მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მღვდელს, რომელმაც გუშინ "ალტ-ინფოს" პარტიის ოფისი აკურთხა და პრორუსული განცხადებები გააკეთა, მღვდელმსახურების უფლება შეუჩერეს
15:03 / 13-04-2022
მღვდელ ვახტანგ თოხაძეს, რომელიც გუშინ მედიის ყურადღების ცენტრში საკუთარი პრორუსული განცხადებების გამო მოექცა, მღვდელმსახურების უფლება დროებით შეუჩერეს. ინფორმაციას შემოქმედის ეპარქიის პრესმდივან მამა ბასილ გოგოტიშვილზე დაყრდნობით ვებპორტალი "ბათუმელები" ავრცელებს. ჩვენ შევეცადეთ აღნიშნულ საკითხზე საპატრიარქოს საზოგადოებასთან ურთიერთობის სამსახურის ხელმძღვანელს, ანდრია ჯაღმაიძეს გავსაუბრებოდით. მან ინფორმაცია არც დაადასტურა და არც უარყო და გვირჩია, შემოქმედის ეპარქიისთვის მიგვემართა, თუმცა ეპარქიაში ჯერჯერობით ჩვენს ზარებს არ პასუხობენ.
აღსანიშნავია, რომ შემოქმედის ეპარქიის მიტროპოლიტი იოსები აცხადებდა, რომ თუ მამა ვახტანგი "ალტ-ინფოს“ მხარში ამოუდგებოდა, მღვდლობა შეუჩერდებოდა.
"თუ დადასტურდა ეს ინფორმაცია, რომელსაც მამა ვახტანგი უარყოფს, მღვდლობა შეუჩერდება. უკვე ვესაუბრე მას ამის შესახებ. თქვენ იცით ჩემი დამოკიდებულება ოკუპანტ რუსეთთან დაკავშირებით, უკვე ბევრჯერ გავაკეთე განცხადება ამის შესახებ და თუ მამა ვახტანგი მხარში ამოუდგება ალტ.ინფოს საქმიანობას, აუცილებლად იქნება მიღებული შესაბამისი გადაწყვეტილება, მე მას ვესაუბრე და გავაფრთხილე სამღვდელოებასთან ერთად”, - თქვა მიტროპოლიტმა "TV პირველთან”.
თუმცა, როგორც ჩანს, მამა ვახტანგმა არ გაითვალისწინა მასზე იერარქიულად მაღლა მდგომი სასულიერო პირის მითითება და მაინც "ამოუდგა მხარში" "ალტ-ინფოს".
მან გუშინ ოზურგეთში "ალტ-ინფოს" პარტია "კონსერვატიული მოძრაობის" ოფისი აკურთხა, რის შემდეგაც ჟურნალისტებთან რუსეთთან ურთიერთობის საჭიროებაზე ისაუბრა და პუტინის დაცვას შეეცადა.
"ომის დროს ქალებს ყველგან კლავენ და აუპატიურებენ, რა შუაშია პუტინი?" - თქვა მან.
გურიაში "ალტ-ინფოს" ოფისის გახსნის თაობაზე, ბოლო პერიოდში, სამოქალაქო აქტივისტებსა და პრორუსულად განწყობილ პირებს შორის დაპირისპირება არაერთხელ მოხდა.
გუშინ, ოზურგეთელმა ხანშიშესულმა ქალბატონმა ცისანა ხუჭუამ "კონსერვატიულ მოძრაობას“ სახლი საოფისედ მიაქირავა. სწორედ ეს მოვლენა აკურთხა მღვდელმა ვახტანგ თოხაძემ. მალევე, ახლადგახსნილ ოფისთან სამოქალქო აქტივისტები მივიდნენ და პროტესტი გამოთქვეს.
ამ საკითხთან დაკავშირებით ხმაური დღესაც იყო ოზურგეთში. ცისანა ხუჭუას შვილიშვილმა ილია თაყაიშვილმა, სახლის კედლიდან პრორუსული პარტიის აბრა ჩამოხსნა და ეზოს ჭიშკარზე საქართველოსა და უკრაინის დროშები გადმოფინა.
ახალგაზრდამ აღნიშნა, რომ ის არ ემხრობა "რუსულ სისასტიკეს" და მხარს უჭერს უკრაინას. მისივე თქმით, პრორუსული პარტიის წარმომადგენლებმა მისი ბებია შეცდომაში შეიყვანეს.
მკითხველის კომენტარები /
42 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თუ ალტ ინფო მავნებლურ ორგანიზაციად ითვლება, ოფიციალურად რატომ დაურეგისტრირეს პარტია, თუ არადა, მაშინ მამაოს რატომ სჯიან? ლოგიკა სადაა?
ძალიან საშიში ტენდენციაა სასულიერო პირი ეკლესიიდან განკვეთო თავისი საქმის გაკეთებისთვის... მღვდელი არ ანსხვავებს ადამიანებს პარტიისა და დანაშაულების მიხედვით! ხვალ პუტინმა რო თხოვოს აღსარება თუ ნამდვილად მღვდელია იმასაც არ უნდა უთხრას უარი. სასულიერო პირის მთავარი იარაღი ლოცვაა და თუ ადამიანი (თქვენი აზრით ამ შემთხვევაში ალტინფო) აცდენილია გზას მისი სახლისა თუ სამსახურის კურთხევა სწორედაც რომ ღვთიური საქმეა. სასულიერო პირები და ეპისკოპოსები კი პოლიტიკაში არ უნდა ერეოდნენ და იმედი მაქვს საპატრიარქო პასუხს მოთხოვს ამ ეპისკოპოსს. აქ ასევე საგულისხმოა რომ ჯერ არავის დაუდასტურებია ეს ინფორმაცია და ამდენ ხალხს გვალაპარაკებთ უაზროთ! ეს საიტიც ჭორბიურო გახდა...სამწუხაროდ. და კიდევ ერთი: რაც არ უნდა გაღიზიანებდეთ სხვისი აზრი, თუ დემოკრატია და ევროპა გინდათ სიტყვის თავისუფლებას უნდა სცეთ პატივი. გრიშა ონიანს რატო არ დასდევთ და სახლში არ უვარდებით? ხმის ჩახშობას და ეკლესიიდან მამაოების გაყრას თავისი საქმის კეთებისთვის ფაშისტები და კომუნისტები ცდილობდნენ და როგორც დაამთავრეს კი ნახეთ...