მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ არ მოგვაწვდიან იარაღს, რომელიც ნამდვილად გვჭირდება, რუსეთი ამას ჩათვლის როგორც ნებართვას, უფრო შორს წასვლის ნებართვას" - ვოლოდიმირ ზელენსკი
09:54 / 07-04-2022
ზოგიერთ პოლიტიკოსს, ჯერ კიდევ არ შეუძლია გადაწყვიტოს, როგორ შეზღუდოს ნავთობის ვაჭრობიდან, რუსეთისკენ დოლარისა და ევროს ნაკადი, რათა საფრთხე არ შეუქმნან საკუთარ ეკონომიკას - თუ არ შეგიძლია, მაშინ არ უნდა დაგეწყო პოლიტიკური საქმიანობა, - ამის შესახებ უკრაინის პრეზიდენტმა ვოლოდიმირ ზელენსკიმ ვიდეო მიმართვაში ისაუბრა.
ზელენსკის თქმით, რუსეთის საბანკო სისტემის სრული ბლოკადისა და ნავთობზე ემბარგოს დაწესების მოთხოვნას გააგრძელებს.
"ჩვენ გავაგრძელებთ საერთაშორისო ფინანსებიდან, რუსეთის საბანკო სისტემის სრული ბლოკადის მოთხოვნას. ასევე ჩვენ, გავაგრძელებთ დემოკრატიული სამყაროს რუსული ნავთობის შესყიდვაზე უარის თქმის მოთხოვნას. სწორედ ნავთობის ექსპორტია რუსეთის აგრესიის ერთ-ერთი საფუძველი. ერთ-ერთი საფუძველი, რომელიც რუსეთის ხელმძღვანელობას საშუალებას აძლევს, მოლაპარაკებები ომის დასრულებასა და უკრაინის ტერიტორიის გათავისუფლებაზე სერიოზულად არ მიიღოს. ზოგიერთ პოლიტიკოსს, ჯერ კიდევ არ შეუძლია გადაწყვიტოს, როგორ შეზღუდოს ნავთობის ვაჭრობიდან, რუსეთისკენ დოლარისა და ევროს ნაკადი, რათა საფრთხე არ შეუქმნან საკუთარ ეკონომიკას, მაგრამ ხალხი ამისთვის მიდის პოლიტიკაში, რთული პრობლემების, ამოცანების გადასაჭრელად. თუ არ შეგიძლია, მაშინ არ უნდა დაგეწყო პოლიტიკური საქმიანობა. რუსეთის ნავთობის მიწოდებაზე ემბარგო მაინც იქნება გამოყენებული. ფორმატი მოიძებნება", - განაცხადა ზელენსკიმ.
ზელენსკის თქმით, რუსულენოვან რეგიონებში, ასობით ბავშვი რუსულ დაბომბვებს ემსხვერპლა, - ამის შესახებ უკრაინის პრეზიდენტმა HaberTurk-თან მიცემულ ინტერვიუში ისაუბრა.
როგორც ზელენსკიმ თქვა,
"ისინი ამბობენ, რომ რუსულად მოსაუბრე ადამიანებს იცავენ, მაგრამ რაც ხდება მარიუპოლში, მელიტოპოლში და რაც მოხდა ბერდიანსკსა და ხარკოვში, ამ ქალაქებში ბევრი რუსულენოვანია და მათ ამ ხალხს უთხრეს, რომ მოდიოდნენ იმისთვის, რომ ისინი დაეცვათ. ამ რუსულენოვან რეგიონებში,
- ასობით ბავშვი, მათ საჰაერო დაბომბვებს ემსხვერპლა. მასობრივი საფლავები ბუჩაში, ერთ-ერთია, სადაც ბავშვებიც იყვნენ. ბავშვი არ შეიძლება ჩათვალო აგრესიულად. შეუძლებელია, რომ ეს დამალო. ზოგიერთ მათგანს სხეულის ნაწილები აკლია, იყვნენ ხელებშეკრული ადამიანები, იყო გაუპატიურებები. ეს ყველაფერი მათი დაუოკებელი ნაციზმის დასტურია და მათ იციან, რომ ისინი ნაცისტები არიან", - განაცხადა ზელენსკიმ.
ამასთან, ზელენსკიმ გააჟღერა მოწოდება, რომ რუსული არმია და პოლიტიკური ლიდერები, რომელთაც უკრაინაში შეჭრა დაგეგმეს, ომის დანაშაულებისთვის დაისაჯონ.
"შეუძლებელია ამ ომის დანაშაულებებში მხოლოდ ერთი ადამიანის დადანაშაულება, მაგრამ საერთაშორისო საზოგადოებამ უნდა იცოდეს, რუსეთის ფედერაციამ უნდა იცოდეს, რომ ეს მასობრივი სისასტიკე მრავალი ადამიანის, მრავალი სტრუქტურის ბრძანებითა და მრავალი პოლიტიკური გადაწყვეტილებით იყო გამოწვეული და დამნაშავეები სასჯელს ვერ გადაურჩებიან", - განაცხადა ზელენსკიმ
- თუ არ იქნება რუსეთის წინააღმდეგ სანქციების მართლაც მტკივნეული პაკეტი და თუ არ იქნება იარაღის მოწოდება, რომელიც ჩვენ ნამდვილად გვჭირდება და არაერთხელ მივმართეთ, რუსეთი ამას ჩათვლის როგორც ნებართვას, უფრო შორს წასვლის ნებართვას, განაცხადა ვოლოდიმირ ზელენსკიმ.
ზელენსკის თქმით, დასავლეთს, რუსეთზე უფრო მკაცრი სანქციების დაწესებითა და უკრაინისთვის იარაღის მიწოდებით, აგრესიის შეჩერება შეუძლია.
"კარგია, რომ შეერთებული შტატების სახაზინო დეპარტამენტმა შეაჩერა რუსეთის შესაძლებლობა, ვალის გადასახდელად, აშშ-ის საბანკო ანგარიშები და მასთან დაკავშირებული აქტივები გამოიყენოს, ეს საგრძნობია და ამისთვის მადლობელი ვარ, მაგრამ კიდევ ბევრი რამ არის საჭირო, ომის შესაჩერებლად. თუ არ იქნება რუსეთის წინააღმდეგ სანქციების მართლაც მტკივნეული პაკეტი და თუ არ იქნება იარაღის მოწოდება, რომელიც ჩვენ ნამდვილად გვჭირდება და არაერთხელ მივმართეთ, რუსეთი ამას ჩათვლის როგორც ნებართვას, უფრო შორს წასვლის ნებართვას, თავდასხმების ნებართვას, დონბასში, ახალი სისხლიანი ტალღის დაწყების ნებართვას. ამის თავიდან აცილება ჯერ კიდევ შესაძლებელია. ჯერ კიდევ შეიძლება ისეთი სანქციების დაწესება, რასაც უკრაინა დაჟინებით მოითხოვს, დაჟინებით მოითხოვს ჩვენი ხალხი. ჯერ კიდევ შესაძლებელია, მოგვცენ იარაღი, რომელიც ნამდვილად შეაჩერებს ამ აგრესიას, დასავლეთს ამის გაკეთება შეუძლია", - განაცხადა ზელენსკიმ
ასევე იხილეთ:
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოგაწვდით, რატომ არ მოგაწვდით,ტყუილად კი არ ვართ პირველები იარაღის ბიზნესში, მოთხოვნა წარმოქმნის მიწოდებას, ტყუილად კი არ თქვა ჩვენებურმა სმითმა, იარაღზე მოთხოვნა კი როდის წარმოიქმნება.....სწოოორია ომების დროს, მააშ! ამიტომ ომები ნუ გამოილევა და ჩვენ ჯიბეში ფული ყოველთვის იქნება!
მიაწოდეთ დაუხოციათ ერთმანეთი ისე რომ არც უკრაინელი და არც რუსი აღარ დარჩეს მერე ავითვისოთ ეს ტერიტორიები გადარჩენილებმა და შევქმნათ ახალი ქვეყნები დავასახელოთ სხვა ხალხით აგერ.უკრაინის ტერიტორიებზე ევროპულ ქვეყნებს უჭირავთ თვალი უფრო მაგათ სახნავ სათესი მიწები უნდათ