მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მიღებული ცოდნით და გამოცდილებით, აუცილებლად დავბრუნდები სამშობლოში და ოჯახთან ერთად ვიცხოვრებ" - ემიგრანტი ბიჭი, რომელმაც სახელი იუმორისტული სკეჩებით გაითქვა
12:36 / 20-05-2022
ლადო ჭიქაშვილი ქართულ ინტერნეტსივრცეში კომედიური პერსონაჟ ინეზა კემულარიათი გაიცნეს. ამ მეგრელი ქალბატონის პაროდიით უამრავ ადამიანს ეხმიანება და საკუთარ სათქმელს ასე ამბობს... ლადოს ვიდეოები სოციალურ ქსელში დიდი მოწონებით სარგებლობს და მის მორიგ სკეტჩს დიდი ინტერესით ელოდებიან. აქვე ინტერესი ჩნდება, ვინ არის და როგორია ამ პერსონაჟის მიღმა ადამიანი, რომელმაც საზოგადოებასთან ურთიერთობა ასეთი ფორმით გადაწყვიტა. როგორც ლადო გვეუბნება, სამეგრელოდანაა, დაიბადა პატარა და ძალიან საყვარელ სოფელ ნოსირში, სადაც ძალიან შეიყვარა ეს ულამაზესი მხარე. იქაურობამ, როგორც ადამიანს, მნიშვნელოვანი თვისებები განმივითარა. რა თქმა უნდა, მშობლების დიდი დამსახურებაცაა ის, რომ ვარ დამოუკიდებელი, ბრძოლისუნარიანი და პოზიტიური ადამიანი“, - ამბობს ლადო, რომელსაც Ambebi.ge ბერლინში დაუკავშირდა.
- ფართო საზოგადოებას თავი იუმორით გააცანით. შექმენით პერსონაჟი, ვისი საშუალებითაც მიმდინარე მოვლენებს ეხმაურებით...
- დიდი მადლობა ინტერესისთვის. ადამიანები ცხოვრების ნებისმიერ ეტაპზე დაბრკოლებებს ვაწყდებით. ბევრჯერ გვტკივა, გვიხარია… ბედნიერებაა თუ გვერდს გიმაგრებენ, მაგრამ ხშირ შემთხვევაში, რეალობასთან მარტოს გვიწევს შეჯახება. ჩემ შემთხვევაში "ინეზა“ არის ადამიანი, რომელიც ყველაზე რთულ მომენტშიც კი მახსენებს, რომ ცხოვრება მშვენიერია! "ინეზა“ ჩემთვის რეალობის დიდი მაგალითია...
- პროფესიით მსახიობი ხომ ხართ?
- ყოველთვის მინდოდა, ვყოფილიყავი მსახიობი. სამწუხაროდ, ჩემი რეალობიდან გამომდინარე, ვერ შევძელი ამ პროფესიას გავყოლოდი, რადგან თავის გადასარჩენად მუდმივად მიწევდა საცხოვრებელი ადგილის და პროფესიის მორგება. ვერ ვპოულობდი შესაძლებლობას, რომ საოცნებო პროფესიისთვის დრო დამეთმო... "ინეზა“ ახლა იმაში მეხმარება, რომ ვიცხოვრო ჩემს ოცნებებში და არასდროს დავკარგო იმედი.
- ამჟამად ემიგრაციაში ხართ. რა არის ამის მიზეზი?
- ძალიან მიყვარს ჩემი საქართველო, მაგრამ ამ ეტაპზე მჭირდება გარემო, სადაც დამოუკიდებლად და ჩემი შრომით შევძლებ დავეხმარო ოჯახს და ვიბრძოლო საკუთარი მიზნის მისაღწევად. მიღებული ცოდნით და გამოცდილებით, აუცილებლად დავბრუნდები სამშობლოში და ოჯახთან ერთად ვიცხოვრებ, რადგან ვიცი, რა რთულია ემიგრანტობა და განშორება იმასთან, რაც შენია და რაც ძალიან გიყვარს.
ვშრომობ და ყოველ დღე ვცდილობ, გავხდე იმაზე კარგი, ვიდრე გუშინ ვიყავი. ბერლინი კი არის ქალაქი, სადაც არასდროს არის გვიან, გახდე ის, ვინც გინდა, რომ იყო...
აქ არის გარემო, სადაც გაქვს თავისუფლება და შეგიძლია, იყო ის, ვინც ხარ და ეს არის წარმატების ყველაზე დიდი პირობა... ის მრავალფეროვანი კულტურის, იდეების, შესაძლებლობების ქალაქია. ძალიან ბედნიერი ვარ, რომ აქ ვცხოვრობ.
- რა იყო მთავარი სირთულე და რამ გაგაოცათ უცხო ქვეყანაში?
- გერმანიაში პირველად მივხვდი იმას, რომ უბრალოება ბედნიერებისთვის არის ცხოვრების მთავარი ხიბლი და გასაღები. ეს არის ქვეყანა, სადაც ფასდება შრომა და დისციპლინა... როგორც ქართველს, ძალიან გამიჭირდა, მაგრამ ვცდილობ, ამ რიტმს ავყვე... მინდა, მივმართო ყველა იმ ადამიანს, ვისაც ამა თუ იმ გარემოების გამო უწევს ოჯახთან და ქვეყანასთან განშორება, გაძლიერდნენ, არ დანებდნენ, იცხოვრონ პოზიტივით და გაუფრთხილდნენ საკუთარ თავს.
- "სიცილი“ შველის ყველა დარდს - ეს გიწერიათ გვერდზე, რაც იმას ნიშნავს, რომ იუმორით და ღიმილით შველით საკუთარ სადარდებელსაც?
- ცხოვრება არის ბრძოლა და ჩემი იარაღი არის ღიმილი…
- ვინაიდან პოლიტიკური ელფერის სკეტჩებიც გაქვთ - გვითხარით, ამ ეტაპზე როგორ ჩანს საქართველო გერმანიიდან?
- ვისურვებდი, რომ ქართველები სათანადოდ ვაფასებდეთ ჩვენს ლამაზ სამშობლოს, შეგვეძლოს ერთიანობა და ვიბრძოდეთ თავისუფლებისთვის…
- როდის აპირებთ დაბრუნებას და სამომავლოდ რა გეგმები გაქვთ?
- მინდა, ვიცხოვროთ ისეთ საქართველოში, სადაც ხვალინდელი დღის არ შეგვეშინდება და ყველა ემიგრანტი სამშობლოს დავუბრუნდებით. სიყვარულს გითვლით თქვენი "ინეზაშკა“ შუა ბერლინიდან.
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საუკეთესოო ხარ ..ასე გააგრძელეე სულმოუტქმელად ველი ახალს.. წარმატებებიი ძალიან ნიჭიერი ჭკვიანი ადამიანი ხარ.
Შენ ძალიან ნიჭიერი და სათნო ბიჭი ხარ. Წარმატებებს გისურვებ მომავლის გზაზე. Შენ მე ყოველდღე მიხალისებ ცხოვრებას სამშობლოს მოწყვეტილს.მადლობა, რომ ხარ... Მიყვარხარ ინეე