მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ ვინმეს ამ ტკივილის რაიმე გაეგება, ერთ-ერთი მე ვარ და ჩემი ოჯახი... არ გკადრებ, არ გაგამხნევებ" - პოეტი ტარიელ ხარხელაური ნიკა წულუკიძეს
21:58 / 13-05-2022
პოეტი ტარიელ ხარხელაური ტელეწამყავნ ნიკა წულუკიძის ოჯახის უდიდეს ტრაგედიას ეხმიანება და სოციალურ ქსელში წერილს აქვეყნებს, რომელსაც თან ორი ლექსი აქვს დართული:
"ჩემო ნიკა!
ვიცი, შვილო, ეჭვი არ გეპარება, თუ როგორ განვიცდი შენი და შენი ოჯახის მძაფრსა და შემზარავ ტკივილს. ეს ლექსი შენს გასამხნევებლად არ დამიწერია, რადგან კარგად ვიცი - ყველანაირი გვერდში დგომა და გამხნევება უძლურია, უსუსურია იმ განცდებთან შედარებით, რასაც ამჟამად შენ და შენი ოჯახი გრძნობთ. ამ ლექსის დაწერაც იმიტომ გავბედე, რომ თუ ვინმეს ამ ტკივილის რაიმე გაეგება, ერთ-ერთი მე ვარ და ჩემი ოჯახი...
არ გკადრებ, არ გაგამხნევებ,
არც სიმშვიდეს გთხოვ სულისას,
შენს თავს შენ უნდა უწამლო - წამალს სხვას ნუ სთხოვ წყლულისას,
ბინდისფერობამ სოფლისამ
დღე მრავალს გადაუნისლა,
მეც ამ ტკივილმა დამიდნო
თხელი კედლები გულისა,
დამლია წუთისოფელმა,
ამღვრევამ სიყვარულისამ...
მოვთქვამ, ასეთმა ამინდმა
ლამის ჭკუიდან შემშალოს,
გადმოდი, მოვთქვამ ძილშიაც -
ცრემლო! თვალებთან შემშრალო,
ერთსა გთხოვ მამა-შვილურად -
მზე მაგ გულში არ შეცვალო!
მტერს ლაღი უნდა ეგონო -
ტკივილით მიწის მკბეჩავო...
დრო სიმღერას გთხოვს? იმღერე!
ჯავრმა არ გაგაბეჩავოს.
შვილო! ჭრელია საწუთრო,
ზნეს არ დაიგდებს თავისას,
ბევრჯერ აგიშლის გონებას
ჩქამი სულეთის კარისა,
ბევრჯერ ცრემლებით დაჰხვდები
ცაზე გადმოსვლას მთვარისას,
ბევრჯერ აჰხედავ ეჭვითა ზნეს
უფლის სამართალისას...
უნდა იბრძოლო!
სიკვდილთან შეკვრა არ გმართებს ზავისა,
არცა გთხოვ გვერდის აქცევას
მთიდან მომსკდარი ზვავისას,
ცრემლისთვის ღამე დაზოგე -
დღე რომ აბჯარი აისხა!..
ტარიელ ხარხელაური, რომელსაც შვილივით უყვარხარ და ცრემლიანი თვალებით შემოგყურებს.
როცა ძალიან გამიჭირდა, საშველი სხვა რომ ვერა ვნახე რა, სიკვდილის გარდაცვალება წარმოვიდგინე და თუ როგორ, ამაზეც ლექსად მინდა გაგესაუბრო
:ჩაქრნენ ვარსკვლავნი, ზეცა იცვლება, ცვარი ეღვრება ციდან იელებს,
ვეღარც მზის მოსვლით ვერ შეივსება ეს შემზარავი სიცარიელე...
კლდეებს ნაწყლულევთ ნისლით ვუხვევდი, ცაო! როგორ მღლი შენი უფლობით,
წუხელ სიკვდილი მეწვა მუხლებზე და, მე და მთვარე ვჭირისუფლობდით"
ცნობილი ტელეწამყვანის ნიკოლოზ წულუკიძის ოჯახში უდიდესი ტრაგედია დატრიალდა. მისი 2 წლის შვილი მაღალსართულიანი კორპუსის ფანჯრიდან გადავარდა და დაიღუპა..ცნობისთვის, წლების წინ ტარიელ ხარხელაურსაც დაეღუპა შვილი. მისი ვაჟი მოკლეს, ის 23 წლის იყო.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უფალო იესო მხნეობა და გამძლეობა მიეცი ნიკა წულუკიძეს. ოღონდ ჩემი ყველაზე დიდი თხოვნაა შვილებს ნუ მოუკლავ მშობლებს, არა, შენ არ კლავ უფალო... შვილები უცოცხლე მშობლებს, ეს არ უნდა ხდებოდეს კეთილო ღმერთო, ეს ამქვეყნიური ჯოჯოხეთია, ეს უდიდესი გაუნელებელი ტანჯვაა ....
ბატონო ტარიელ ქედს ვიხრი თქვენს წინაშე..