მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შემაძრწუნებელ სამყაროში ვცხოვრობთ და ვფიქრობ, მოდაც ამის ანარეკლია"- კომიკური, ტრაგიკული, ცინიკური და... უკვე შემზარავი დემნა გვასალია
10:49 / 25-05-2022
"ბალენსიაგას“ სამოსს არაერთი ცნობილი და ძალიან პოპულარული ადამიანის გარდერობში ვაწყდებით. წითელ ხალიჩაზე და სხვადასხვა მნიშვნელოვან დაჯილდოებაზე თუ ვარსკვლავების ყოველდღიურ ცხოვრებაში - მისი სამოსი, თითქოს, ყველანაირი გემოვნების ადამიანს ერგება და მოდის ისტორიაში რაღაც ახალ სიტყვას ამბობს. ახლა კი დემნა გვასალია, თავისი წარმატებული კარიერის შედეგად, პირველი ქართველი გახდა, რომელიც Time-ის ყველაზე გავლენიანი ადამიანების ასეულში მოხვდა.
"დემნა უკვე თითქმის რვა წელია, მოდის სამყაროს მწვერვალზეა, ის მოდის ყველაზე გავლენიანი ცოცხალი დიზაინერია", - წერს მოდის ცნობილი ამერიკული გამოცემა Harper's Bazaar "ბალენსიაგას" ახალი ჩვენების განხილვისას.
22 მაისს ნიუ-იორკში ბალენსიაგას 2023 წლის კოლექციის ჩვენება გაიმართა, რაც დემნას პირველი შოუ იყო აშშ-ში.
ცხადია, სიმბოლური დატვირთვისა და კოლექციის დიზაინის მთავარი სათქმელის შესაბამისად იყო შოუსთვის შერჩეული ადგილიც: უოლ-სტრიტზე მდებარე ნიუ-იორკის საფონდო ბირჟა, რომელიც მსოფლიოში ყველაზე დიდია.
დემნა ახერხებს, რომ ყოველ ჩვენებაზე აუდიტორიაში სხვადასხვა ემოცია აღძრას: მას შეუძლია იყოს კომიკური, ტრაგიკული, ცინიკური, ან როგორც მისი ბოლო კოლექცია შეაფასეს, შემზარავიც კი...
ინტენსიური და დამთრგუნველი მუსიკალური გაფორმებითა და ლატექსით დაფარული სხეულებით დემნამ კვლავინდებურად მოახერხა, რომ ურთიერთსაწინააღმდეგო გრძნობები გაეჩინა მნახველში.
"შემაძრწუნებელ სამყაროში ვცხოვრობთ და ვფიქრობ, მოდაც ამის ანარეკლია... ჩემი აზრით, ამ შოუს გამართვა აუცილებელი იყო", - განაცხადა დემნამ.
ჩვენება თემატურად სამი ნაწილისგან შედგებოდა: ერთგვარ შესავალ ნაწილს Garde-Robe ეწოდება და თავად დემნამ ის "მაღალი კლასის კლასიკურ სამოსად" დაახასიათა. კოლექციის მეორე ნაწილის ელემენტებში აბრეშუმი და დიდი ზომის ფეხსაცმელები ჭარბობდა.
მოულოდნელი სიურპრიზი იყო ჩვენების ბოლო, მესამე ნაწილი, რომელშიც ცნობილი გახდა, რომ დემნამ Adidas-თან ითანამშრომლა. დიზაინერმა ამის მიზეზი მარტივად ახსნა:
"ყოველთვის მინდოდა სამი ხაზის გამოყენება".
საბოლოოდ, როგორც კრიტიკოსებისგან, ისე მოდის მოყვარულებისგან ჩვენებამ მეტწილად დადებითი შეფასებები დაიმსახურა და მისი ერთგვარი დისტოპიური სტილი თანამედროვე კაპიტალისტური ცხოვრების წესის კრიტიკადაც შეაფასეს.
"ფული სამყაროში ყველაზე დიდი ფეტიშია", - განაცხადა დემნამ ჩვენებაზე.
00:00 / 00:00
მკითხველის კომენტარები /
33 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალია, შემაძრწუნებელ სამყაროში ვცხოვრობთ!
ამ ტიპმა თავისი შემაძრწუნებელი მოდით ტვინი წაიღო. რა დღეში აქვს ფსიქიკა