მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"აქვს თუ არა აზრი ბრძოლას, თუ დამარცხებისთვის ხარ განწირული" - გამოცდების ეროვნული ცენტრი ქართული ენისა და ლიტერატურის გამოცდის საკითხის შესახებ განცხადებას ავრცელებს
19:29 / 04-07-2022
შეფასებისა და გამოცდების ეროვნული ცენტრი ეხმიანება მედიაში გავრცელებულ ინფორმაციას ერთიანი ეროვნული გამოცდების ქართული ენისა და ლიტერატურის ტესტების ერთ-ერთ ვარიანტში არსებული დავალების შესახებ.
დავალება ეხებოდა ნიკო ლორთქიფანიძის ნაწარმოებს "ამაყი", რომლის ანალიზისთვის აბიტურიენტებს უნდა დაეწერათ - "აქვს თუ არა აზრი ბრძოლას, თუ დამარცხებისთვის ხარ განწირული."
- შეფასებისა და გამოცდების ეროვნული ცენტრის განცხადებაში კი ნათქვამია, რომ საკითხის პოლიტიზება დაუშვებელია.
"გაცნობებთ, რომ აღნიშნულ დავალებაში მოცემული იყო ნიკო ლორთქიფანიძის ნაწარმოები "ამაყი“, რომელიც ეხება თავისუფლებისათვის ბრძოლის თემას. ამ ტექსტს მოჰყვებოდა 10 კითხვა არჩევითი პასუხებით. ამის შემდეგ მოცემული იყო მითითება ტექსტის ანალიზისთვის, რასაც ასეთი შინაარსი ჰქონდა: "აქვს თუ არა აზრი ბრძოლას, თუ დამარცხებისთვის ხარ განწირული."
სამწუხაროდ, ზოგიერთი მედიასაშუალებისგან აღნიშნულ საკითხს მოჰყვა არასწორი ინტერპრეტაციები და გავრცელდა კონტექსტიდან ამოგლეჯილი ფრაზა, რამაც საზოგადოების შეცდომაში შეყვანა გამოიწვია.ვინაიდან, დღეს დაიწყო გამოცდები და რეგისტრირებულია 90 000-ზე მეტი გამოსაცდელი, მათივე ინტერესებიდან გამომდინარე, დაუშვებლად მიგვაჩნია საკითხის პოლიტიზება, რადგან მსგავსი ტიპის ინფორმაციებმა შესაძლოა უარყოფითი გავლენა მოახდინოს აპლიკანტებზე.
ეს არ არის პირველი შემთხვევა, როდესაც ცდილობენ გამოცდების პოლიტიკურ პროცესებთან დაკავშირებას, რაც ჩვენთვის კატეგორიულად მიუღებელია.
თითოეული ჩვენგანის მიზანია მივცეთ აბიტურიენტებს ცოდნის მაქსიმალურად გამოვლენის შესაძლებლობა. აქედან გამომდინარე, შეფასებისა და გამოცდების ეროვნული ცენტრი გთხოვთ ტესტის გამოქვეყნებამდე თავი შეიკავოთ მისი არაკორექტული შეფასებებისგან. მანამდე კი, დაინტერესებულ საზოგადოებას თავად შეუძლია გაეცნოს ნიკო ლორთქიფანიძის ნაწარმოებს", - ნათქვამია შეფასებისა და გამოცდების ეროვნული ცენტრის განცხადებაში.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როცა იცი რომ წააგებ, არ აქვს ბრძოლას აზრი სულელი თუ არ ხარ. მცირე შანსი თეო რუსულად მაინც უნდა გქონდეს რომ იბრძოლო და დაახარჯო ენერგია. თუ 100% გარანტირებულია წაგება, მაშინ ის ენერგია რაც უაზროდ უნდა მიახარჯო წაგებულ საქმეს, გამოიყენე სხვაგან
რატომ გონიათ რომ გამოცდებს მაღალ დონეზე ატარებენ? საიდან მოაქვთ ასე "კარგად"შედგენილი ტესტები იქნება ეს ისტორია გეოგრაფია ქართული თუ მათემატიკა, სამაგისტრო გამოცდების დონეზე აღარაფერს ვამბობ აბსოლუტურად არაფრის მომცემი ტესტი და მაგით ამოწმებენ თურმე მაგისტრობის მსურველის და განათლების დონეს,უაზრო არაფრის მომცემი და საიდანღაც შემოთრეული და ჩამოთრეული სამაგისტრო ტესტებით,გრანტიც ამ უაზრო ტესტებით წყდება მაგისტრატურაში.