11
მაისიდღის ზოგადი ასტროლოგიური პროგნოზი
რამდენიმე დღის წინ გავრცელებული ინფორმაციის თანახმად, რუსეთის პრეზიდენტმა ვლადიმირ პუტინმა, უკრაინაში ომის ახალ ფაზაში გადასაყვანად, ახალი მეთაური დანიშნა. ალექსანდრ დვორნიკოვს ანტიკრემლისტური რუსული მედია (და არამხოლოდ) სისხლიან გენერალს უწოდებს.
მათივე ცნობით, დვორნიკოვმა მნიშვნელოვანი საომარი გამოცდილება შეიძინა ჯერ ჩეჩნეთში, შემდეგ კი სირიაში ომის დროს, სადაც რუსეთის ჯარების ხელმძღვანელობდა.
"ფოტო და ვიდეო მასალა, რომელიც დვორნიკოვის მოქმედებების შედეგად ამ ქვეყნებიდან ვრცელდებოდა, ვერანაირ საერთაშორისო კრიტიკას ვერ უძლებდა, თუმცა, ის პუტინმა რუსეთის წინაშე ჩადენილი განსაკუთრებული ღვაწლისთვის რუსეთის გმირის ორდენით 2016 წელს სირიიდან დაბრუნების შემდეგ, კრემლში დააჯილდოვა..." - წერდა მაშინ ანტიპუტინისტური მედია, რომელიც უკრაინაში ომის დაწყების შემდეგ, კრემლმა დაბლოკა.
"სირიელი ჯალათი " - ასე ახასიათებს მას გამოცემა detaly.co.il, რომლის ცნობითაც, ის სირიაში დაუნდობლად, ხორცსაკეპ მანქანაში ატარებდა მშვიდობიან უიარაღო მოსახლეობას.
"შესაბამისად, მას მუდმივად ადანაშაულებდნენ კაცობრიობის წინააღმდეგ ჩადენილ დანაშაულებში..." - წერს გამოცემის ჟურნალისტი ალექსანდრა აპელბერგი.
მისივე ცნობით, 60 წლის გენერალი ძველი რუსული სამხედრო სკოლის მოსამსახურედ ითვლება, რომელიც საბჭოური დოქტრინით არის აღზრდილი. ის მშვიდობიანი მოსახლეობის და ობიექტების განადგურებას ბრძოლის ველზე მიზნის მისაღწევად აუცილებელ საშუალებად აღიქვამს.
Washington Post-თან საუბარში, ლონდონის უნივერსიტეტის საპატიო პროფესორი მარკ გალეოტი ამბობს, რომ დვორნიკოვს რუსეთის გენშტაბის უფროსის, ვალერი გერასიმოვის ადგილის დაკავების პრეტენზია აქვს.
"ახლა კი, პუტინისთვის თავის მოსაწონებლად სწორედაც კარგი დროა" - წერს დასავლური მედია.
მათი ცნობით, 1982 წლიდან ის დაუნდობლად მიიწევდა წინ სამხედრო კარიერის გასაკეთებლად. მისი სისასტიკით გამორჩეული საქმეები მოიცავს ჩეჩნეთის მეორე ომს, შემდეგ კი სირიას, სადაც ის რუსეთის შეიარაღებული ძალების მეთაურად დაინიშნა.
"2015 წელს, დვორნიკოვმა, ასადის მხარდაჭერით, იდლიბის ჩრდილო-აღმოსავლეთით ავიაბაზა გახსნა, საიდანაც მთელ იდლიბს, ზოგადად სირიის სხვადასხვა ქალაქებს, მათ შორის უკვე მიწასთან გასწორებულ ალეპოს უტევდა. მის "დამსახურებებს" შორის არის, ხმეიმის ბაზიდან განხორციელებული ავიადარტყმები საავადმყოფოებზე, სკოლებზე, პურის რიგებში მდგომ ადამიანებზე... თუმცა, მისი ბაზიდან უკრაინაში გადასროლილი არაერთი სამხედრო პილოტისთვის, რომლებმაც გამოცდილება სირიაში მიიღეს, უკრაინაში საბრძოლო გაფრენა უკანასკნელი აღმოჩნდა..." - წერს გამოცემა detaly.co.il
დაუსჯელი სამხედრო დამნაშავე...
Associated Press-თან საუბარში სირიის არმიის ვიცე-პოლკოვნიკი ალ-ბაიუში ამბობს, რომ დვორნიკოვი სამხედრო დამნაშავეა.
"სირიისა და უკრაინის ომები სრულიად განსხვავებულია, რადგან სირიაში რუსეთმა ძალზე მცირე ადამიანი დაკარგა, უკრაინაში მიღებული დანაკარგის დამალვას კი, პროპაგანდისტული მანქანებითაც ვერ ახერხებენ, მაგრამ მიწის გადაწვის მხრივ მას უდიდესი გამოცდილება აქვს და ალბათ, იგივე ხაზით იმოქმედებს" - ამბობს ალ-ბაიუში.
ამერიკელი გენერალი, ავღანეთში ნატოს შეიარაღებული ძალების ყოფილი მეთაური დევიდ პეტრეუსი მიიჩნევს, რომ რუსეთი ყველა გზით შეეცდება ისეთი მიღწევები მაინც ჰქონდეს, რომ 9 მაისის გამოსვლისთვის, თანამედროვე რუსეთისთვის იდეოლოგიურად ყველაზე მნიშვნელოვანი თარიღისთვის მოემზადოს და ამ დღეს "გამარჯვება" დაარქვას. ამიტომ, ახალი გენერლის პირობებში ის ძირითადად მშვიდობიან მოსახლეობაზე თავდასხმებზე გადაერთვება.
obozrevatel.com-ის ცნობით, დვორნიკოვი სირიაში პირდაპირ გასცემდა მშვიდობიანი მოსახლეობის დახოცვის ბრძანებას. გამოცემის ცნობით, რუსი პუბლიცისტი ანდრეი პიონტოკოვი არაერთხელ საუბრობდა მშვიდობიან მოსახლეობაში დვორნიკოვის ჩადენილ სისასტიკეებზე, მათ შორის 24 канал-თან.
პიონტკოვსკის თქმით, ის აუცილებლად კანონით დაისჯება და ამ საქმეს დიდებული უკრაინელი სამხედროები განახორციელებენ. საბოლოოდ ვერც ერთი სამხედრო დამნაშავე ვერ გაექცევა სასჯელს...
"რუსეთს უკრაინაში ვერც ჯალათი დვორნიკოვი გადაარჩენს..."
კიდევ ერთი ამერიკელი სამხედროს, ამერიკის ნაციონალური უსაფრთხოების საკითხებში მრჩევლის ჯეიკ სალივანის თქმით, უკრაინაში მიმდინარე ომი სრულიად განსხვავებულია ჩეჩნეთისა და სირიისგან, შესაბამისად სრულიად შესაძლებელია ახალი მეთაურის დანიშვნამ "ომს რუსეთისთვის კიდევ უფრო დრამატული მიმდინარეობა მისცეს".
"...რადგან რუსეთმა უკრაინაში უკვე სტრატეგიული მარცხი განიცადა და ეს ფაქტია. ეს გენერალი კი, უკრაინის მშვიდობიანი მოსახლეობის წინააღმდეგ ჩადენილი სისასტიკეების კიდევ ერთი ავტორი გახდება... აშშ-მა კი, უკვე განაცხადა, რომ უნდა მიიღონ ყველა ზომა უკრაინელების მხარდასაჭერად" - აცხადებს სალივანი.
პიტ ბულს არა გავს?
მივმართავ დასავლეთს, ეს გენერალი თუ სირიაში ასეთ ამბებს ჩადიოდა სად იყავით მაშინ, რატომ არ დაუწესეთ რუსეთს სანქციები, რატომ არ გაასამართლეთ ჰააგაში, თუ ფეხებზე გეკიდათ სირიელი ქალები, ბავშვები, მშვიდობიანი მოსახლეობა და ეხლა ამოიღეთ ხმა როცა დაგჭირდათ. თქვენც რუსეთის ნაირი ნაძირლები, კოლექტიური ნაცფაშისტი გიორგი საყვარელიძეები ხართ რომელმაც განაცხადა უკრაინაში ქერათმიან და ცისფერთვალება ხალხს ხოცავენ და ამას როგორ ეგუებითო, ტიპიური ფაშისტური განცხადება. თორე რუსეთი და მისი გენერლები ყოველთვის ასე იქცეოდნენ და არც არავის უკვირს.