სახლში, სადაც ილია ელოშვილი გარდაცვლილი ნახეს, საგამოძიებო მოქმედებები მიმდინარეობს - რას აცხადებენ ახლობლები?
თბილისის მერის მოადგილე ილია ელოშვილი საკუთარ სახლში გარდაცვლილი იპოვეს, გარდაცვალების ზუსტი მიზეზი ამ დრომდე უცნობია. მის საცხოვრებელ სახლში საგამოძიებო მოქმედებები მიმდინარეობს.
როგორც "ინტერპრესნიუსის“ კორესპონდენტი იუწყება, ადგილზე კინოლოგები და ექსპერტ-კრიმინალისტები მუშაობენ.
ილია ელოშვილის ცხედარი ექსპერტიზის ბიუროში გადაასვენეს
ახლობლების ინფორმაციით, ელოშვილი სახლში, სავარაუდოდ, მარტო იმყოფებოდა.
შეგახსენებთ, რომ თბილისის მერის მოადგილე ილია ელოშვილი საკუთარ სახლში გარდაცვლილი იპოვეს. შსს-მ გამოძიება თვითმკვლელობამდე მიყვანის მუხლით დაიწყო.
ილია ელოშვილი 47 წლის იყო, მას მეუღლე და ორი შვილი დარჩა. ელოშვილი თბილისის მერის მოადგილის თანამდებობას 2021 წლიდან იკავებდა, იქამდე ენერგეტიკის მინისტრი, მანამდე კი ენერგეტიკის მინისტრის მოადგილე იყო.
იხილეთ ასევე: