემა, მთავარი შეტევის ობიექტი არის ბიძინა ივანიშვილი... რაში სჭირდება მმართველობაში ჩართული რომ იყოს, „ქართული ოცნების“ ხელისუფლება რამე ყოველდღიურ შეცდომებს უშვებს ისეთს, რომ აუცილებლად ხელით ტარება სჭირდება, კომპეტენცია აკლია, ავტორიტეტი აკლია თუ დაფასება? ბიძინა ივანიშვილი არის საპატიო ლეგიონის ორდენის მფლობელი საზოგადოებრივი საქმიანობისთვის, საქველმოქმედო საქმიანობისთვის, თუნდაც, პანდემიის წინააღმდეგ ბრძოლაში შეტანილი წვლილისათვის, რომელიც გაცილებით უფრო დიდი იყო, ვიდრე მასზე მდიდარი ადამიანების წვლილი. საფრანგეთის ყველაზე მაღალი ორდენი მიიღო ამისათვის, ანუ საფრანგეთში დაფასდა მისი წვლილი, ღვაწლი და ჩვენ ვერაფერს ვხედავთ“, - განაცხადა ვოლსკიმ.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აქ ხომ კარგი ვინცაა უნდა დაკორტნონ, არა სამადაშვილი ჯობია.
და 20 რიცხვში რა გამოჩნდა?
და 16-ში?
თუ რაც არ გაწყობთ არ ახსენებთ?