"ოსკარის“ რიგით 94-ე დაჯილდოება ტრადიციულად ლოს-ანჯელესში, Dolby Theatre-ში გაიმართა. ღონისძიებას ვანდა საიკსი, ემი შუმერი და რეგინა ჰოლი ერთობლივად უძღვებოდნენ. ღონისძიებას სკანდალის გარეშე არ ჩაუვლია - ცნობილი მსახიობი უილ სმიტი სცენაზე ავიდა და კრის როკს სილა გააწნა.
გაცეცხლებული უილ სმიტი მას შემდეგ აუვარდა მსახიობს სცენაზე, რაც მან მისი მეუღლის გაპარსულ თავზე იხუმრა:
"ჯეიდა, ერთი სული მაქვს GI Jane 2-ს როდის ვიხილავ", - თქვა მან.
სმიტი სცენაზე აიჭრა, კრის როკს დაარტყა და როცა თავის ადგილზე დაბრუნდა, დაუყვირა: "ჩემი ცოლის სახელს შენი საძაგელი(დედა მ..ი) პირით ნუ ამბობ!"
კრის როკის ხუმრობა 1997 წლის ფილმს - "GI Jane"-ს შეეხებოდა, რომელშიც მთავარ როლს დემი მური გადაპარსული თავით ასრულებს. უილ სმიტის მეუღლემ, პინკეტ სმიტმა, ადრევე ისაუბრა თმის ცვენის პრობლემაზე და იმ სირთულეებზე, რასაც ალოპეციის შედეგად შეეჩეხა.
ინციდენტის შემდეგ, შოკირებულმა კრისმა მაყურებელს მიმართა: "ეს საუკეთესო ღამეა ტელევიზიის ისტორიაში".
მამაკაცის პირველხარისხოვანი როლის საუკეთესო შესრულებისთვის "ოსკარი" სწორედ უილ სმიტს გადაეცა, ფილმში "მეფე რიჩარდი“ მონაწილეობისთვის.
როცა მან საუკეთესო მსახიობის ჯილდოს მიღებისას სიტყვა წარმოთქვა, ინციდენტზეც ისაუბრა:
"მინდა, ბოდიში მოვუხადო აკადემიას და ნომინირებულ კოლეგებს. ხელოვნება ცხოვრების იმიტირებას ახდენს. მე ახლა რიჩარდ უილიამსივით გადარეული მამა ვარ, მაგრამ სიყვარული გიჟურ საქციელებს გვადენინებს", - თქვა სმიტმა კარიერაში პირველი ოსკარის მოპოვების შემდეგ.
მსახიობი სიტყვის წარმოთქმისას ცრემლებამდე მივიდა: "ჩვენი პროფესიის ადამიანს, უნდა შეეძლოს შეურაცხყოფის ატანა. ამ ბიზნესში თუ ხარ, ყველა ის სიგიჟე უნდა აიტანო, რასაც შენზე ხალხი ამბობს. უბრალოდ, უნდა გაიღიმო და თავი მოაჩვენო, რომ არაუშავს."
თავდაპირველად, დამსწრეებს ეს მოულოდნელი ინციდენტი წინასწარ მომზადებული ხუმრობა ეგონათ, სმიტმა კრის როკის ხუმრობაზე გაიცინა კიდეც. თავად ჯეიდა გაღიზიანებული ჩანდა. ეჭვი მაშინ გაქარწყლდა, როცა სმიტი ადგილიდან წამოიჭრა და კრისს სცენაზე დაარტყა. როცა სმიტმა მას ადგილიდან მიმართა, მისი ცოლის სახელი აღარ ეხსენებინა, უკვე ყველა დარწმუნდა, რომ ეს სკეტჩი არ იყო.
იხლეთ ასევე:
მოამზადა: ანა სიბოშვილმა
წყარო: BBC
შეიშალა მსოფლიო...
ესეც დადგმული იყო და ციხის კადრებიც, მიშა გმირია ოღონდ ეს უკვე სიმართლეა! - ნაცების კომენტარი ასეთი იქნებოდა.