ძა­ლი­ან მალე სვა­ნე­თი დიდი დღე­სას­წა­უ­ლის მომსწრე გახ­დე­ბა - წელს, უკვე მე­ო­რედ, 10-16 ივ­ლისს მეს­ტი­ა­ში სვა­ნე­თის სა­ერ­თა­შო­რი­სო კი­ნო­ფეს­ტი­ვა­ლი "ქალღმერ­თი დალი“ მო­ე­წყო­ბა. კი­ნო­ფეს­ტი­ვა­ლის დამ­ფუძ­ნებ­ლე­ბი არი­ან რე­ჟი­სო­რი მა­რი­ამ ხაჭ­ვა­ნი და მისი მე­უღ­ლე - თე­ი­მუ­რაზ ჩხვი­მი­ა­ნი.

წელს ფეს­ტი­ვა­ლი გა­ცი­ლე­ბით მას­შტა­ბუ­რი იქ­ნე­ბა - მო­ნა­წი­ლე­ე­ბით, ფილ­მე­ბით, ჩვე­ნე­ბე­ბით, უცხო­ე­ლი პა­ტივ­სა­ცე­მი სტუმ­რე­ბით. სა­კონ­კურ­სო ფილ­მე­ბის მი­ღე­ბა 30 მა­ი­სის ჩათ­ვლით იყო, ფილ­მე­ბის პრო­ექ­ტე­ბის მი­ღე­ბამ კი 20 ივ­ნი­სამ­დე გა­და­ი­წია.

მიმ­დი­ნა­რე სამ­ზა­დის­სა და კი­ნო­ფეს­ტი­ვა­ლის პროგ­რა­მა­ზე სა­უ­ბა­რი მის დამ­ფუძ­ნე­ბელს, რე­ჟი­სორ მა­რი­ამ ხაჭ­ვანს ვთხო­ვეთ:

- წელს სა­ფეს­ტი­ვა­ლოდ ასო­ბით ფილ­მი შე­მო­ვი­და, გა­სულ წელ­თან შე­და­რე­ბით, ალ­ბათ, 10-ჯერ მეტი. ძი­რი­თა­დად, უცხო­უ­რი პრო­დუქ­ცი­აა, ქარ­თუ­ლი მხო­ლოდ რამ­დე­ნი­მე ფილ­მია. ფილ­მებს პი­რა­დად მეც ვარ­ჩევ და გა­დაგ­ზავ­ნი­ლიც მაქვს სხვა პრო­ფე­სი­ო­ნა­ლებ­თან. 20 ივ­ნი­სის­თვის უკვე შერ­ჩე­უ­ლი გვექ­ნე­ბა სა­კონ­კურ­სო ფილ­მე­ბიც.

- რა შთა­ბეჭ­დი­ლე­ბა დაგ­რჩათ - რო­გო­რი დო­ნის ფილ­მე­ბია?

- ნორ­მა­ლუ­რი ფილ­მე­ბია, მეტ-ნაკ­ლე­ბად - კარ­გი, მაგ­რამ მათ­გან კარ­გი 20 მოკ­ლე­მეტ­რა­ჟი­ა­ნი ფილ­მი ნამ­დვი­ლად შე­ირ­ჩე­ვა.

- პირ­ველ ფეს­ტი­ვალს რომ შე­ა­და­როთ, სხვა­ო­ბა რო­გო­რია?

- გა­სულ წელს ჩემს ფეს­ტი­ვალ­ზე ამ­დე­ნი ფილ­მი ნამ­დვი­ლად არ შე­მო­სუ­ლა, სა­დღაც - 400-500 იყო, მაგ­რამ ისე­თი კარ­გი ფილ­მე­ბი არ იყო, რო­გორ­საც ვე­ლო­დი, ამი­ტომ ჩემს ნაც­ნობ პრო­ფე­სი­ო­ნა­ლებს ვთხო­ვე რე­კო­მენ­და­ცი­ე­ბი, სა­ფეს­ტი­ვა­ლოდ კარ­გი პროგ­რა­მა რომ მქო­ნო­და. თუმ­ცა შე­მო­სუ­ლე­ბი­და­ნაც შე­ვარ­ჩი­ეთ რამ­დე­ნი­მე კარ­გი ფილ­მი. წელს ვნა­ხოთ, რა იქ­ნე­ბა, ჯერ ყვე­ლა ფილ­მი არ გვი­ნა­ხავს. ისე­თი ჟი­უ­რის წევ­რე­ბი გვყავს - ქარ­თვე­ლიც და უცხო­ე­ლიც, ძა­ლი­ან გვინ­და, კარ­გი დონე რომ იყოს.

- კი­ნო­ფეს­ტი­ვა­ლის ჟი­უ­რის წევ­რე­ბი ვინ იქ­ნე­ბი­ან?

- უცხო­ე­ლე­ბი­დან იქ­ნე­ბა ვინ ვა­ნა­კე­რი - კა­ნის სა­ერ­თა­შო­რი­სო კი­ნო­ფეს­ტი­ვა­ლის მოკ­ლე­მეტ­რა­ჟი­ა­ნი ფილ­მე­ბის ფეს­ტი­ვა­ლის ოფი­ცი­ა­ლუ­რი კონ­კურ­სის შე­სარ­ჩე­ვი კო­მი­ტე­ტის წევ­რი; ასე­ვე, იქ­ნე­ბა რე­ჟი­სორი სა­მეჰ ალა, რო­მე­ლიც პირ­ვე­ლი ეგ­ვიპ­ტე­ლი რე­ჟი­სო­რია, რო­მელ­მაც კა­ნის სა­ერ­თა­შო­რი­სო კი­ნო­ფეს­ტი­ვალ­ზე "ოქ­როს პალ­მის რტო“ მო­ი­პო­ვა თა­ვი­სი მოკ­ლე­მეტ­რა­ჟი­ა­ნი ფილ­მით - "მე­ში­ნია, შენი სახე არ და­მა­ვი­წყდეს“ და იმა­ვე წელს ანუ 2021-ში ჩვენ­თან - სვა­ნე­თის სა­ერ­თა­შო­რი­სო კი­ნო­ფეს­ტი­ვალ­ზე "ქალღმერთ და­ლის“ პრი­ზით და­ჯილ­დოვ­და. ქარ­თვე­ლე­ბი­დან ჟი­უ­რის წევ­რი გახ­ლავთ საფ­რან­გეთ­ში მოღ­ვა­წე ცნო­ბი­ლი კი­ნო­რე­ჟი­სო­რი გელა ბაბ­ლუ­ა­ნი.

- მთა­ვა­რი პრი­ზი - "ქალღმერ­თი დალი“ მხო­ლოდ ფილ­მს გა­და­ე­ცე­მა?

- არა, "ქალღმერ­თი დალი“ გა­და­ე­ცე­მა სა­უ­კე­თე­სო მოკ­ლე­მეტ­რა­ჟი­ან მხატ­ვრულ ფილ­მს, ასე­ვე - სა­უ­კე­თე­სო რე­ჟი­სორ ქალს და სა­უ­კე­თე­სო ოპე­რა­ტორს.

- რო­გორც ცნო­ბი­ლია, ფეს­ტი­ვალ­ზე უნდა შე­ირ­ჩეს 10 სრულ­მეტ­რა­ჟი­ა­ნი მხატ­ვრუ­ლი ფილ­მის პრო­ექ­ტიც. ამ ნო­მი­ნა­ცი­ა­ში ვინ შე­ა­ფა­სებს პრო­ექ­ტებს, იგი­ვე ჟი­უ­რი?

- არა, ამ შემ­თხვე­ვა­შიც სა­ერ­თა­შო­რი­სო ჟი­უ­რი იქ­ნე­ბა, მაგ­რამ - სხვა­დას­ხვა ადა­მი­ა­ნე­ბის­გან შემ­დგა­რი, რად­გან ფეს­ტი­ვა­ლის პროგ­რა­მა საკ­მა­ოდ დატ­ვირ­თუ­ლი გვაქვს პრე­ზენ­ტა­ცი­ე­ბით, "ფი­ჩინგ ფო­რუ­მით“, ვორკშო­ფე­ბით, მას­ტერკლა­სე­ბით... წელს "ფი­ჩინგ ფო­რუმ­ზე“ პრე­ზენ­ტა­ცი­ებს მხო­ლოდ ქარ­თვე­ლე­ბი წარ­მო­ად­გე­ნენ ანუ მხო­ლოდ ქარ­თუ­ლი პრო­ექ­ტე­ბი გვექ­ნე­ბა, თუმ­ცა სა­მო­მავ­ლოდ, შე­საძ­ლოა - მო­მა­ვალ წელ­საც, გვინ­და, სა­ერ­თა­შო­რი­სო პრო­ექ­ტე­ბიც მი­ვი­ღოთ. ჯერ­ჯე­რო­ბით სა­ა­მი­სოდ მზად არ ვართ. სა­ქარ­თვე­ლოს კულ­ტუ­რის, სპორ­ტი­სა და ახალ­გაზ­რდო­ბის სა­მი­ნის­ტრო­სა და სა­ზო­გა­დო­ებ­რი­ვი მა­უ­წყებ­ლის მხარ­და­ჭე­რით და­ვა­წე­სეთ ფუ­ლა­დი პრი­ზე­ბი, რო­მე­ლიც გა­და­ე­ცე­მათ "ფი­ჩინგ ფო­რუმ­ზე“ წარ­მოდ­გე­ნი­ლი სა­უ­კე­თე­სო სრულ­მეტ­რა­ჟი­ა­ნი ქარ­თუ­ლი ფილ­მე­ბის პრო­ექ­ტე­ბი­დან (და არა - ფილ­მე­ბი­დან) სა­უ­კე­თე­სოს ავ­ტო­რებს - რე­ჟი­სო­რებს. ასე­ვე, "პირ­ვე­ლი არ­ხის“ მხარ­და­ჭე­რით, ფუ­ლა­დი პრი­ზი გა­და­ე­ცე­მა სა­უ­კე­თე­სო რე­ჟი­სორ ქალს.

- ცხა­დია, ნელ-ნელა ფეს­ტი­ვა­ლი გა­იზ­რდე­ბა და და­იხ­ვე­წე­ბა კი­დეც. სა­ინ­ტე­რე­სოა, წლე­ვან­დე­ლი ფეს­ტი­ვა­ლი რით გა­მო­ირ­ჩე­ვა გა­სუ­ლი წლის ფეს­ტი­ვა­ლის­გან?

- წლე­ვან­დე­ლი ფეს­ტი­ვა­ლი, უპირ­ვე­ლე­სად, იმით იქ­ნე­ბა გა­მორ­ჩე­უ­ლი, რომ გა­სულ წელს თუ ორი ძა­ლი­ან მნიშ­ვნე­ლო­ვა­ნი უცხო­ე­ლი სტუ­მა­რი გვყავ­და, წელს უკვე 12 მა­ღა­ლი რან­გის უცხო­ე­ლი სტუ­მა­რი გვე­ყო­ლე­ბა. მა­გა­ლი­თად, ქარ­თვე­ლე­ბის გარ­და, ვორკშო­ფებს ჩა­ა­ტა­რე­ბენ: ქრის­ტო­ფერ ლე­პარ­კი - კა­ნის კი­ნო­ფეს­ტი­ვა­ლის Director’s Fortnight სექ­ცი­ის გე­ნე­რა­ლუ­რი მდი­ვა­ნი, ასე­ვე, LUX-ის სე­ლექ­ცი­ის პა­ნე­ლის წევ­რი, მას საკ­მა­ოდ დიდი რე­გა­ლი­ე­ბი აქვს; ასე­ვე, მარ­ტი­ნა ბლე­ი­სი - "ბერ­ლი­ნა­ლეს“ მარ­კე­ტის სექ­ტო­რის წარ­მო­მად­გე­ნე­ლი. მოკ­ლედ, ძა­ლი­ან წო­ნი­ა­ნი ხალ­ხი ჩა­მო­დის, გარ­და ზე­მოთ ხსე­ნე­ბუ­ლი ადა­მი­ა­ნე­ბი­სა, წელს სვა­ნეთს და კი­ნო­ფეს­ტი­ვალს ეს­ტუმ­რე­ბი­ან: ალი­ო­ნა შუ­მა­კო­ვა - კა­ნის სა­ერ­თა­შო­რი­სო კი­ნო­ფეს­ტი­ვა­ლის Director’s fortnight -კო­რეს­პო­დენ­ტი; კარ­მენ გრეი - ბერ­ლი­ნის სა­ერ­თა­შო­რი­სო კი­ნო­ფეს­ტი­ვა­ლი­სა და ვინ­ტერ­ტუ­რის სა­ერ­თა­შო­რი­სო მოკ­ლე­მეტ­რა­ჟი­ა­ნი ფილ­მე­ბის ფეს­ტი­ვა­ლის შე­სარ­ჩე­ვი კო­მი­ტე­ტის წევ­რი, თა­ვი­სუ­ფა­ლი ხე­ლოვ­ნე­ბის ჟურ­ნა­ლის­ტი; მარ­ტა ბა­ლა­გა - ჟურ­ნა­ლის­ტი Cineuropa & Variety-ში, ფი­ნე­თის კრი­ტი­კოს­თა ასო­ცი­ა­ცია SARV-ის, კი­ნოკ­რი­ტი­კოს­თა სა­ერ­თა­შო­რი­სო ფე­დე­რა­ცია FIPRESCI-ისა და ევ­რო­პის კი­ნო­ა­კა­დე­მი­ის წევ­რი; ედ­ვი­ნას პუტსკა - ჟურ­ნა­ლის­ტი, ტა­ლი­ნის კი­ნო­ფეს­ტი­ვა­ლის პროგ­რა­მე­რი, ევ­რო­პუ­ლი კი­ნო­ა­კა­დე­მია FIPRESCI-ის წევ­რი, ფეს­ტი­ვა­ლებ­ზე მოგ­ზა­უ­რი, მო­ხა­ლი­სე და რე­პორ­ტი­ო­რი; ფრე­დი ოლ­სო­ნი - გე­ტე­ბორ­გის კი­ნო­ფეს­ტი­ვა­ლის პროგ­რა­მე­რი და - ნი­კო­ლას ნი­კი­ტი­ნი - SOFA-ს წარ­მო­მად­გე­ნე­ლი. ამ ადა­მი­ა­ნე­ბის უმ­რავ­ლე­სო­ბა პირ­ვე­ლად ჩა­მო­დის სა­ქარ­თვე­ლო­ში და ეს ძა­ლი­ან მნიშ­ვნე­ლო­ვა­ნი იქ­ნე­ბა ჩვე­ნი ქვეყ­ნის­თვის, ფეს­ტი­ვა­ლის­თვის და ქარ­თვე­ლი რე­ჟი­სო­რე­ბის­თვის.

გარ­და იმი­სა, რომ კი­ნო­ფეს­ტი­ვა­ლი პერ­სო­ნე­ბით იქ­ნე­ბა გა­მორ­ჩე­უ­ლი, წელს კი­დევ უფრო ბევრ ჩვე­ნე­ბას ვგეგ­მავთ - მოკ­ლე­მეტრჟი­ა­ნი ფილ­მე­ბის გარ­და, სა­ზო­გა­დო­ე­ბას წარ­ვუდ­გენთ სრულ­მეტ­რა­ჟი­ან ქარ­თულ და უცხო­ურ მხატ­ვრულ ფილ­მებს, 2022 წლის გა­მოშ­ვე­ბას, რომ­ლე­ბიც ჯერ არ­სად უჩ­ვე­ნე­ბი­ათ. მეს­ტი­ის ცენ­ტრში, სას­ტუმ­რო "ფოს­ტის“ მიმ­დე­ბა­რე ტე­რი­ტო­რი­ა­ზე მო­ვა­წყობთ გა­რეჩ­ვე­ნე­ბებს და ყო­ველ სა­ღა­მოს მეს­ტი­ის ცენ­ტრს, და­ახ­ლო­ე­ბით, 200-კა­ცი­ა­ნი აუ­დი­ტო­რია ეყო­ლე­ბა. ასე­ვე, პა­რა­ლე­ლუ­რად, ჩვე­ნე­ბე­ბი იქ­ნე­ბა მეს­ტი­ის კულ­ტუ­რის ცენ­ტრში, სა­დაც არის კი­ნო­თე­ატ­რი და შე­იძ­ლე­ბა, ჩვე­ნე­ბე­ბი და­ვა­მა­ტოთ მეს­ტი­ის მუ­ზე­უმ­ში.

- რო­გორც მახ­სოვს, შარ­შან ვა­რა­უ­დობ­დით, რომ თქვე­ნი კი­ნო­ფეს­ტი­ვა­ლის უცხო­ე­ლი სტუმ­რე­ბი შე­იძ­ლე­ბა ისე მო­ე­ხიბ­ლა სვა­ნეთს, რომ ამ მხა­რე­ში ფილ­მე­ბის გა­და­ღე­ბაც კი მო­ე­სურ­ვე­ბი­ნათ. რას ფიქ­რობთ, და­ინ­ტე­რეს­დნენ?

- გა­სუ­ლი წლის ფეს­ტი­ვა­ლი ისე­თი მას­შტა­ბუ­რი არ იყო, თუნ­დაც პან­დე­მი­ი­დან გა­მომ­დი­ნა­რეც, მაგ­რამ ვინც ეს­წრე­ბო­და უცხო­ე­ლე­ბი­დან, საკ­მა­ოდ ნორ­მა­ლუ­რად შე­ა­ფა­სა პირ­ვე­ლი ფეს­ტი­ვა­ლი. წელს, მოწ­ვე­ვე­ბი ვი­საც გა­ვუგ­ზავ­ნე, იმ­დენ­მა ადა­მი­ან­მა და­მი­დას­ტუ­რა, ფაქ­ტობ­რი­ვად - ყვე­ლამ და გა­ო­ცე­ბუ­ლიც კი დავ­რჩი, ამი­ტომ ვფიქ­რობ, ეს უკვე იმას ნიშ­ნავს, რომ ძა­ლი­ან და­ინ­ტე­რეს­დნენ. ვნა­ხოთ, სა­მო­მავ­ლოდ არა­ფე­რია გა­მო­რი­ცხუ­ლი. ზო­გა­დად, ვგეგ­მავთ, რომ ჩვენს ფეს­ტი­ვალ­ზე რაც შე­იძ­ლე­ბა მეტი ცნო­ბი­ლი სა­ერ­თა­შო­რი­სო კი­ნო­ფეს­ტი­ვა­ლი­დან მო­ვიწ­ვი­ოთ სტუმ­რე­ბი, რომ­ლე­ბიც ჩა­ა­ტა­რე­ბენ ვორკშო­პებს, გა­ეც­ნო­ბი­ან ქარ­თვე­ლე­ბის შე­მოქ­მე­დე­ბა­საც, ფილ­მებ­საც, შე­იძ­ლე­ბა თა­ვის ფეს­ტი­ვა­ლებ­ზე წა­ი­ღონ ეს ფილ­მე­ბი... რო­დე­საც უცხო­ურ ფეს­ტი­ვა­ლებ­ში მო­ნა­წი­ლე­ო­ბას ვა­პი­რებ, უპირ­ვე­ლე­სად ვინ­ტე­რეს­დე­ბი, რა ფეს­ტი­ვა­ლია, ვინ არის ჟი­უ­რის შე­მად­გენ­ლო­ბა­ში, არის თუ არა იმ ფეს­ტი­ვალ­ზე სწო­რედ ის ადა­მი­ა­ნი, ვის­თან შეხ­ვედ­რა­საც ვოც­ნე­ბობ, რამ­დე­ნად ღირს, გა­და­ვი­ხა­დო თუნ­დაც ის თან­ხა, რაც მას­ში მო­ნა­წი­ლე­ო­ბის­თვი­საა გან­სა­ზღვრუ­ლი და ა.შ. მხო­ლოდ ამის გარ­კვე­ვის შემ­დეგ ვაგ­ზავ­ნი სა­კუ­თარ ფილ­მს. ამ­გვა­რად იქ­ცე­ვა ყვე­ლა, მნიშ­ვნე­ლო­ბა არ აქვს, დამ­წყე­ბი რე­ჟი­სო­რია თუ სხვა­დას­ხვა დიდი ფეს­ტი­ვა­ლის რამ­დენ­ჯერ­მე გა­მარ­ჯვე­ბუ­ლი. ასე­თი­ვე პრეს­ტი­ჟუ­ლი უნდა გახ­დეს ჩვე­ნი ფეს­ტი­ვა­ლიც, რომ ბევ­რს მო­უნ­დეს მას­ში მო­ნა­წი­ლე­ო­ბა, სტუმ­რად ჩა­მოს­ვლა და სხვ. მარ­თა­ლია, ჯერ­ჯე­რო­ბით ჩვენ­თან გა­და­სა­ხა­დი არ გვაქვს, მაგ­რამ შე­იძ­ლე­ბა ოდეს­მე კი­დეც და­ვა­წე­სოთ, ასე­თი დროც დად­გეს. ძა­ლი­ან მინ­და, რომ ფეს­ტი­ვა­ლი მხო­ლოდ ფილ­მე­ბის ჩვე­ნე­ბით კი არ ამოვ­წუ­როთ, არა­მედ - ე.წ. კი­ნო­ბაზ­რო­ბა სვა­ნეთ­შიც გან­ვა­ვი­თა­როთ. აქ­ტი­უ­რად გვქონ­დეს ვორკშო­ფე­ბი, პრე­ზენ­ტა­ცი­ე­ბი, "ფი­ჩინგ ფო­რუ­მე­ბი“, სხვა­დას­ხვა სა­ხის მას­ტერკლა­სე­ბი, ასე­ვე, და­ვა­ფუძ­ნეთ "სვა­ნე­თის რე­ზი­დენ­სი“ - აქ­ტი­ვო­ბე­ბი ახალ­გაზ­რდა, დამ­წყე­ბი რე­ჟი­სო­რე­ბის­თვის, რაც და­ეხ­მა­რე­ბა მათ კონ­ტაქ­ტე­ბის მო­ძი­ე­ბა­ში და ა.შ.

• სვა­ნე­თის სა­ერ­თა­შო­რი­სო კი­ნო­ფეს­ტი­ვა­ლი "ქალღმერ­თი დალი“ გა­იხ­სნე­ბა 10 ივ­ლისს და და­ი­ხუ­რე­ბა 15 ივ­ლისს გრან­დი­ო­ზუ­ლი ცე­რე­მო­ნი­ით ღია ცის ქვეშ, თუ, რა თქმა უნდა, წვი­მამ არ შეგ­ვი­შა­ლა ხელი.

იმე­დია, ყვე­ლა­ფე­რი კარ­გად ჩა­ივ­ლის და ვფიქ­რობ, ჩვე­ნი კი­ნო­ფეს­ტი­ვა­ლი­დან ბევ­რი კარ­გი რა­მის გა­კე­თე­ბას შევ­ძლებთ სვა­ნე­თის­თვის, სა­ქარ­თვე­ლოს­თვის და ქარ­თვე­ლე­ბის­თვის.

იხი­ლეთ ასე­ვე:

• სვა­ნე­თის სა­ერ­თა­შო­რი­სო კი­ნო­ფეს­ტი­ვა­ლი წელს მე­ო­რედ გა­ი­მარ­თე­ბა

ავ­ტო­რი: ირმა ხარ­ში­ლა­ძე