მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ეთერ თუთბერიძემ "ტვიტერიდან" პუტინთან ერთად გადაღებული ფოტოები წაშალა - რუსები ცნობილ მწვრთნელს უპირისპირდებიან: "ის ყველაზე ეშმაკი აღმოჩნდა..."
10:22 / 06-04-2022
რუსულ მედიაში კულტურის, სპორტის თუ სხვა სფეროების წარმომადგენლების "გაშავება“ გრძელდება. მათი, რომლებიც პუტინის რეჟიმს დაუპირისპირდნენ ან უბრალოდ, რუსეთ-უკრაინის ომზე გაჩუმება არჩიეს. ამჯერად რუსების სამიზნეში ფიგურული სრიალის მწვრთნელი, ქართული წარმოშობის, ეთერ თუთბერიძე აღმოჩნდა. რუსეთში ცნობილი ჟურნალისტი, პუტინისტი, ალენა ჟიგალოვა თუთბერიძეზე წერს, რომ "ის ცბიერია და ყველაფერი წინასწარ აქვს მოფიქრებული".
მას შემდეგ, რაც რუს სპორტსმენებს საერთაშორისო შეჯიბრებებზე გამოსვლა აეკრძალათ, თუთბერიძის მოციგურავეთა სკოლაც "აკრძალულათა" ამ სიაში მოხვდა. რუსულ მედიაში წერენ, რომ მართალია ცნობილ მწვრთნელს არც აქამდე უყვარდა საჯარო გამოსვლები, მაგრამ ამჟამად საეჭვოდ დუმს. უკვე ერთი თვეა, რაც ის თაყვანისმცემლების თვალთახედვიდან გაქრა.
ჟურნალისტის თქმით, ცოტა ხნის წინ სოციალური მედიიდან გაქრა ჩანაწერი, რომელშიც ეთერ თუთბერიძე ვლადიმერ პუტინთან შეხვედრაზე ლაპარაკობდა. ბოლო ინფორმაციით, ეს ინტერვიუ არცერთ პლატფორმაზე აღარ იძებნება. თუთბერიძემ "ტვიტერიდან" პუტინთან ერთად გადაღებული ფოტოებიც წაშალა.
"ეთერ თუთბერიძე ყველაზე ეშმაკი აღმოჩნდა მათ შორის, ვინც ქვეყნიდან წავიდა და გაუჩინარდა“, - ამბობს ჟიგალოვა.
რუსები დარწმუნებულები არიან, რომ მწვრთნელი პირველივე შესაძლებლობაზე ქვეყანას დატოვებს, რადგან ის უკვე ცხოვრობდა რამდენიმე წელი უცხოეთში. მისი ერთადერთი ქალიშვილი დიდი ხანია, რაც ამერიკაშია. დიანა დევისი, რომელიც გლებ სმოლკინთან ერთად ყინულზე ცეკვაში წყვილებში გამოდის, ამჟამად აშშ-ში ცხოვრობს და ვარჯიშობს. 1994 წლიდან 1998 წლამდე ეთერი თავად მუშაობდა მწვრთნელად ამერიკაში.
"თუთბერიძეს ძალიან ეშინია შავ სიაში მოხვედრის, რადგან ამ შემთხვევაში შტატებში შვილის ნახვასაც ვეღარ მოახერხებს. თუმცა ის მაინც აკვირდება, როგორ განვითარდება მოვლენები და არ უნდა, რომ რუსეთის მთავრობა გადაიმტეროს. მან ცოტა ხნის წინ რამდენიმე მილიონი დოლარი უკვე ითხოვა მოსკოვში ყინულის მოედნის ასაშენებლად, ამიტომ მისთვის წამგებიანია პუტინთან ღიად დაპირისპირება", - განაცხადა ალენა ჟიგალოვამ და იქვე მიმართა ცნობილ მწვრთნელს: "თუთბერიძე, გადაწყვიტე, სად ააშენებ ყინულის მოედანს - აქ თუ მაიამიში?"
ფიგურულ სრიალში რუსეთის დამსახურებული მწვრთნელი ეთერ თუთბერიძე 1974 წლის 24 თებერვალს მოსკოვში, მრავალშვილიან ოჯახში დაიბადა. რაც შეეხება საქართველოსთან მის კავშირს, ერთ-ერთ ინტერვიუში ყვებოდა:
"პატარა ვიყავი, ჩვენთან სტუმრად საქართველოდან ჩამოვიდნენ მამაჩემის ნათესავები, გაიშალა სუფრა, წავიდა სადღეგრძელოები, როგორც ხდება ხოლმე. ვიღაცამ მამას ჰკითხა, - ბოლოს და ბოლოს, რამდენი შვილი გყავსო. მან კი უპასუხა, - ერთიო... გავოცდი, მივედი, მხარზე დავადე ხელი და ვუთხარი, - მამა, ჩვენ ხომ ხუთნი ვართ-მეთქი... მამამ გაიცინა, - მხოლოდ ბიჭი მიიჩნევა შვილად, რადგან ის არის გვარის გამგრძელებელიო... მაშინ ვიფიქრე, რომ რამე ისეთი გამეკეთებინა, რაც მამაჩემს აზრს შეაცვლევინებდა. სამწუხაროდ, მამა ჩემს წარმატებებს ვერ მოესწრო, დარწმუნებული ვარ, იამაყებდა ჩემით...“
ცოტა ხნის წინ, თუთბერიძის მოსწავლე 15 წლის რუსი მოციგურავე კამილა ვალიევა ოლიმპიადაზე დოპინგ-სკანდალში გაეხვა და ვუნდერკინდი მოზარდი ოლიმპიური კვარცხლბეკის მიღმა დარჩა, თუმცა პედისტალის პირველი და მეორე საფეხური მაინც მისმა აღზრდილებმა დაიკავეს.
იხილეთ ასევე:
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აბა რუსეთში სოც ქსელები აღარ ფინქციონირებსო
უძლიერესი მწვრთნელია რაც არ უნდა ილაპარაკონ და ეს ვერ აუტანიათ რუსებს წარმატებები ეთერ