მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვინ იყო პუტინის ფავორიტი ქალის ქართველი შეყვარებული, ვისზე დაქორწინებასაც აპირებდა - ალინა კაბაევას ვნებიანი რომანი ქუთაისელ დავით მუსელიანთან
12:25 / 12-05-2022
ვლადიმერ პუტინის ფავორიტ ქალს, ცნობილ რუს ტანმოვარჯიშე ალინა კაბაევას მედია კარგად იცნობს, მასზე, უკრაინაში დაწყებული ომის შემდეგ, მსოფლიო გამოცემებიც აქტიურად წერენ, თუმცა ალინას არც ომამდე აკლდა პოპულარობა.
ამჯერად მის ქუთაისელ დავით მუსელიანთან სასიყვარულო ურთიერთობაზე მოგიყვებით, რომელსაც ქალი 2000-2006 წლებში ხვდებოდა და წყვილზე რუსული მედია ხშირად წერდა.
ალინა კაბაევა 15 წლით უფროს პოლიციის კაპიტანს 1998 წელს შეხვდა, იმჟამად დავითი მოსკოვის ერთ-ერთ ოლქში პოლიციის განყოფილების უფროსის მოადგილედ მუშაობდა და დაოჯახებული იყო. მათი ურთიერთობა მალე დიდ სიყვარულში გადაიზარდა, მაგრამ ცნობილი ტანმოვარჯიშე ამ რომანს საგულდაგულოდ მალავდა.
დავით მუსელიანი ქართველია, დაიბადა და გაიზარდა ქუთაისში მრავალშვილიან ოჯახში (ხუთი ძმა და და). მას მედიაში უფრო შალვა მუსელიანის სახელით იცნობენ. განათლება მშობლიურ ქალაქში მიიღო და საცხოვრებალდ მოსკოვში გადავიდა. რუსეთის მოქალაქეობის მიღების შემდეგ, მუსელიანმა სამსახური პრესნენსკოეს პოლიციის განყოფილებაში იპოვა და პერსონალის განყოფილების უფროსად დაინიშნა.
ცნობილია, რომ დავით მუსელიანი ახალგაზრდობაში სპორტით იყო გატაცებული და სერიოზულ კარიერაზე ოცნებობდა, თუმცა მისგან მოკრივე არ გამოვიდა. რუსული მედიის თანახმად, ალინა კაბაევასთან შეხვედრისას ქალის სპორტული მიღწევების თაობაზე დავითს წარმოდგენა არ ჰქონდა. როგორც მოგვიანებით აღიარებდა, - ის ქალის ღიმილმა და მისმა უშუალობამ მოხიბლა.
წყვილი ერთმანეთს მეგობრის წვეულებაზე შეხვდა და უბრალო ნაცნობობა ვნებიანი რომანით გაგრძელდა, რომელსაც გარკვეული დროის მერე, ალინა კაბაევა აღარც უმალავდა ჟურნალისტებს. ქალი იმდენად იყო ქართველ მუსელიანზე შეყვარებული, რომ ამას მისი მკაცრი მწვრთნელი ელენა ვინერიც კი შეეგუა და ქალს პაემნებზე სიარულის უფლებას აძლევდა.
დავით მუსელიანი ახალგაზრდა შეყვარებულს საბერძნეთში ოლიმპიადაზეც ახლდა და დაბრუნებისთანავე შესთავაზა ერთად ცხოვრება. შეყვარებულებმა ქორწილისთვის მზადებაც კი დაიწყეს, მაგრამ ოფიციალურად არასოდეს დაქორწინებულან.
"რა თქმა უნდა, დაქორწინება ზამთარში ან გაზაფხულზე შეიძლებოდა, მაგრამ არ მინდა აჩქარება, - ამბობდა ჩემპიონი Life-თან ინტერვიუში, - დიდი სპორტიდან საბოლოო წასვლამდე, მინდა, მონაწილეობა მივიღო ჩემთვის ძალიან მნიშვნელოვან შეჯიბრებებში, მაგალითად, ტურნირზე იაპონიაში. შემდეგ კი, ყოველგვარი ზედმეტი ნერვიულობის გარეშე, მოვემზადები დღესასწაულისთვის. მე და დავითი მოუთმენლად ველით ამ დღეს!“
ოლიმპიადიდან დაბრუნების შემდეგ, მშვენიერ ალინაზე ვნებიანად შეყვარებულმა 35 წლის დავით მუსელიანმა ის საცხოვრებლად მოსკოვის ცენტრში მდებარე თავის ბინაში მიიწვია. ახალგაზრდა ქალმა, მშობლების თხოვნის მიუხედავად, არ დაერღვია ოჯახური ტრადიცია და მხოლოდ ოფიციალური ქორწინების მერე გადასულიყო შეყვარებულთან საცხოვრებლად, ჩემოდანი ჩაალაგა, მშობლებს ბოდიში მოუხადა და "ქუთაისელ პრინცთან" გაიქცა. ქალი ამბობდა, რომ საყვარელი მამაკაცი მხოლოდ "ჩემო ტკბილო" და "ჩემო საყვარელოთი" მიმართავდა.
ახლობლები იხსენებდნენ, რომ ისინი ყოველ საათში ურეკავდნენ ერთმანეთს, კაბაევა ყველაფერს ტოვებდა, რათა ერთი წუთით მაინც ენახა საყვარელი მამაკაცი, რომელსაც მისი თქმით, ჰოლივუდური გარეგნობა და არისტოკრატული მანერები ჰქონდა.
ისიც ხშირად აკითხავდა შეყვარებულს სამსახურში. "ჩვენი ალინკა მოვიდა!" - ხუმრობდნენ პოლიციელები.
2006 წელს ალინა კაბაევამ ოფიციალურად გამოაცხადა, რომ დავითს დაშორდა, მაგრამ აღიარა, რომ ისინი კარგ მეგობრებად დარჩნენ.
რუსულ მედიაში წერდნენ, რომ წყვილის დაშორების მიზეზი გახდა მსახიობი ანა გორშკოვა, რომელიც ტელენოველა "საბრალო ნასტიას“ შემდეგ გახდა ცნობილი. ის გლეხ ქალს, პოლინას თამაშობდა. სწორედ მისით დაინტერესდა ტემპერამენტიანი დავით მუსელიანი, რის მერეც კაბაევას დაშორდა, ამის შესახებ იმჟამინდელი რუსული მედია აქტიურად წერდა. მოგვიანებით დავითი ალინასთან ისევ დაბრუნდა, მაგრამ ურთიერთობა ვეღარ შედგა.
ერთ-ერთი ვერსიით, წყვილის დაშორების მიზეზი მუსელიანის ოჯახი გახდა. ალინა კაბაევამ შეიტყო, რომ მისი საყვარელი მამაკაცი ოფიციალურად იყო დაქორწინებული მასზე 4 წლით უფროს ოლგაზე, რომელთანაც ერთი ქალიშვილი - ნანა მუსელიანი ჰყავდა.
პოლიციის კაპიტანმა 2000-იან წლებში საყვარელ ქალს ძვირადღირებული "მერსედესი" აჩუქა, იმჟამად მედია წერდა, რომ მუსელიანს ამდენი ფული არ ჰქონდა და კაბაევამ რეალურად საკუთარ თავს უყიდა მანქანა და მედიასთან საჩუქრად გაასაღა.
ალინასთან დაშორების შემდეგ დავით მუსელიანმა სამართალდამცავი ორგანოები დატოვა და კერძო ბიზნესში გადაინაცვლა. ამბობენ, რომ მოსკოვში საკუთარი მაღაზიაც კი გახსნა. შეყვარებული ქართველის პირადი ცხოვრების შესახებ მას შემდეგ არაფერია ცნობილი.
ალინათი კი პრეზიდენტი პუტინი დაინტერესდა, რის მერეც მათი სასიყვარულო ურთიერთობა ათასგვარი ტყუილ-მართლის საფუძვლად იქცა. ერთ-ერთი ვერსიით, პუტინს ალინასთან შვილებიც ჰყავს.
იხილეთ ასევე:
მკითხველის კომენტარები /
21 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აი თურმე ვის ბაძავს მიჰა მრავალცოლიანობაში და ბავშვების კეთებაში. თუ ყველა დიქტატორი ერთნაირია.
აი თურმე რისი ბრალი ყოფილა 2008 წლის აგვისტო.