მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
ხუთშაბათი, მთვარის მეთორმეტე დღე დაიწყება 16:43-ზე, მთვარე სასწორში გადავა 11:07
თუ დღეს დახმარება გთხოვეს, უარი არ უთხრათ. კარგია მოწყალების გაღებაც; მოერიდეთ ახალი საქმეების დაწყებას, კამათს, ფულის ხარჯვას; ურთიერთობის გარჩევას. განსაკუთრებით შეყვარებულებმა; არავის გაუბრაზდეთ და გაანაწყენოთ. თუ დღეს ვინმეს გაებუტებით, მასთან შერიგება გაგიჭირდებათ; არ გირჩევთ მგზავრობასა და მოგზაურობის დაწყებას; კარგია მუშაობა ბაღში, საოჯახო საქმეების შესრულება კი სხვა დღისთვის გადადეთ; მოერიდეთ კუჭის გადატვირთვას. უპირატესობა მიანიჭეთ წყალს, წვენებს. შეამცირეთ ალკოჰოლისა და სიგარეტის დოზაც. იკვებეთ ზომიერად, არც შიმშილობაა სასურველი და არც კუჭის გადატვირთვა. ივარჯიშეთ სასიამოვნო მუსიკის ფონზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დაჭრილები იღებენ იარაღს და ისევ საომრად გადიან" - რას ჰყვება მებრძოლი "აზოვსტალიდან", რომელმაც ბომბების ქვეშ შეასრულა "ევროვიზიის" გამარჯვებული სიმღერა
12:50 / 16-05-2022
მარიუპოლის მეტალურგიული გიგანტის, კომბინატ "აზოვსტალის" ტერიტორიაზე, რომელსაც ორ თვეზე მეტია იცავენ უკრაინელი მებრძოლები პოლკ "აზოვიდან" და საზღვაო ქვეითთა 36-ე ბრიგადიდან, კვლავ უმძიმესი ბრძოლები მიმდინარეობს. მარიუპოლის მერის მრჩეველმა პეტრო ანდრიუშჩენკომ 15 მაისს დილას განაცხადა, რომ ოკუპანტებმა ქარხნის ტერიტორიაზე "ფოსფორის ბომბები“ ისროლეს და შესაბამისი ვიდეოც გამოაქვეყნა.
უკრაინელმა მებრძოლმა დმიტრო კოზაცკმა, რომელიც ახლა "აზოვსტალშია", ერთ-ერთი ტელევიზიის პირდაპირ ეთერში განაცხადა, რომ ქარხნის ტერიტორიაზე მყოფი 600-700 დაჭრილი ჯარისკაციდან "40-50 ადამიანი კრიტიკულ მდგომარეობაშია“ და საჭიროებს სასწრაფო ევაკუაციას.
გუშინ მედიაში გავრცელდა მებრძოლის ვიდეო, რომელშიც ჩანს, რომ დაბომბვის ფონზე, კოზაცკი "ევროვიზიის“ გამარჯვებულ უკრაინულ სიმღერას "სტეფანიას“ მღერის...
დმიტრო კოზაცკი:
- მარიუპოლის მერის მრჩეველმა განაცხადებით, თითქოს პირველად გამოიყენეს ფოსფორის ბომბები. მე კი ვიტყვი, რომ ეს არ იყო პირველი შემთხვევა. ამ საბრძოლო მასალის გამოყენების შემთხვევები ადრეც დავაფიქსირეთ და ქარხნის ტერიტორიაზე რომ გაიაროთ, მათგან შემორჩენილ კვალს დღემდე ნახავთ. ასე რომ, ეს, სამწუხაროდ, არ არის პირველი შემთხვევა.
სამწუხაროდ, ქარხნის ტერიტორიაზე თავდასხმა გრძელდება. ჩვენი მებრძოლები მაქსიმალურად იგერიებენ მტრის ყველა შეტევას. მე მჯერა ჩემი ძმების სიძლიერის, რომლებიც ჩვენი გარნიზონის დაცვას ბოლომდე შეინარჩუნებენ. ამიტომ, მჯერა, რომ მტერი აქამდე არ მოვა...
დაჭრილების ზუსტ რაოდენობას ვერ გეტყვით, რადგან მუდმივად იზრდება, ყოველდღიურად უფრო და უფრო მეტი დაჭრილია. რადგან ადგილზე ამოიწურა მედიკამენტების მარაგი, დაჭრილი ჯარისკაცების მდგომარეობა დღითიდღე უარესდება.
მათი რაოდენობა დაახლოებით 600-700 ადამიანია, ზუსტ რიცხვს მაინც ვერ გეტყვით, რადგან ჯარისკაცები, ჭრილობებით იბრძვიან, იღებენ იარაღს და ისევ საომრად გადიან. ამიტომ საკითხავია, დაჭრილებად მიიჩნევიან, თუ - არა. სამწუხაროდ, ანტიბიოტიკების ნაკლებობის გამო, ძალიან ხშირია გართულებები იმ ადამიანებში, რომლებსაც კიდურების ამპუტაცია დასჭირდათ. ჩვენი ექიმები ყველაფერს აკეთებენ, მაგრამ, სამწუხაროდ, ამ მხრივ კრიტიკული მდგომარეობაა. უხეშად რომ ვთქვათ, 40-50 ადამიანის მდგომარეობა მძიმეა.
შეზღუდული გვაქვს წყლის გამოყენება, ამიტომაც ძალიან ცოტას ვსვამთ. დღეში ერთი-ორი ჭიქა საკმარისია. სასმელი წყალი, სამწუხაროდ, უკვე ამოიწურა, ამიტომ გადამუშავებულ წყალს მხოლოდ ადუღების შემდეგ ვიყენებთ. საკვებისა და წყლის მხრივ, რთული მდგომარეობაა, ვფიქრობ, დაახლოებით ხუთი დღის დარჩა, შეიძლება ერთი კვირისაც. დღის განმავლობაში მხოლოდ ვსადილობთ, დღეში ერთხელ ვჭამთ. დღეს, მაგალითად, შვრიის ფაფა ვჭამეთ და ცოტა სტაფილო.
ძალიან მძიმე მდგომარეობაში ვართ, ამიტომ რიგ შემთხვევებში მებრძოლებს მორალის შენარჩუნება უჭირთ. მე მესმის მათი, მაგრამ ეს არ ნიშნავს, რომ ყველას აქვს ასეთი განწყობა. მე ვხედავ მებრძოლებს, რომლებიც ჯერ კიდევ მოტივირებულები არიან და სჯერათ საუკეთესო შედეგის. მაგალითად, მეც მჯერა, რომ ყველაფერი უკეთესად იქნება, ვიდრე ახლაა. ასე რომ, ნორმალურია ასეთ სიტუაციაში, ასეთ მდგომარეობაში, პესიმისტურად იფიქრო...
ჩვენ ჯერ კიდევ გვაქვს დიპლომატიური გადაწყვეტილების იმედი, რომ მოვახერხებთ მარიუპოლიდან გამოსვლას. აუცილებელია ამ დროს მესამე მხარის ჩართვა და უსაფრთხოების გარანტია. ეს საუკეთესო ვარიანტია. ჩემი სუბიექტური აზრით, ამ შემთხვევაში თურქეთი საუკეთესოა, რადგან ის არის უახლოესი ქვეყანა, რომელიც უკვე დათანხმდა ევაკუაციისთვის გეგმის მიწოდებას. ამიტომ, ვფიქრობ, ეს არის მოვლენების ყველაზე სავარაუდო შედეგი...
იხილეთ ასევე:
00:00 / 00:00
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა მოხდება იმ შემთხვევაში თუ პირი ჯარიმას არ გადაიხდის და რა ვადებს უკავშირდება მისი აღსრულება?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დღესაც აიღეს იარაღი და ვაჯკაცურად დანებდნენ მტერს! დიდება გმირებს!
უკრაინის ხელისუფლებას მოლაპარაკება არცერთ დონეზე არ აწყობს, ჭორები დადის, რომ უკრაინელები თითონაც ბომბავენ თავიანთ ობიექტებს, განსაკუთრებით რუსული მოსახლეობა სადაც არის, რომ რუსებს დაბრალდეს, ნეტა არ იყოს მართალი, მთლად გადაირივნენ მგონი.