მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არსებობს ფინანსური პრობლემები, ამ სეზონსაც 8 სერია მოვაკელით" - იხურება თუ არა ჩცდ? პროდიუსერის კომენტარი გავრცელებულ ინფორმაციასა და სკანდალურ სეზონზე?
21:21 / 05-07-2022
პოპულარული სერიალის "ჩემი ცოლის დაქალების" მორიგი სეზონი მისთვის ჩვეული ემოციური, სკანდალური კადრებით დასრულდა. მნიშვნელოვანია, რომ მიმდინარე სეზონი დროზე ადრე შეწყდა, მისი დამთავრება ივლისის ბოლოსთვის იყო დაგეგმილი. ამან მაყურებელში გარკვეული მითქმა-მოთქმა გამოიწვია. სოციალურ ქსელშიც არაერთი ადამიანი წერდა იმის შესახებ, რომ პროექტი დაიხურა.
მართლაც დასრულდა თუ არა "ჩცდ", რატომ შეწყდა დროზე ადრე და რა მომავალი აქვს ზოგადად ამ პოპულარულ სერიალს, ამაზე „Ambebi.ge“ პროექტის პროდიუსერს ირაკლი საღინაძეს ესაუბრა.
- შთამბეჭდავი ფინალი იყო, რას იტყვით და ზოგადად შევაჯამოთ ეს სეზონიც...
- ზოგადად, ფილმის ავტორებისგან ფილმში მიმდინარე პერიპეტიებზე კომენტარის გაკეთება არასწორია. თავისთავად, ეს პროდუქტი არის ის, რასაც ვქმნით და რითაც ჩვენს სათქმელს ვამბობთ. აქედან გამომდინარე, რაც მაყურებელმა ნახა, ეს არის. მეტს ვერაფერს ვიტყვი. ვფიქრობ, ემოციური გამოვიდა, ადამიანებს შეეხოთ როგორც სენტიმენტებზე, ისე შეგრძნების დონეზე გარკვეული ემოციები გამოიწვია. ვფიქრობ იმასაც, რომ ამ მორიგ ჯერზეც სეზონი შედგა. ჩემი აზრით, მისი მიმდინარეობისასაც ძალიან საინტერესო პერიპეტიები იყო. სერიალში უამრავ ღრმა თემას შევეხეთ, საზოგადოების ცხოვრების არაერთ დეტალს, ზედაპირზე არსებულ პრობლემებს, პოლიტიკურ ვითარებასაც. ყველაფერი ჩვენი "სკანერის" ქვეშ გავატარეთ. საინტერესო, სადისკუსიო და სამსჯელო თემები საკმარისად იყო და სეზონი გარკვეული ლოგიკური კულმინაციით დასრულდა.
- მაყურებლის კომენტარებში ამოვიკითხეთ, რომ სერიალი დასრულდა. პროექტი დაიხურა...
- მიმდინარე პოლიტიკური ვითარების და ეკონომიკური კრიზისის გამო, არსებობს ფინანსური პრობლემები, რასაც ზოგადად ქვეყანაში კრიტიკული მედიების მიმართ შექმნილი პრობლემები ემატება. ეს სარეკლამო ბაზარზე ცალკე სერიოზული კრიზისს ქმნის. რეალურად "ჩცდ" მძიმე და ძვირად ღირებული პროექტია, ამის აწევა ფინანსურად რთულია. ხოლო ის ხმები, რაზეც მკითხეთ, იმან გამოიწვია, რომ ეს სეზონი ივლისის ბოლოს უნდა დასრულებულიყო და ერთი თვით ადრე დასრულდა - სეზონს 8 სერია მოვაკელით, ცოტა ფორსირებულად დავასრულეთ. ამასთან, შემდეგი სეზონისთვის ჯერჯერობით არ გვაქვს გარკვეული დაფინანსების საკითხი გარკვეული.
- ასე რომ, ამ ხმებს აქვს გარკვეული საფუძველი?
- კი, თუ დაფინანსებას ვერ ვიშოვით, შესაბამისად სერიალს ვეღარ გადავიღებთ. ეს რომ არ მოხდეს, ვმუშაობთ, იქნებ მოიძებნოს ამ კრიზისიდან გამოსავალი. ცხადია, მაყურებლის სიყვარულსაც ვგრძნობთ და ვხდებით. ამასთან, ამ სერიალს რეალურად საკუთარი პოტენციალი არ ამოუწურავს. ეს ყველაფერი კი გვიბიძგებს და გვკარნახობს იმას, რომ ხელიდან არ უნდა გავუშვათ ისეთი პროდუქტი, რომელიც რეალურად წარმატებული აღმოჩნდა.
- პროექტი, რომელიც შედგა, დასაკარგი ნამდვილად არ არის...
- ფაქტია - რეზონანსიც ამას გვაჩვენებს... ის, რომ დისკუსიას იწვევს, რომ ადამიანებთან ემოციურად ახლოს არის, რომ ამაზე კამათობენ, მსჯელობენ, ეს ყველაფერი იმას აჩვენებს, რომ პროდუქტი სიცოცხლისუნარიანია. ვფიქრობ, აუცილებლად მოვძებნით გამოსავალს, მაგრამ ამ წუთისთვის ტყუილი რომ არ გამომივიდეს, ასე პირდაპირ გეტყვით - ახლა ის ვითარებაა, რომ შემდეგი სეზონის ფული არ მაქვს. ამიტომ ვმუშაობ იმაზე, რომ პროექტი რაღაცნაირად არ დაიხუროს.
- თუმცა მსგავსი კრიზისები ამ წლების მანძილზე არაერთხელ ყოფილა...
- კი, თქვენ იცით და ამაზე თქვენთანაც გვისაუბრია. ტაიმ-აუტიც გვქონია, წინა სეზონში 6-თვიანი პაუზა გვქონდა და ეთერში არ ვიყავით. ასეთი ამბები ქართული სარეკლამო ბაზრისთვის უცხო არ არის. მერე, როგორც ვთქვი, მძიმე პროექტია და ძალიან ძვირი ჯდება. შესაბამისად, ამხელა პროექტის კეთებას კონკრეტული მობილიზება სჭირდება, მათ შორის, ფინანსური, მატერიალური, ტექნიკური - უამრავი დეტალია. მაყურებლისთვის ეს დეტალები არ არის საინტერესო და ამის ცოდნაც აუცილებელი არ არის. ეს ჩვენი სამუშაოა და ვითარების გამოსწორებას შევეცდებით. არ არის ისე, რომ გვეზარება კეთება და თავი დავანებეთ. ობიექტურ გარემოებათა მთელი რიგია, რომელიც ამას ან ხელს უწყობს, ან ხელს უშლის...
- ამასთან, ეს პროექტი არაერთი მსახიობისთვის თუ არამსახიობისთვის თვითრეალიზების საშუალებაა, "ჩცდ"-მ უამრავი ნიჭიერი ადამიანი აღმოაჩინა და ხელი შეუწყო მის პოპულარობას...
- შოუბიზნესში არის ასეთი ტერმინი - "ფეისმეიკერი", რაც ახალი სახეების გაჩენას გულისხმობს. თუ ქართულ სატელევიზიო ბაზარს გადავხედავთ და ინტერნეტში დაბადებულ ვარსკვლავებს არ ჩავთვლით, 10 წლის განმავლობაში, პოპულარულ ტიპებს და ადამიანებს ჩვენ ვქმნიდით... მოკლედ, ახლა პოლიტიკური ვითარებაც ისეთია, რთულია რაიმეს თქმა და თან, ისე ვარ, არ მაქვს პასუხი. წყლის ნაყვა რომ არ გამომივიდეს, ჯობია, როცა კონკრეტული სათქმელი მექნება, მაშინ ვიტყვი.
მკითხველის კომენტარები /
90 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ძალიანაც კარგი თუ იხურება სულ გინება შეურაცხყოფა ჩხუბი ეს სერიალი არის ჩემი ცოლის დაქალების ისტორია და არა პოლიტიკის სერიალი ამას ბავშვებიც უყურებენ. მე გამეხარდება თუ დაიხურება
ნეტავი ამ სერიალის ყოფნა-არყოფნაზე მეტი პრობლემა არ ჰქონდეს ჩვენს ქვეყანას - უგემოვნობის, უნიჭობის და უხამსობის ზეობაა