Ambebi.ge ცოტა ხნის წინ, პუტინის ფავორიტი ქალის, ალინა კაბაევას ყოფილი საქმროს შესახებ წერდა. დავით (შალვა) მუსელიანი წარმოშობით ქუთაისიდან არის. კაცი საქართველოში დაიბადა და გაიზარდა, განათლება სამშობლოში მიიღო და კარიერის გასაკეთებლად 90-იან წლებში გადავიდა მოსკოვში.
წლების მანძილზე რუსულ მედიაში დავით მუსელიანის შესახებ ახალი ინფორმაცია არ გამოქვეყნებულა. მას მხოლოდ, როგორც ალინა კაბაევას ყოფილ საქმროს, მოიხსენიებდნენ.
- რამდენიმე საათის წინ მედიაში გაჩნდა ინფორმაცია, რომ ალინა კაბაევას ყოფილი საქმრო საერთაშორისო ძებნილთა სიაშია შეყვანილი.
გახმაურებული სისხლის სამართლის საქმე 2018-2019 წლებში მოხდა და სახელმწიფო ქონების გაფლანგვას ეხება. საქმის მასალების მიხედვით, ეროვნული გვარდიისთვის სტრატეგიულად მნიშვნელოვანი ობიექტების დასაცავად გამოყოფილი თანხების დიდი რაოდენობა გაიფლანგა.
ინფორმაციის თანახმად, 262 მილიონი რუბლის ქურდობაში მონაწილეობდა ხუთი მაღალი რანგის ოფიცერი, რომლებმაც 2018-2019 წლებში ეროვნული გვარდიისთვის გამოყოფილი თანხით თოვლმავლები და ყველგანმავალი მანქანები არარეალურად მაღალ ფასებში შეისყიდეს. შენაძენი რეალურად უხარისხო აღმოჩნდა, გემების კორპუსები დაბზარულია და მათი შემდგომი ფუნქციონირება შეუძლებელია.
გამოძიების მასალების თანახმად, თაღლითობის ორგანიზატორი პოლკოვნიკი დავით მუსელიანია, რომელიც იმ დროს კერძო დაცვის მთავარი სამმართველოს ობიექტების ანტიკრიმინალური დაცვის განყოფილების ანალიზისა და ღონისძიებების შემუშავების განყოფილების უფროსის თანამდებობას იკავებდა. ამ საქმეზე ყველა ეჭვმიტანილი დაკავებულია და ციხეში იმყოფება, გარდა მუსელიანისა, რომელმაც გაქცევა მოახერხა. ის ამჟამად საერთაშორისო ძებნილთა სიაშია შეყვანილი.
2000-იანი წლების დასაწყისში მუსელიანმა, რომელიც იმ დროს მოსკოვის პოლიციის თანამშრომელი იყო, ტანმოვარჯიშე ალინა კაბაევა გაიცნო. წყვილი ერთმანეთს რამდენიმე წლის განმავლობაში ხვდებოდა და დაოჯახებას აპირებდნენ. დაუზუსტებელი ინფორმაციით, მაშინ მუსელიანი პირველ მეუღლესთან, მისი ქალიშვილის დედასთან გაყრის პროცესში იყო. დავითი რეგულარულად ჩუქნიდა ალინას საჩუქრებს და თან ახლდა ათენის ოლიმპიადაზე, სადაც ქალმა ოქროს მედალი მოიპოვა. თუმცა, 2004 წლის ბოლოს წყვილი დაშორდა. მანამდე მუსელიანმა ჟურნალისტებს განუცხადა:
"ორწელიწადნახევარია ვხვდებით, ვფიქრობ, რომ მისთვის პირველი და უკანასკნელი ვარ."
მუსელიანი კაბაევაზე 14 წლით უფროსი იყო. მედიის ინფორმაციით, მათი დაშორების მიზეზი დავით მუსელიანის რომანი გახლდათ, რომელიც კაბაევასთან ცხოვრების პარალელურად, მსახიობ ანა გორშკოვასთან გააბა. 2019 წლის ბოლოს მუსელიანმა რუსეთის გვარდიაში სამსახური დატოვა და კერძო ბიზნესში გადავიდა.
იხილეთ ასევე:
ქუთაისელები ყველგან და ყოველთვის ჯიგრები ვართ.......
რუსის ქალი მიაგდო თვალნაცრიანი, რუსებს გაბზარული გემები შეასაღა, ფულები ჩაიდო ჯიბეში და აორთქლდა.