მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"უკან აღარასდროს დავბრუნდები" - რუსეთიდან გაქცეული "გაზპრომბანკის" ყოფილი ვიცე-პრეზიდენტის და ურჩი რუსი დიპლომატის პროტესტი ომის წინააღმდეგ
15:00 / 27-05-2022
ბიზნესმენი იგორ ვოლობუევი და დიპლომატი ბორის ბონდარევი რუსეთის ელიტის წარმომადგენლები არიან, რომლებიც ეწინააღმდეგებიან პუტინის უკრაინაში შეჭრას.
- "გაზპრომში" ადამიანების ნაწილი პუტინისტია, მაგრამ ადამიანების უმრავლესობას ზუსტად ესმის, თუ რა ქვეყანაში ცხოვრობს. რუსეთში ბევრს, უბრალოდ, ეშინია“, - იგორ ვოლობუევი
- "რუსს ხალხს აქვს შინაგანი ცენზურა, ფიქრობენ რა, რომ რაღაცის თქმა სახიფათოა, ისინი მუდმივად ცხოვრობენ ამ შიშით. უკრაინელები კი ამას უყურებენ და არ ესმით, რადგან ისინი თავისუფალი ადამიანები არიან“, - ბორის ბონდარევი
იგორ ვოლობუევი გაიზარდა უკრაინის ქალაქ ოხტირკაში. 1989 წელს, 18 წლის ასაკში, მოსკოვში გაემგზავრა. გარკვეული დროის შემდეგ, ის შეუერთდა "გაზპრომის" ხელმძღვანელ რგოლს, სადაც 15 წელი გაატარა და გახდა ვიცე-პრეზიდენტი. როგორც იგორი ამბობს, ის თავიდან პუტინის მხარდამჭერი იყო და 2012 წელს ხმაც მისცა, თუმცა უკრაინაში 2014 წლის მოვლენებმა მას თვალი აუხილა. მაშინვე სურდა დაბრუნებულიყო სამშობლოში (უკრაინაში), თუმცა ოჯახური მიზეზების გამო ვერ მოახერხა ქალაქის დატოვება . "ეს იყო არჩევანი ჩემს სამშობლოსა და ჩემს ოჯახს შორის და იმ დროს მე ავირჩიე - ჩემი ოჯახი. მიმდინარე წლის 24 თებერვალს კი მივხვდი, რომ ამის გადადება აღარ შემეძლო“, - განაცხადა მან.
იგორ ვოლობუევმა 20 წელი გაატარა რუსულ ბიზნესელიტაში, ის ჯერ "გაზპრომში" მუშაობდა, შემდეგ კი მის ფილიალ "გაზპრომბანკში", სადაც მიმდინარე წლის თებერვლამდე ვიცე-პრეზიდენტის თანამდებობას იკავებდა.
მას მერე, რაც თებერვლის ბოლოს, ვლადიმერ პუტინმა უკრაინასთან ომი გააჩაღა, ვოლობუევი მიხვდა, რომ ვეღარ გაუძლებდა რუსეთში ცხოვრებას. მან საჭირო რაოდენობის ფული და ნივთები ჩაალაგა პატარა ზურგჩანთაში და 2 მარტს ქვეყნიდან გაფრინდა, თითქოსდა, დასასვენებლად მიდიოდა. რამდენიმე დღის შემდეგ, პოლონეთიდან უკრაინაში გადავიდა, სადაც მან ბავშვობის წლები დაჰყო. ახლა ის უკრაინაშია და ცდილობს მიიღოს შესაბამისი დოკუმენტაცია, რათა სამხედრო სამსახურში ჩადგეს.
"მე აღარასდროს დავბრუნდები რუსეთში... მინდა, ვიყო იქ, სადაც შემეძლება დავიცვა ჩემი სამშობლო იარაღით”, - განაცხადა იგორმა ერთ-ერთ ინტერვიუში.
ის, როგორც უკრაინული წარმოშობის რუსეთის მოქალაქე ამბობს, რომ უკრაინაში ჩამოსვლით გაუჩნდა განცდა, რომ შინ დაბრუნდა. თუმცა აღიარებს, რომ უნდა "ბევრი იშრომოს“, რათა უკრაინელები მის გულწრფელობაში დაარწმუნოს.
"მთელი ამ წლების განმავლობაში ვამბობდი, რომ უკრაინელი ვარ, მაგრამ რუსეთში ვაგრძელებდი ცხოვრებას და მუშაობას. მესმის, უნდა მოვინანიო და მრავალი წლის განმავლობაში ვამტკიცო, რომ აქ ცხოვრების უფლებას ვიმსახურებ და ჩემი ნდობაც შეიძლება“, - განაცხადა მან.
რუსეთის ასიათასობით მოქალაქემ დატოვა ქვეყანა მას შემდეგ, რაც პუტინმა ომი დაიწყო. მათ შორის არიან: ჟურნალისტები, აქტივისტები თუ სხვ. მათმა უმეტესობამ "კონფლიქტის მიმართ“ წინააღმდეგობა ხმამაღლა გამოთქვა, ქვეყნიდან წასვლის შემდეგ, თუმცა რუსეთშიც არიან ადამიანები, რომლებმაც საჯაროდ დაგმეს ომი.
დიპლომატი ბორის ბონდარევი, უმაღლესი რანგის რუსი დიპლომატია, ის გაერო-ს ჟენევის ოფისში რუსეთის მისიის მრჩეველი გახლდათ. როგორც კი რუსეთი შეიჭრა უკრაინაში, ის გადადგა, თუმცა ამ ამბის გასაჯაროებისთვის მას გარკვეული დრო დასჭირდა. აღსანიშნავია ისიც, რომ დიპლომატმა გამოაქვეყნა მძაფრი წერილი, რომელშიც წერდა, რომ "რცხვენია“ საკუთარი ქვეყნის, მან ასევე "კატასტროფა“ უწოდა უკრაინაში შეჭრას.
”თქვენ აანალიზებთ, რომ ეს არასწორია, მაგრამ ადამიანების უმეტესობა ფიქრობს, რომ ეს კატასტროფა მათ არ ეხებათ, რადგან ფიქრობენ, რომ შორსაა და გავლენას ვერ მოახდენს მათ ცხოვრებაზე, რაც ნამდვილად არასწორია", - ამბობს დიპლომატი "გარდიანთან" სატელეფონო ინტერვიუში.
"რუსეთი თავს დაესხა სხვა ქვეყანას. ეს არის უკრაინა. უკრაინელებს ყოველთვის ჩვენს ძმებად მივიჩნევდით, დღეს კი ყველაზე სასტიკად დავესხით თავს... ეს არის რაღაც წარმოუდგენელი", - ამბობს ის.
იხილეთ ასევე;
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
სხვას ჭკუას რატომ ასწავლით? დავიჯერო თქვენ ყველანი იბრძოდით 2008 წლის ომში? სახარებისეული შეგონება გაიხსენეთ სხვისა და საკუთარ თვალებზე.
Პირველ ჩამშვლებლებს ამნისტია ან სახელმწიფო დაცვა გარანტირებული აქვს. Ტაქტიკურად სწორად მოიქცნენ. Აბრამოვიჩმა ცოტა დააგვიანა და შუამავლობაც არ გამოუვიდა.