მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"არასდროს მითქვამს, რომ ხელისუფლება პრორუსულია, ცდილობს, 3-4 სკამზე ერთდროულად იჯდეს"- გრიგოლ ვაშაძე
21:01 / 27-03-2022
არასდროს მითქვამს, რომ ეს ხელისუფლება პრორუსულია - მუდმივად ცდილობს, 3-4 სკამზე ერთდროულად იჯდეს, - ამის შესახებ ოპოზიციონერმა დეპუტატმა, გრიგოლ ვაშაძემ "პალიტრანიუსის" გადაცემა "პოლიტ-ქალაქში" განაცხადა.
მისივე თქმით, საქართველოს ხელისუფლება პრორუსული არ არის, მაგრამ ამავე დროს, არც ევროინტეგრაციისკენ მიისწრაფვის.
ოპოზიციონერის განცხადებით, „3-4 სკამზე ერთდროულად ჯდომა, არ გამოვა“.
"არასდროს მითქვამს, რომ ეს ხელისუფლება არის პრორუსული. ეს ხელისუფლება მუდმივად ცდილობს, 3-4 სკამზე ერთდროულად იჯდეს. პრორუსული ნიშნავს, რომ მითითებებს ასრულებ და თუ პრაქტიკულ ნაბიჯებს ნახავ, აღმოჩნდება, რომ იმ რუსული მოთხოვნებიდან, რომელიც კრემლის ბინადრებს საქართველოს მიმართ აქვთ, არცერთ ნაბიჯი არ გადადგმულა. სხვა საქმე არის, რომ ევროპულიც არ არის, რადგან, როდესაც შარლ მიშელის შეთანხმებიდან გამოდიხარ, იმიტომ რომ ვიღაცამ ხელი არ მოაწერა, როდესაც ამ რეფორმების გატარებაზე უარს ამბობ, ეს არის სრული კატასტროფა. სხვათა შორის, ახლა მე რასაც გეუბნებით, ეს არის ის შეფასება, რაც ჩვენს მოკავშირეებს აქვთ.
ხელისუფლების პოზიცია არის: არ გავაღიზიანოთ რუსეთი, ვეცადოთ მაქსიმალურად თავშეკავებულად მოვიქცეთ რუსეთთან. ამავე დროს, გავაგრძელოთ ის, რაც ევროკავშირს, ნატოს შეეხება. არავითარ შემთხვევაში არ გავუხსნათ რუსეთს საქართველოს რკინიგზის აფხაზეთის მონაკვეთი, არავითარ შემთხვევაში არ შევანელოთ დასავლეთისკენ ჩვენი სვლა, მაგრამ დასავლეთისკენ სვლა, იმის გარეშე, რასაც მოკავშირეები გთხოვენ და გეუბნებიან, რომ ეს სპეციფიკურად შენ მიმართ წამოყენებული მოთხოვნები კი არ არის, ეს ის მოთხოვნებია, რითაც აღმოსავლეთ ევროპის და ცენტრალური ევროპის ყველა სახელმწიფო შევიდა ევროკავშირში... ამიტომ ასე 3-4 სკამზე ერთდროულად დაჯდომა ნამდვილად არ გამოვა", - განაცხადა ვაშაძემ.
მისივე თქმით, საქართველოს პრემიერ-მინისტრის, ირაკლი ღარიბაშვილის რუსეთის წინააღმდეგ სანქციების დაწესების კუთხით გაკეთებული განცხადებები ძალიან ცუდი, არასაჭირო, უდროო და უშინაარსო იყო.
ვაშაძის განცხადებით, ჩვენი მოკავშირეები სანქციების რეჟიმს სერიოზულ ყურადღებას უთმობენ და საქართველოს ამ რეჟიმიდან გადახვევას არ აპატიებენ.
"ძალიან ცუდი განცხადებები იყო საქართველოს პრემიერ-მინისტრის მხრიდან გაკეთებული. არასაჭირო, უდროო, უშინაარსო. მით უმეტეს, რომ შეერთებული შტატების ელჩმა, კელი დეგნანმა მშვენიერი ფორმულირება მისცა ხელისუფლებას, სადაც ნათქვამი იყო, რომ მოკავშირეები საქართველოსთან მუდმივ კავშირზე არიან იმისათვის, რომ საქართველო სანქციების რეჟიმში იყოს მთლიანად ჩაბუდებული. ამის გამეორება იყო უბრალოდ საჭირო. ძალიან უხეში, არადროული და უშინაარსო განცხადება იყო და რაც მთავარია, ისიც უნდა გვახსოვდეს, რომ ჩვენი მოკავშირეები სერიოზულ ყურადღებას უთმობენ სანქციების რეჟიმს და მით უმეტეს, საქართველოს ამ რეჟიმიდან გადახვევას არ აპატიებენ", - აღნიშნავს ოპოზიციონერი დეპუტატი.
მან გაუაზრებლად შეაფასა ასევე, მმართველი გუნდის წევრების უკრაინის ხელისუფლების მიმართ გაკეთებული განცხადებებიც.
"რაც ზედაპირზე ჩანს ყველა საქართველოს მოქალაქისთვის არის ის, რომ უკიდურესად გაუაზრებელი განცხადებები არის გაკეთებული. მათ შორის, პრეზიდენტ ზელენსკის ადმინისტრაციის თითქმის "ნაციონალებად" გამოცხადება. ის, რომ ვითომდა საქართველოს მიმართ უკრაინის პოზიციას იქ მყოფი ყოფილი მაღალჩინოსნები განაპირობებენ. ყველა პასუხისმგებელი პირი - თანამდებობის პირი იქნება, თუ პოლიტიკოსი, მსგავს განცხადებებს, მით უმეტეს, ასეთ ცხელ ფაზაში უნდა მოერიდოს", - განაცხადა ვაშაძემ.
ვაშაძემ ასევე ისაუბრა რუსეთის პოზიციაზეც, მისივე შეფასებით, რუსეთს მის ერიტრეის, ჩრდილოეთ კორეის და სირიის კომპანიაში ყოფნა ძალიან აწუხებს.
"ძალიან აწუხებს ერიტრეის, ჩრდილოეთ კორეის და სირიის კომპანიაში ყოფნა. ძალიან აწუხებს ევროპის საბჭოდან გარიცხვა. ძალიან აწუხებს ის ნაბიჯები, რომელიც დასავლური სამყაროს და მისი მოკავშირეების, მათ შორის, საქართველოს მხრიდან იდგმება, იმისათვის რომ სანქციების რეჟიმი კიდევ უფრო გამკაცრდეს. ძალიან აწუხებს ის, რომ აბსოლუტურ იზოლაციაში აღმოჩნდა არა მარტო რუსული ეკონომიკა, ფინანსები და პოლიტიკა არამედ, ფაქტობრივად მთლიანად რუსეთის ფედერაციის საზოგადოება", - აღნიშნა გრიგოლ ვაშაძემ.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პოლიტიკა ეგ არის, დროის და სიტუაციის შესაბამისად იღებდეს გადაწყვეტილებას. თუ საჭიროა, 3-4 სკამიც უნდა გამოიცვალო, ზოგს დაუბრუნდე და ა.შ. აბა, მუდმივად ერთი მიმართულებით სიარული და ერთ კურსზე დამოკიდებულება შედეგს არ მოიტანს.
თქვენც ბატონო გრიგოლ ხომ არ ცდილობთ რამდენიმე სკამზე დაჯდომას? ისე არ უნდა გესწავლებოდეთ, რომ დიპლომატია სულ მინიმუმ 2 სკამზე დაჯდომას მაინც ნიშნავს