გერმანიის საგარეო საქმეთა მინისტრის, ანალენა ბაერბოკის განცხადებით, ნატო-ს კარი ღიაა ფინეთისა და შვედეთისთვის.
ბერლინში, ნატო-ს საგარეო საქმეთა მინისტრების არაფორმალური შეხვედრის შემდეგ გამართულ პრესკონფერენციაზე ბაერბოკმა ხაზი გაუსვა, რომ აღნიშნული ქვეყნების ალიანსში გაწევრიანება ნატოს გააძლიერებს და ჩრდილოეთ ევროპის ქვეყნებს ერთმანეთთან დააკავშირებს.
"ფინეთო, შვედეთო: თუ თქვენ მზად ხართ, ჩვენც მზად ვართ“, - განაცხადა გერმანიის საგარეო უწყების ხელმძღვანელმა.
მისი თქმით, ნატო ახლა ისეთი „მნიშვნელოვანი“ და „რელევანტურია“, როგორც არასდროს და რომ ალიანსი მნიშნელოვანია ყველას თავისუფლებისა და უსაფრთხოებისთვის.
