"მაშინ, როდესაც კადიროვი აბსურდულ ჯილდოებს იღებს, ჩეჩნების დანაკარგი ომში განსაკუთრებულ მასშტაბს აღწევს" - ჩეჩნეთში ომში დაღუპულთა რაოდენობის გასაჯაროებას ითხოვენ

ჩეჩნეთის ლიდერის, რამზან კადიროვის ბრძანებით, უკრაინის ომში "მოხალისე მეომრების" კიდევ ერთი ჯგუფი წავიდა. kavkaz-uzel.eu-ს ცნობით, გროზნოს საერთაშორისო აეროპორტიდან მან ე.წ. სპეციალური სამხედრო ოპერაციის ზონაში მორიგი ჯგუფი გაუშვა. როგორც გამოცემა წერს, უკრანის ომში დაღუპული ჩეჩენი სამხედროებისა და მოხალისეების რაოდენობა გასაიდუმლოებულია.

"რამზან კადიროვის ცნობით, ჩეჩნეთში ოთხი სამხედრო ბატალიონის ფორმირება იგეგმება. ესენია "ჩრდილოეთ ახმატი", "სამხრეთ ახმატი", "დასავლეთ ახმატი" და "აღმოსავლეთ ახმატი". ყველა მათგანის შემადგელობაში "ექსკლუზიურად ჩეჩნები იქნებიან." 28 ივნისს, კადიროვმა განაცხადა, რომ "დასავლეთ ახმატის" ბატალიონი უკვე შეიქმნა, იქ მხოლოდ ჩეჩნები ირიცხებიან და თავდაცვის სამინისტროს დაქვემდებარებაში არიან.

ადგილობრივი ანალიტიკოსის თქმით, უკრაინაში გასაგზავნი ახალი ჩეჩნური ბატალიონების შექმნა იმაზე მიანიშნებს, რომ ამ ომში და "პუტინის გეგმებში კადიროვს განსაკუთრებული სტატუსი აქვს. შესაბამისად, ამის გაგრძელებაა 1-ელ ივლისს გროზნოს საერთაშორისო აეროპორტიდან მორიგი მოხალისეთა ჯგუფის გაშვებაც."

მისივე ცნობით, ინტერნეტმომხარებლებმა 24 თებერვლის შემდეგ, არაერთხელ მოუწოდეს კადიროვს უკრაინაში დაღუპული ძალოვნების, სამხედროებისა და მოხალისეების რაოდენობა გაემხილა, თუმცა უშედეგოდ. თუ არ ჩავთვლით იმას, რომ 22 ივნისს ჩეჩნეთის ლიდერმა უკრაინაში დაღუპული რვა პოლიციელის შესახებ ისაუბრა.

kavkaz-uzel.eu წერს, რომ უკრაინაში დაღუპულია იმაზე ბევრად მეტი ჩეჩენი, ვიდრე ბოლო რვა წლის განმავლობაში - როდესაც კადიროვის პოლიტიკის გაპროტესტების გამო, "კადიროველები" დაუნდობლად უსწორდებოდნენ ადგილობრივ ახალგაზრდებს.

"მიმდინარე წლის 24 თებერვლიდან უკრაინაში დაღუპულ ჩრდილო კავკასიელთა მონაცემებში ჩეჩნეთი ლიდერობს.სპეცოპერაციაში ჩრდილოეთ კავკასიიდან. ოფიციალური მონაცემებით, უკვე 244 -ზე მეტი ადამიანი დაიღუპა, თუმცა, ეს რა თქმა უნდა, არ ასახავს რეალურ სურათს.

რაც შეეხება, რუსეთის თავდაცვის უწყების ოფიციალურ ინფორმაციას, 20 მაისის მონაცემებით, უკრაინაში დაიღუპა დაღესტნის რესპუბლიკიდან 110 პირი, ჩრდილოეთ ოსეთიდან - 46, ყაბარდო-ბალყარეთიდან - 20, სამხრეთი ფედერალური ოლქის რესპუბლიკებიდან 90 ადამიანი, თუმცა, ჩეჩნეთზე არაფერია ნათქვამი. არადა, აშკარაა, რომ ჩეჩნების დანაკარგები განსაკუთრებულ მასშტაბებს აღწევს, თუმცა მათი გამოქვეყნება, სავარაუდოდ, ომის დამთავრებამდე შეუძლებებლი იქნება. დაღუპულებში ჭარბობენ რესუბლიკის ღარიბი რეგიონების მცხოვრებლები, რომლებიც სამხედრო ძალებში კონტრაქტორებად მსახურობდნენ", - წერს გამომოცემა.

• "ტელეგრამ არხზე" ინტენერეტმოხმარებლები კვლავ მოითხოვენ, რომ კადიროვმა ჩეჩნეთის დანაკარგების შესახებ ინფორმაცია გამოაქვეყნოს. მათი თქმით, "მაშინ, როდესაც ჩეჩნეთის ლიდერი აბსურდულ ჯილდოებს იღებს და პუტინს ერთგულებას უმტკიცებს, ახალგაზრდა ბიჭებს უკრაინის ომში უშვებს და მათ შესახებ ინფორმაციასაც კი არ აქვეყნებს."

"რისთვის იხოცებიან ჩვენი ბიჭები რუსეთის მიერ წარმოებულ ომში, კადიროვმა და მისმა გარემოცვამ ძალაუფლება რომ შეინარჩუნოს?! თავისი ოჯახიდან, სიძეების, ახლობლების გარემოცვიდან არც ერთი ადამიანი არ გაუშვია, ღატაკ რეგიონებს მიადგნენ, წერა-კითხვის უცოდინარი ბიჭები კონტრაქტორებად რომ მიდიან და მომკითხავი არავინ ჰყავთ, საზარბაზნე ხორცად იყენებს. უმძიმესი მგომარეობა გვაქვს, მაგრამ გამოსავალსაც ვერ ვხედავ", - წერს ინტერნეტმომხარებელი "კარაჩი დუსო".

"რაც მთავარია, ეს ომი მალე არ დასრულდება და ჩრდილოეთ კავკასიის, კერძოდ, ჩეჩნეთის დანაკარგები აუნაზღაურებელი იქნება. მთავარია, კადიროვი იყოს მყარად და პუტინს ერთგულების დასამტკივებლად მთელ მოსახლეობას შესწირავს, თავისი ახლობლების გარდა", - წერს "უილიამ ვოლოსი".