მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"იძირება გემი, მაგრამ ყველაფერი რიგზეა - მაშინ რომ არ დამეწერა, ახლა დავწერდი" - რას ამბობს ტექსტის ავტორი ცნობილ სიმღერაზე, რომელიც "მოსკოვის" ჩაძირვისას გაახსენდათ?
20:28 / 14-04-2022
13 აპრილს რუსეთის შავი ზღვის ფლოტის სარაკეტო კრესიერ "მოსკოვს" უკრაინული "ნეპტუნის" ორი რაკეტა მოხვდა და ცეცხლში გაეხვა... ამ ამბავმა ბევრს ცნობილი სიმღერის ტექსტი - "იძირება გემი, მაგრამ ყველაფერი რიგზეა" გაახსენა, რომელსაც მომღერალი მანანა თოდაძე ასრულებდა. მეტიც, სოციალურ ქსელში ცეცხლმოკიდებული გემის კადრები გამოჩნდა, რომელსაც ფონად სწორედ ეს სიმღერა ჰქონდა. ვიდეო ვირუსულად გავრცელდა...
გემის ჩაძირვის ამბავს "ფეისბუკის" საკუთარ გვერდზე ამ სიმღერის ტექსტის ავტორიც, მუსიკოსი, ფილოლოგი თინა ნაცვლიშვილიც გამოეხმაურა.
"ბნელ 90-იანებში კომპოზიტორ ბორის შხიანს დავუწერე ტექსტი სიმღერისთვის, რომელიც შემდგომ წარმატებით მანანა თოდაძემ შეასრლა. ახლა მომხვდა ხელში ეს ლექსი და... ალბათ მაშინ რომ არ დამეწერა ახლა ნამდვილად დავწერდი" - წერდა ქალბატონი თინა და იქვე ლექსსაც ახსენებდა საზოგადოებას.
AMBEBI.GE ტექსტის ავტორს, თინა ნაცვლიშვილს დავუკავშირდა:
- 90-იან წლებში კომპოზიტორ ბორის შხიანსა და პოპულარულ მომღერალ მანანა თოდაძეს ჰქონდათ ფირმა "პრესტიჟი", რომელმაც დიდი როლი შეასრულა ქართული შოუბიზნესის განვითარებაში. ტარდებოდა კონცერტები, კონკურსები, მუშაობდა საბავშვო სტუდია, სადაც ბევრი ცნობილი მომღერალი აღიზარდა. მეც ვმუშაობდი "პრესტიჟში". მოგეხსენებათ, ეს იყო უმძიმესი პერიოდი, რამაც ყველას სულს რაღაც ჭრილობა მაინც დაამჩნია...
თავად ამ სიმღერის დაწერას კი ასეთი ამბავი უძღოდა - 1992 წლის ზამთარი იყო, სოლოლაკში, ოფისის გათბობის ერთადერთი საშუალება ნავთქურა გახლდათ, რომლის გახსენებაზეც ტანში ჟრუანტელი მივლის... იმ დროს შეიქმნა ჩემი და ბორისის შემოქმედებითი დუეტი. ის ქმნიდა მელოდიებს და მე ტექსტებს ვუწერდი... ერთ დღესაც, როცა ნავთქურასთან "ჩახუტებული" გაყინულ ხელებს ვითბობდი, ბორისი მოვიდა, ჩამოჯდა და ავლაპარაკდით ყოველდღიურ თემებზე - პოლიტიკური სიტუაცია, საყოფაცხოვრებო პრობლემები...
ერთი უცნაური ჩვევა მქონდა: ფანქარი ან პასტა მუდმივად ხელში მეკავა და რაიმე საინტერესო იდეა ან ფრაზა თუ გამიელვებდა, ბლოკნოტში ვიწერდი. ბორისი რომ მოვიდა, ფიქრით იმ არეულ ქვეყანაში ვიყავი გადავარდნილი და ამეკვიატა ჩასაძირად გამზადებული გემის ტრაგიკომედიული სიუჟეტი. კიდეც ვუთხარი, - მგონი, ჩვენც ვიძირებით-მეთქი და მანაც დაუმატა - "მაგრამ ყველაფერი რიგზეაო". უცებ, ავვარდი და ერთი სულისმოთქმაზე ლექსი დავწერე, რომელზეც შხიანმა სიმღერა მანანა თოდაძესათვის სასწრაფოდ შექმნა. ამ სიმღერამ თავიდანვე დიდი პოპულარობა მოიპოვა.
- სიმღერა კი იყო პოპულარული, მაგრამ სარკასტული ტექსტის გამო მაშინდელი ხელისუფლება ხომ არ გაღიზიანდა?
- სიმღერამ დაიპყრო ტელეარხები და საკონცერტო სცენა. გრიგოლ ჩიგოგიძემ "პიონერფილმთან" ერთად კლიპიც კი გადაიღო. ყველასათვის გასაგები იყო, რომ მე და ბორისმა "ფსკერზე გავუშვით“ სსრკს-ს გემი, მაგრამ რატომღაც არავინ ჩაგვძიებია ბოლომდე. მოგეხსენებათ, ეს იყო წლები, როცა საქართველო ეძებდა ადგილს დასამკვიდრებლად. რამდენი ადამიანიც იყო, იმდენი აზრი არსებობდა. რატომღაც მგონია, რომ მაშინ არ ვიყავით მზად დამოუკიდებლობისათვის... ერთია - სურვილი, მაგრამ მეორე და მთავარი კი სიტუაციის სწორად აღქმაა. ჰო, კიდევ ერთსულოვნებაა საჭირო, რაც ზოგჯერ გვღალატობს...
- როდესაც რუსების ცნობილი და მათთვის საამაყო გემი "მოსკოვი" უკრაინელებმა გაანადგურეს, ბევრს სწორედ ეს სიმღერა გაახსენდა...
- გუშინ, როცა რუსების სიამაყე, "მოსკოვი" ჩაიძირა, ოჯახში სიცილით დაიხოცნენ - კუდიანი ხომ არ იყავი, მაგ ლექსს რომ წერდიო. კი, ვაღიარებ, რომ ლექსი ნამდვილად პოლიტიკური სარკაზმია, მაგრამ 30 წლის წინ რომ "გემში ვისხედით", ის გემი დიდი ხანია, ჩაიძირა და მალე ფსკერზე აღმოჩნდება "რუსული აკვარიუმი!"
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
იუსტიციის სამინისტრო გარდაცვლილ პატიმარ იოსებ გორგაძესთან დაკავშირებით ვიდეომასალებს ასაჯაროებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
