10 აპ­რილს, რუ­სე­თის მიერ ოკუ­პი­რე­ბულ ცხინ­ვა­ლის რე­გი­ონ­ში ე.წ. საპ­რე­ზი­დენ­ტო არ­ჩევ­ნე­ბი გა­ი­მარ­თა, რომ­ლის წი­ნას­წა­რი შე­დე­გე­ბით, ლი­დე­რობს პარ­ტია "ნი­ხა­სის” თავ­მჯდო­მა­რე ალან გაგ­ლო­ე­ვი. ცხინ­ვა­ლის ე.წ. ცენ­ტრა­ლუ­რი სა­არ­ჩევ­ნო კო­მი­სი­ის თა­ნახ­მად, ხმე­ბის 95%-ის დათ­ვლის შე­დე­გად, გაგ­ლო­ევს 36.9% აქვს, ხოლო ოკუ­პი­რე­ბუ­ლი რე­გი­ო­ნის მოქ­მედ, დე ფაქ­ტო პრე­ზი­დენტს, ანა­ტო­ლი ბი­ბი­ლოვს - 33.5%. გაგ­ლო­ევ­მა ჯერ კი­დევ გა­სულ ღა­მით გა­ნა­ცხა­და, რომ პირ­ვე­ლი ტუ­რის გა­მარ­ჯვე­ბუ­ლია. ე.წ. საპ­რე­ზი­დენ­ტო არ­ჩევ­ნებ­ში კი­დევ 3 კან­დი­და­ტი მო­ნა­წი­ლე­ობ­და. რო­გორც უკვე ცხა­დია, ოკუ­პი­რე­ბულ ცხინ­ვა­ლის რე­გი­ონ­ში ე.წ. საპ­რე­ზი­დენ­ტო არ­ჩევ­ნე­ბის პირ­ვე­ლი­ვე ტურ­ში გა­სა­მარ­ჯვებ­ლად სა­ჭი­რო, ხმე­ბის 50%-ზე მეტი ვერ­ცერ­თმა კან­დი­დატ­მა ვერ მო­აგ­რო­ვა.

წი­ნას­წა­რი ინ­ფორ­მა­ცი­ით, გაგ­ლო­ე­ვის და ბი­ბი­ლო­ვის მო­ნა­წი­ლე­ო­ბით, მე­ო­რე ტური 24 აპ­რილს გა­ი­მარ­თე­ბა.

სა­ქარ­თვე­ლოს სა­გა­რეო საქ­მე­თა სა­მი­ნის­ტრომ დაგ­მო ოკუ­პი­რე­ბულ რე­გი­ონ­ში ჩა­ტა­რე­ბუ­ლი არ­ჩევ­ნე­ბი. უწყე­ბის გან­ცხა­დე­ბით, აღ­ნიშ­ნუ­ლი ქმე­დე­ბა წარ­მო­ად­გენს სა­ქარ­თვე­ლოს სუ­ვე­რე­ნი­ტე­ტი­სა და ტე­რი­ტო­რი­უ­ლი მთლი­ა­ნო­ბის წი­ნა­აღ­მდეგ მი­მარ­თულ რუ­სე­თის ფე­დე­რა­ცი­ის მო­რიგ უკა­ნო­ნო აქტს, რო­მე­ლიც სრუ­ლად ეწი­ნა­აღ­მდე­გე­ბა სა­ერ­თა­შო­რი­სო სა­მარ­თლის ნორ­მებ­სა და პრინ­ცი­პებს. ე.წ. საპ­რე­ზი­დენ­ტო არ­ჩევ­ნე­ბის ჩა­ტა­რე­ბა დაგ­მეს ამე­რი­კის სა­ელ­ჩომ სა­ქარ­თვე­ლო­ში, ასე­ვე ევ­რო­კავ­ში­რის წარ­მო­მად­გენ­ლო­ბამ, ლატ­ვი­ამ, უკ­რი­ა­ნამ, ლი­ე­ტუ­ვამ. "ჩვენ არ ვა­ღი­ა­რებთ ე.წ. "საპ­რე­ზი­დენ­ტო არ­ჩევ­ნე­ბის“ კონ­სტი­ტუ­ცი­ურ და სა­მარ­თლებ­რივ ჩარ­ჩოს, რო­მე­ლიც 10 აპ­რილს სა­ქარ­თვე­ლოს რე­გი­ონ­ში, სე­პა­რა­ტის­ტულ სამ­ხრეთ ოსეთ­ში გა­ი­მარ­თა ", - ასე გა­მო­ეხ­მა­უ­რა გერ­მა­ნი­ის სა­გა­რეო საქ­მე­თა სა­მი­ნის­ტრო ამ ე.წ. არ­ჩევ­ნებს. ოკუ­პა­ცი­ის პი­რო­ე­ბებ­ში ჩა­ტა­რე­ბუ­ლი ე.წ. არ­ჩევ­ნე­ბი დაგ­მო ნატო-ს გე­ნე­რა­ლუ­რი მდივ­ნის სპე­ცი­ა­ლურ­მა წარ­მო­მად­გე­ნელ­მა სამ­ხრეთ კავ­კა­სი­ა­სა და ცენ­ტრა­ლურ აზი­ა­ში ხა­ვი­ერ კო­ლო­მი­ნა­მაც.

ე.წ. სამ­ხრეთ ოსე­თის ე.წ. პრე­ზი­დენ­ტო­ბის კან­დი­და­ტე­ბის დო­სიე:

ანა­ტო­ლი ბი­ბი­ლო­ვი და­ი­ბა­და 1970 წლის 6 თე­ბერ­ვალს, ცხინ­ვალ­ში, მუ­შე­ბის ოჯახ­ში. რვა კლა­სის დას­რუ­ლე­ბის შემ­დეგ იგი გა­და­ვი­და თბი­ლის­ში და შე­ვი­და სპე­ცი­ა­ლი­ზე­ბულ სკო­ლა-პან­სი­ონ­ში, სა­დაც შე­ის­წავ­ლა რუ­სუ­ლი ენა და მი­ი­ღო გაძ­ლი­ე­რე­ბუ­ლი სამ­ხედ­რო ფი­ზი­კუ­რი გა­ნათ­ლე­ბა. 1992 წელს და­ამ­თავ­რა რი­ა­ზა­ნის სა­ჰა­ე­რო-სა­დე­სან­ტო სას­წავ­ლე­ბე­ლი, რის შემ­დე­გაც მსა­ხუ­რობ­და ფსკო­ვის 76-ე სა­დე­სან­ტო დი­ვი­ზი­ა­ში. 1992-1994 წლებ­ში იგი მო­ნა­წი­ლე­ობ­და ცხინ­ვა­ლის რე­გი­ონ­ში სამ­შვი­დო­ბო ძა­ლე­ბის კონ­ტინ­გენ­ტში. 1994 წ. სა­მუ­შა­ოდ გა­და­ვი­და სე­პა­რა­ტის­ტუ­ლი სამ­ხრეთ ოსე­თის შე­ი­ა­რა­ღე­ბულ ძა­ლებ­ში, სა­დაც 1996 წლამ­დე სპე­ცი­ა­ლუ­რი და­ნიშ­ნუ­ლე­ბის ასე­ულს მე­თა­უ­რობ­და. 1996-1998 წლებ­ში ბი­ბი­ლო­ვი ცხოვ­რობ­და კი­ევ­ში, ეწე­ო­და ბიზ­ნეს-საქ­მი­ა­ნო­ბას. 1998-2008 წლებ­ში მსა­ხუ­რობ­და შე­რე­უ­ლი სამ­შვი­დო­ბო ძა­ლე­ბის ჩრდი­ლო-ოსურ ბა­ტა­ლი­ონ­ში. 2008 წლის ომის დროს ამა­ვე ბა­ტა­ლი­ონ­თან ერ­თად მო­ნა­წი­ლე­ობ­და საბ­რძო­ლო მოქ­მე­დე­ბებ­ში. 2008 წლის 31 ოქ­ტომ­ბერს დე ფაქ­ტო პრე­ზი­დენ­ტმა ედუ­არდ კო­კო­ი­თიმ ბი­ბი­ლო­ვი სა­გან­გე­ბო სი­ტუ­ა­ცი­ე­ბის მი­ნის­ტრად და­ნიშ­ნა. 2017 წლის დე ფაქ­ტო საპ­რე­ზი­დენ­ტო არ­ჩევ­ნებ­ში ბი­ბი­ლოვ­მა პირ­ვე­ლი­ვე ტურ­ში გა­ი­მარ­ჯვა.

ალან გაგ­ლო­ე­ვი 1981 წელს არის და­ბა­დე­ბუ­ლი. პრო­ფე­სი­ით ფი­ნან­სის­ტია, მაგ­რამ ძი­რი­თა­დად დე ფაქ­ტო რეს­პუბ­ლი­კის კე-გე-ბე-ში მუ­შა­ობ­და. დღეს ის უშიშ­რო­ე­ბის კო­მი­ტე­ტის ყო­ფი­ლი ოფი­ცე­რია. 2020 წლი­დან კი ოპო­ზი­ცი­უ­რი პარ­ტია "ნი­ხა­სის“ თავ­მჯდო­მა­რეა. მან თავი გა­მო­ი­ჩი­ნა ცხინ­ვა­ლის იზო­ლა­ტორ­ში მოკ­ლუ­ლი ინალ ჯა­ბი­ე­ვის ოჯა­ხის თა­ნად­გო­მით. მოგ­ვი­ა­ნე­ბით ჯა­ბი­ე­ვის ცოლ­მა ოქ­სა­ნა სო­ტი­ე­ვამ შექ­მნა ორ­გა­ნი­ზა­ცია "სა­მო­ქა­ლა­ქო პლატ­ფორ­მა“ , რო­მე­ლიც გაგ­ლო­ე­ვის მხარ­დამ­ჭე­რი გახ­და. ბი­ბი­ლო­ვის­გან გან­სხვა­ვე­ბით გაგ­ლო­ევს კრემ­ლის მხარ­და­ჭე­რა არ ჰქონ­და.

პო­ლი­ტო­ლო­გი პა­ა­ტა ზა­ქა­რე­იშ­ვი­ლი ამ­ბე­ბი.გე-სთან კან­დი­და­ტე­ბის შან­სებს აფა­სებს:

"ალან გაგ­ლო­ე­ვი უშიშ­რო­ე­ბის ყო­ფი­ლი სამ­სა­ხუ­რის თა­ნამ­შრო­მე­ლია, ის ერთ-ერთი მა­ღალ­ჩი­ნო­სა­ნი იყო ე.წ. სამ­ხრეთ ოსე­თის უსაფრ­თხო­ე­ბის სამ­სა­ხუ­რებ­ში. მისი რე­პუ­ტა­ცია არ იყო მთლად იდე­ა­ლუ­რი, ვი­ნა­ი­დან მისი ძმა კრი­მი­ნა­ლუ­რი საქ­მი­ა­ნო­ბით (მკვლე­ლო­ბე­ბი და სხვა ღო­ნის­ძი­ე­ბე­ბი ბრალ­დე­ბო­და) გა­მო­ირ­ჩე­ო­და, ის კი ძმას იცავ­და და პა­სუ­ხის­მგებ­ლო­ბას არი­დებ­და თა­ვი­დან. მე­ო­რეს მხრივ, ის საკ­მა­ოდ პრინ­ცი­პუ­ლი და კა­ტე­გო­რი­უ­ლი კრი­ტი­კო­სი იყო ბი­ბი­ლო­ვის, რო­მე­ლიც ე.წ. სამ­ხრეთ ოსეთ­ში დიდი ხა­ნია უკვე არა­პო­პუ­ლა­რუ­ლია. თუნ­დაც ავი­ღოთ ცი­ხე­ებ­ში პრობ­ლე­მა - იყო ასე­თი ჯა­ბი­ე­ვი, ვი­საც ბრალ­დე­ბო­და ვი­თომ დე ფაქ­ტო შს მი­ნის­ტრზე თავ­დას­ხმა და ის წა­მე­ბით მოკ­ლეს. ოსებ­მა ტა­ტუ­ნაშ­ვი­ლის მკვლე­ლო­ბა თა­ვის დრო­ზე შე­სა­ბა­მი­სად არ შე­ა­ფა­სეს, გა­ა­ტა­რეს, შემ­დეგ კი მი­ი­ღეს ეთ­ნი­კუ­რად ოსი ჯა­ბი­ე­ვის წა­მე­ბით სიკ­ვდი­ლი. სა­მარ­თლი­ა­ნო­ბა მო­ი­თხოვს ით­ქვას, რომ მერე გა­იხ­სე­ნეს ოსებ­მა, პრე­სა­შიც და­ი­წე­რა, - ჯა­ბი­ე­ვი ისე მოკ­ლეს, რო­გორც ტა­ტუ­ნაშ­ვი­ლიო, თუმ­ცა მათი ეს სი­ნა­ნუ­ლი გვი­ა­ნი იყო. სა­მა­გი­ე­როდ, ჯა­ბი­ე­ვის მკვლე­ლო­ბას დიდი ამ­ბა­ვი მოჰ­ყვა ცხინ­ვალ­ში - თვე­ე­ბის გან­მავ­ლო­ბა­ში იყო პრო­ტეს­ტი, ჯა­ბი­ევს დედა ქარ­თვე­ლი ჰყავ­და, მათ მი­მართ დიდი სიმ­პა­თი­ე­ბი გაჩ­ნდა სა­ზო­გა­დო­ე­ბა­ში, რის შემ­დე­გაც ძა­ლი­ან შე­ი­ლა­ხა ბი­ბი­ლო­ვის რე­პუ­ტა­ცია, რო­მელ­მაც ასე თავ­ხე­დუ­რად და უტიფ­რად აპა­ტია მწა­მებ­ლებს მკვლე­ლო­ბა.

სწო­რედ ამ და­კარ­გუ­ლი იმი­ჯის გამო წა­მო­ი­წყო ბი­ბი­ლოვ­მა ვი­თომ პო­პუ­ლა­რუ­ლი ანექ­სი­ის თემა, მაგ­რამ, რო­გორც ჩანს, ამა­ნაც არ უშ­ვე­ლა, ამ არ­ჩევ­ნებ­ში იკ­ვე­თე­ბა, რომ უპი­რა­ტე­სო­ბა აქვს გაგ­ლო­ევს. ახლა მთე­ლი მო­ბი­ლი­ზე­ბა მოხ­დე­ბა მე­ო­რე ტუ­რის წინ. ოსე­ბის მნიშ­ვნე­ლო­ვან ნა­წილს აქვს გან­ცდა, რომ ვი­ნა­ი­დან არა­ვი­თა­რი და­მო­უ­კი­დებ­ლო­ბა და სა­ხელ­მწი­ფო­ებ­რი­ო­ბა არ გა­მო­დის, ჯო­ბია, რუ­სეთს შე­უ­ერ­თდნენ. რუ­სე­თი კი ყო­ველ­თვის ცდი­ლობ­და დის­ტან­ცი­რე­ბა მო­ეხ­დი­ნა, არ აწყობ­და ანექ­სია, რად­გან მეტი ფუ­ლია იმის­თვის სა­ჭი­რო, რომ კავ­კა­სი­ის ქე­დის მიღ­მა უპატ­რო­ნოს ამ ტე­რი­ტო­რი­ას. ამას­თა­ნა­ვე, ის სა­ბო­ლო­ოდ და­კარ­გავ­და სა­ქარ­თვე­ლოს, მას სა­ვაჭ­როდ მა­ინც ჰქონ­და ცხინ­ვა­ლის თემა. ცხინ­ვა­ლის მი­ერ­თე­ბა ვაჭ­რო­ბის თე­მას სა­ერ­თოდ მოს­პობს, ამი­ტომ ით­რევ­და რუ­სე­თი ყო­ველ­თვის ფეხს და კრი­ტი­კუ­ლი მო­მენ­ტის­თვის ემ­ზა­დე­ბო­და. ჯერ კი­დევ სა­კი­თხა­ვია, რო­გორ გან­ვი­თარ­დე­ბა ანექ­სი­ის თე­მის პე­რი­პე­ტი­ე­ბი“.

რაც შე­ე­ხე­ბა და­ა­ნონ­სე­ბულ რე­ფე­რენ­დუმს, რო­გორც ზა­ქა­რე­იშ­ვი­ლი ამ­ბობს, რუ­სე­თი არ ჩქა­რობს რე­გი­ო­ნის ანექ­სი­ას, მას სა­ქარ­თვე­ლოს­თან ვაჭ­რო­ბა, მისი და­შან­ტა­ჟე­ბა და ამით შე­ში­ნე­ბა უფრო აინ­ტე­რე­სებს. მი­სი­ვე თქმით, ეს ნა­ბი­ჯი მის­თვის დიდი გა­მოწ­ვე­ვა იქ­ნე­ბა, ვი­ნა­ი­დან რო­გორც კი რუ­სე­თი რე­გი­ო­ნის ანექ­სი­ას მო­ახ­დენს, უკ­რა­ი­ნის კონ­ტექ­სტი­დან გა­მომ­დი­ნა­რე, მსოფ­ლი­ოს დღის წეს­რიგ­ში სა­ქარ­თვე­ლოც დად­გე­ბა და "ქარ­თულ ოც­ნე­ბას“ უკვე აღა­რა­ვინ არა­ფერს შე­ე­კი­თხე­ბა.

"საქ­მე ისაა, რომ 10 აპ­რი­ლი კარ­გი დღე იყო იმი­სათ­ვის, რომ რუ­სეთს თუ სჭირ­დე­ბო­და სამ­ხრეთ ოსე­თის მი­ერ­თე­ბა, რე­ფე­რენ­დუ­მი ჩა­ე­ტა­რე­ბი­ნა. 10 აპ­რილს და­ნიშ­ნუ­ლი იყო დე ფაქ­ტო არ­ჩევ­ნე­ბი და ბა­რემ ე.წ. რე­ფე­რენ­დუმ­საც ჩა­ა­ტა­რებ­დნენ, მაგ­რამ ეს არ გა­ა­კე­თა, ანუ არ ჩქა­რობს. ეს იმა­ზე მე­ტყვე­ლებს, რომ რუ­სეთს სა­ქარ­თვე­ლოს­თან ვაჭ­რო­ბა, მისი და­შან­ტა­ჟე­ბა და ანექ­სი­ით შე­ში­ნე­ბა უფრო აინ­ტე­რე­სებს. აქამ­დე ორ­ჯერ ჩა­ტარ­და მსგავ­სი ტი­პის რე­ფე­რენ­დუ­მი, მაგ­რამ რუ­სეთ­მა შე­დე­გე­ბი არ გა­ით­ვა­ლის­წი­ნა. ახ­ლაც ასე იქ­ნე­ბა, თუმ­ცა რუ­სეთ-უკ­რა­ი­ნის ომის ფონ­ზე ყვე­ლა­ფე­რია მო­სა­ლოდ­ნე­ლი. დღეს რომ რუ­სეთ­მა გა­ით­ვა­ლის­წი­ნოს რე­ფე­რენ­დუ­მის შე­დე­გი და გა­ნა­ხორ­ცი­ე­ლოს ანექ­სია, სა­ქარ­თვე­ლო­ში მის­თვის მი­სა­ღებ ხე­ლი­სუფ­ლე­ბას ჩა­მოშ­ლის. ეს რამ­დე­ნად აწყობს მას?"

რო­გორც პო­ლი­ტო­ლო­გი ამ­ბობს, დღეს რუ­სეთს ოკუ­პი­რე­ბულ რე­გი­ონ­ში ბი­ბი­ლო­ვის გა­მარ­ჯვე­ბა უფრო აწყობს, თუმ­ცა სა­ზო­გა­დო­ე­ბა თუ არ გა­ით­ვა­ლის­წი­ნებს გაგ­ლო­ე­ვის მა­კომ­პრო­მე­ტი­რე­ბელ მა­სა­ლებს, მათი სიმ­პა­თია მა­ინც ამ კან­დი­და­ტის­კენ გა­და­იხ­რე­ბა, რუ­სეთ­საც მო­უ­წევს მის­თვის ან­გა­რი­შის გა­წე­ვა და და­ი­წყებს მას­თან მო­ლა­პა­რა­კე­ბას, მა­ნამ­დე კი ბი­ბი­ლო­ვის გა­დარ­ჩე­ნას შე­ეც­დე­ბა.

"გაგ­ლო­ე­ვის მთა­ვა­რი ამო­ცა­ნაა ბი­ბი­ლო­ვის გაშ­ვე­ბა. ბი­ბი­ლო­ვი მის წი­ნა­აღ­მდეგ ამ­დენ ხანს ინა­ხავ­და კომ­პრო­მა­ტებს, რა­საც მე­ო­რე ტუ­რამ­დე პე­რი­ოდ­ში აუ­ცი­ლებ­ლად გა­მო­აქ­ვეყ­ნე­ბენ. დღეს რუ­სეთს ბი­ბი­ლო­ვი უფრო აწყობს, ვიდ­რე გაგ­ლო­ე­ვი... რუ­სეთს თუ არ უნდა, ის ვერც გა­ი­მარ­ჯვებს, მაგ­რამ თუ რე­ა­ლო­ბა იქ­ნე­ბა ისე­თი, რომ კრი­მი­ნა­ლუ­რი კომ­პრო­მა­ტე­ბის გა­მოქ­ვეყ­ნე­ბის მი­უ­ხე­და­ვად, სა­ზო­გა­დო­ე­ბის მნიშ­ვნე­ლო­ვა­ნი ნა­წი­ლი მა­ინც გაგ­ლო­ევს და­უ­ჭერს მხარს, რუ­სეთ­საც მო­უ­წევს მის­თვის ან­გა­რი­შის გა­წე­ვა და და­ი­წყებს მას­თან მო­ლა­პა­რა­კე­ბას, თუმ­ცა მა­ნამ­დე შე­ეც­დე­ბა ბი­ბი­ლო­ვის გა­დარ­ჩე­ნას. მარ­თა­ლია, გაგ­ლო­ე­ვიც, კრემ­ლის დაკ­ვე­თე­ბის შემ­სრუ­ლე­ბე­ლი იქ­ნე­ბა, მაგ­რამ ის არას­დროს გა­მო­ირ­ჩე­ო­და ანექ­სი­ის იდე­ით, ეს ბი­ბი­ლო­ვის თე­მაა".