მაიკ ტაისონმა თვითმფრინავში მგზავრი სცემა - "მოკრივეს წყლის ბოთლი ესროლა, რის შემდეგაც მან თავი ვეღარ გააკონტროლა" (ვიდეო)
ყოფილმა მძიმეწონოსანმა მოკრივემ, მაიკ ტაისონმა თვითმფრინავში მგზავრს სცემა. ამის შესახებ დასავლური მედია წერს და დამადასტურებელ ვიდეოსაც ავრცელებს, სადაც ჩანს, თუ რა გამეტებით ურტყამს ვეტერანი სპორტსმენი მამაკაცს.
მოკრივის პრესსპიკერის განცხადებით, ტაისონი წყობიდან მას შემდეგ გამოვიდა, რაც მგზავრმა მას წყლის ბოთლი ესროლა.
მისი თქმით, ინციდენტი მოხდა "აგრესიულ მგზავრთან, რომელიც ტაისონს ავიწროებდა." დაკავებული ამ დროისთვის არავინაა და არც ნაცემი მამაკაცის სიცოცხლეს არ ემუქრება საფრთხე.
ჩხუბის ამსახველი ვიდეო TMZ-მ გამოაქვეყნა. ვიდეოში არ ჩანს თუ რის გამო დაიწყო ჩხუბი და ის არ ასახავს მთლიან კონფლიქტს, ასევე არსად ჩანს არც წყლის ბოთლი.
<blockquote class="twitter-tweet"><p lang="en" dir="ltr">See the moment Mike Tyson beat down an airplane passenger ... footage obtained by <a href="https://twitter.com/TMZ_Sports?ref_src=twsrc%5Etfw">@TMZ_Sports</a> <a href="https://t.co/5qCbOdxP31">https://t.co/5qCbOdxP31</a> <a href="https://t.co/Bf7zmyiux6">pic.twitter.com/Bf7zmyiux6</a></p>— TMZ (@TMZ) <a href="https://twitter.com/TMZ/status/1517251495242002432?ref_src=twsrc%5Etfw">April 21, 2022</a></blockquote> <script async src="https://platform.twitter.com/widgets.js" charset="utf-8"></script>TMZ-ის ცნობით, ტაისონი ფრენის დასაწყისში მამაკაცს სურათის გადაღებაზე დასთანხმდა, მაგრამ ამ უკანასკნელმა მოკრივის შევიწროება განაგრძო, მიუხედავად ტაისონის თხოვნისა, რომ დამშვიდებულიყო და მისთვის თავი დაენებებინა.
ტაისონისთვის უცხო არ არის ძალადობა არც რინგზე და არც რინგის მიღმა. 1992 წელს ის გაასამართლეს გაუპატიურების ბრალდებით და სამი წელი ციხეში გაატარა. 1997 წელს დისკვალიფიცირებული იყო სპორტიდან იმის გამო, რომ ბრძოლის დროს მოწინააღმდეგეს ყურზე უკბინა.