მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბიჭების მოტივაციისთვის მეც წავალო... ვინმეს სჯეროდა, რომ ის ომში ჩაერთვებოდა?!" - ბიბილოვის ვიზიტი დონბასში და უკმაყოფილების ტალღა ოკუპირებულ ცხინვალში
13:09 / 03-04-2022
რამდენიმე დღეა ოსური მედია ე.წ. პრეზიდენტის, ანატოლი ბიბილოვის უკრაინაში შესაძლო ჩასვლასთან დაკავშირებით ავრცელებს ინფორმაციას. თავდაპირველად ვრცელდებოდა ცნობა, თითქოს ის ოსი სამხედროების მოტივაციისთვის, საომარ მოქმედებებში აპირებდა ჩართვას. გუშინ კი გაირკვა, რომ ის რუსეთის მიერ ოკუპირებულ დონბასში ჩავიდა.
- ბიბილოვის პრესმდივნის, დინა გასიევას ცნობით, "პრეზიდენტს დაგეგმილი აქვს შეხვედრა დონეცკის სახალხო რესპუბლიკის ლიდერთან, დენის პუშილინთან."
მისივე თქმით, შეხვედრაზე განხილული იქნება ურთიერთთანამშრომლობა დონბასის მცხოვრებთათვის დახმარების გასაწევად, ბიბილოვი ასევე გეგმავს "მოხალისეებთან და სამხედროებთან შეხვედრას, რომლებიც უკრაინის წინააღმდეგ ომში იღებენ მონაწილეობას."
ანატოლი ბიბილოვს თან ახლავს ოკუპირებული ცხინვალის საგანგებო სიტუაციების ე.წ. სამინისტროს ხელმძღვანელი აზამატ ჩოჩიევი. მისი ცნობით, ე.წ. სამხრეთ ოსეთი გააგრძელებს რუსეთის დახმარებას უკრაინაში დაწყებული "სპეცოპერაციის“ ფარგლებში. ამის შესახებ ინფორმაციას bigasia.ru ავრცელებს.
- "ჩვენ უნდა გვესმოდეს, რომ არსებობს მხოლოდ ერთი სპეციალური სამხედრო ოპერაცია ყველასთვის, ვინც თავს რუსად მიიჩნევს. რუსეთი ჩვენი ისტორიული სამშობლოა, ეს ჩვენი ოპერაციაც არის, რადგან ერთიანები ვართ", - განაცხადა მან ტელეკომპანია "როსია 24"-ის ეთერში. ბიბილოვმა დასძინა, რომ ბევრი მებრძოლი ჯერ კიდევ 2014 წელს წავიდა დონბასში ადგილობრივი მოსახლეობის დასაცავად.
"თუ რუსეთი უკრაინაში, ნაციზმის ბუნაგში არ გაიმარჯვებს, მაშინ ხვალ ეს ნაცისტები, საქართველოს რესპუბლიკის ნაცისტებთან ერთად, უკვე სამხრეთ ოსეთში იქნებიან. ეს არის ჩვენი საერთო ამოცანა, დავამარცხოთ ეს ნაციზმი, ნეონაციზმი, ფაშიზმი“, - აცხადებს დე ფაქტო პრეზიდენტი.
ბოლო დღეებია, ბიბილოვის განცხადებების გამო, ცხინვალის რეგიონის მოსახლეობაში კრიტიკული დამოკიდებულებები იზრდება. ე.წ. ექსპრეზიდენტი, ედუარდ კოკოითი თავის გმოსვლებში ამბობს, რომ ის, რასაც ბიბილოვი ამბობს, ერის გენოციდია, რადგან მცირე ერის უკრაინის ომში ჩართვა, "მათი ბიჭების საზარბაზნე ხორცად გამოყენებას ნიშნავს."
ცნობილია, რომ 30 მარტს უკრაინის ომში წასული ოსი სამხედროების ნაწილი, 300-ზე მეტი ადამიანი, შინ დაბრუნდა. მათი თქმით, არც ტექნიკა ჰქონდათ, არც აღჭურვილობა და საზარბაზნე ხორცად პირდაპირ ბრძოლის ველზე შეუშვეს.
- ბიბილოვის ე.წ. ადმინისტრაცია მომხდარზე ორი დღე დუმდა. შემდეგ კი, "პრეზიდენტმა" მოსახლეობას მიმართა, გაგებით მოიკიდონ მომხდარს, არ უწოდონ ამ ბიჭებს ლაჩრები, რადგან დარწმუნებულია, რომ გარკვეული დროის შემდეგ, მას მერე, რაც ისინი "შესაბამისად მოემზადებიან, ისევ ომში დაბრუნდებიან."
ekhokavkaza.com-თან საუბარში ადგილობრივი სამხედრო ექსპერტები ამბობენ, ბიბილოვის დაჟინებული სურვილი იყო, ცხინვალიდან უკრაინაში მაქსიმალურად ბევრი სამხედრო მოსამსახურე გაეგზავნათ, რათა ამით პუტინისთვის თავისი ერთგულება დაემტკიცებინა.
"მე-4 ბაზის სარდლობას ესმის სიტუაციის დელიკატურობა (ომს გადარჩენილი პატარა ერი და ა.შ.) და არ სურდა ამდენი ჯარისკაცის გაგზავნა. მაგრამ ბიბილოვის მხრიდან ეს იყო კრემლისადმი ერთგულების დემონსტრირება, რაც ახლა განსაკუთრებით ღირებულია.
ბიბილოვმა სამხრეთ ოსეთის ჯარის ლიკვიდაციისა და ჯარისკაცების მე-4 რუსულ ბაზაზე საკონტრაქტო სამსახურში გადაყვანის დროს დაიფიცა და მოსახლეობას შეჰპირდა, რომ არცერთი მათგანი რესპუბლიკის გარეთ არ გაიგზავნებოდა, მაგრამ მისი სიტყვა საიმედო არ აღმოჩნდა", - წერს გამოცემა.
- ადგილობრივი მოსახლეობის თქმით, ბიბილოვი საკუთარი ძალაუფლების შესანარჩუნებლად მსხვერპლად წირავს გამოუცდელ ბიჭებს...
"პრეზიდენტის შვილი კი რუსეთში, ერთ-ერთ კერძო, პრესტიჟულ უნივერსიტეტში სწავლობს. ცხადია, მისი ომში გაშვება აზრადაც არ მოსვლია. ჩვენი ბიჭების მოტივაციისთვის მეც წავალო, გვითხრა და დონბასში ოფიციალურ პირებს შეხვდა, ვითომ სახელმწიფო საქმეებზე. ან ვინმეს სჯეროდა, რომ ის ომში ჩართვებოდა?! ჩვენი ბიჭები კი ფეხსაცმლის და თბილი ტანსაცმელის გარეშე გაუშვა ომში, რა ენაღვლება, ომსა და უბედურებაში ჩვენი სიმწრით გამოზრდილი შვილები", - წერს ნადია კოკოითი.
"როდესაც თქვენი შვილები რუსეთის შეიარღებულ ძალებში ირიცხებოდნენ და მაღალ ხელფასს იღებდნენ მაშინ ხომ კარგი იყო? ახლა ომში წასვლა და შვილის გაშვება არავის უნდა. არ ხართ მართალი", - მიაჩნია ემზარ გასიევს.
"შევხვდი მათ და თავად ვნახე მათი მაღალი მოტივაციაო, პრეზიდენტმა გვითხრა. ბიბილოვი უმტკიცებს კრემლს ერგულებას. არმიის მოსამზადებელ, ბაზის მოსაწყობ ფულს არმიის მეთაურობა და ბიბილოვის ხალხი ერთად იყოფდა. ახლა კი ჩვენი ბიჭები უნდა დაიხოცონ. ეს არის სიმართლე", - წერს ინტერნეტმომხარებელი თეოლა ტრუშინი.
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
შენი შვილები რატომ არ გაუშვი?
იმედია პამპერსის წაღება არ დაგავიწყდა იქ ჩვენები რო გნახავენ დაგჭირდება