მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ჩვენი ბიჭები საზარბაზნე ხორცად იქცნენ" - რუსეთი დანაკარგის შევსებას აფხაზეთსა და ცხინვალში განლაგებული კონტინგენტიდან ცდილობს? რას წერენ მედია და ადგილობრივები?
10:14 / 24-03-2022
ბოლო დღეებია, ინტერნეტში ვრცელდება ვიდეოკადრები, რომელზეც ასახულია თუ როგორ გაჰყავთ საქართველოს ოკუპირებული აფხაზეთიდან მძიმე ტექნიკისა და ცოცხალი ძალის დიდი ნაწილი. გუდაუთაში დისლოცირებული მე-7 რუსული ბაზიდან ტექნიკისა და სამხედროების გასვლის შესახებ წერენ სოციალურ ქსელებში, ამავე თემაზე საუბრობს უკრაინული მედიაც...
ekhokavkaza.com-ის ცნობით, რუსეთი უკრაინაში მიღებულ დანაკარგების შევსებას სომხეთიდან, ასევე ოკუპირებული აფხაზეთისა და ცხინვალის რეგიონებში განლაგებული რუსული კონტინგენტიდანაც ცდილობს. გამოცემის ცნობით, კიევში ირწმუნებიან, რომ რეგიონებიდან სასწრაფო წესით ხდება სამხედრო ნაწილების საბრძოლო მოქმედებების ზონაში გადასროლა.
"საქართველოში უკრაინის დროებითი წარმომადგენელი ანდრეი კასიანოვი აცხადებს, რომ სინამდვილეში რუსეთი მალავს თავის დანაკარგებს. დიპლომატის თქმით, მთელი უკრაინის მასშტაბით, ქვეყნის ტერიტორიაზე რუსი სამხედროები მასობრივად იღუპებიან, იზრდება ტყვეების რაოდენობაც..." - წერს გამოცემა.
amerikiskhma.com-ის ინფორმაციით, უკვე რამდენიმე დღეა, საქართველოს ოკუპირებული ტერიტორიებიდან, აფხაზეთსა და ცხინვალში განლაგებული სამხედრო ბაზებიდან, მძიმე ტექნიკისა და ცოცხალი ძალის გადასროლის ოპერაცია ხორციელდება.
"გუდაუთაში დისლოცირებული რუსული ბაზიდან, უკრაინის სამხრეთში ტანკები და სხვა ტექნიკა რკინიგზით გაიტანეს. ოკუპირებულ ცხინვალში დისლოცირებული მე-4 რუსული ბაზიდან კი, მძიმე ტექნიკა როკის გვირაბის გავლით, ჯერ ჩრდილოეთ ოსეთში გადავიდა, შემდეგ კი რკინიგზით, უკრაინის ლუგანსკისა და დონეცკის ფრონტებზე გაიგზავნა..." - წერს გამოცემა.
რამდენიმე დღეა აფხაზურ მედიაში ვრცელდება ცნობები იმის შესახებ, რომ ოკუპირებულ რეგიონში არსებული რუსული სამხედრო ბაზის ჯარისკაცები მთიან მონაკვეთებსა და რთულ რელიეფებზე სამხედრო დანიშნულების ავტოტექნიკით გადაადგილების სპეციალურ კურსებს გადიან.
apsadgil.info-ს ცნობით, წვრთნებში ჩართულია 400-ზე მეტი სამხედრო პირი. ადგილობრივი ე.წ. ხელმძღვანელობა ირწმუნება, რომ რუსული სამხედრო დანაყოფები სამხედრო წვრთნებს პერიოდულად გადიან, თუმცა მოსახლეობის თქმით, ბოლო ხანებში აქტიური მოძრაობა შეინიშნება და ეს ნამდვილად არ ჰგავს როტაციას.
მსგავსი ინფორმაცია ვრცელდება ოკუპირებული ცხინვალიდანაც. ekhokavkaza.com-ის ცნობით, უკრაინის ომში გაუშვეს ე.წ. ცხინვალის რეგიონში მცხოვრები ოსი ახალგაზრდებიც, რომლებიც რუსეთის მე-4 ბაზაზე სამხედრო კონტრაქტორებად მსახურობდნენ.
ოსურ სოციალურ ქსელებში ვრცელდება ვიდეოკადრები, რომელშიც ჩანს თუ როგორ გადაადგილდება რუსული სამხედრო ტექნიკა როკის გვირაბის მიმართულებით.
გამოცემის ცნობით, ინფორმაციას ადასტურებს ე.წ. ექსპრეზიდენტი ედუარდ კოკოითიც. მისი თქმით, მათი ბიჭები უკრაინის ომში, ნაცისტებთან საომრად მიჰყავთ...
"იქ უკვე დაიღუპნენ ჩემი ახლობლები და მეგობრები, ძალიან ვწუხვარ ამის გამო, თქვენს ახლობლებს ვუსურვებ მოთმინებას, თქვენ კი მშვიდობით და გამარჯვებით დაბრუნებას" - ამბობს ის.
ოსი ახალგაზრდების უკრაინაში გაშვების გამო სოციალურ ქსელში აკრიტიკებენ ცხინვალის რეგიონის ე.წ. ხელმძღვანელს ანატოლი ბიბილოვს. მოსახლეობის თქმით, შეცდომა იყო, როდესაც მათი არმია რუსეთს მიუერთეს, რადგან ეს ახლა ავტომატურად უკრაინის ომში მათი ბიჭების დახოცვას ნიშნავს.
"ზუსტად მან მიიღო გადაწყვეტილება, სამხრეთ ოსეთის არმიის შემცირების. მაშინ ბიბილოვი ამბობდა, რომ რუსეთის მე-4 ბაზა ცხინვალში დარჩებოდა და არავითარი საფრთხე არ იქნებოდა, თუმცა ახლა ყველაფერი შეიცვალა და ჩვენი ბიჭები საზარბაზნე ხორცად იქცნენ. ამის მაგალითია, 35 წლის ანდრეი ბაკაევი, რომელიც 58-ე არმიაში მსახურობდა და საბრძოლო მოქმედებისას დაიღუპა" - წერენ ოსები.
ინტერნეტში ვრცელდება აფხაზების პოსტებიც, რომელთა ნაწილის თქმით, რუსული სამხედროების გარეშე მათი უსაფრთხოება დაცული არ არის. სხვების თქმით, რუსეთმა აფხაზეთი თავის ბაზებად აქცია, მაშინ როდესაც მათი ქვეყანა ტურისტებისთვის მიმზიდველი უნდა ყოფილიყო...
"ნუ განგაშობთ, არაფერი საფრთხე არ გვემუქრება. ომი არ იქნება. ერთადერთი, ჩვენებმა ქართველებთან ერთად ერთობლივ ბიზნესზე უნდა დაიწყონ ლაპარაკი... თუმცა, მაინც მგონია, რომ აფხაზეთში დისლოცირებული 8 ათასამდე რუსი სამხედროდან საკმაოდ დიდი ნაწილი ჯერ კიდევ ჩვენს ტერიტორიაზეა. სხვა თუ არაფერი, ისეთი პირი უჩანს, რომ წელს რუსებს აფხაზეთისა და ერთი ორი ქვეყნის გარდა, დასასვენებელი ადგილები არც ექნებათ. აქ კი, მათ უსაფრთხოებას ნამდვილად სჭირდება დაცვა" - მიაჩნია ასმათ გულიას.
მთავარი ფოტო: apnews.com
მკითხველის კომენტარები /
77 /
თარიღის მიხედვით
მოწონების მიხედვით
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მხოლოდ კეთილგანწყობით და მშვიდობიანი გზით!!! ომით ვერდაიბრუნებ კეთიგანწყობას!! გუშინ ჩვენმა საამაყო მეცნიერმა ფიზიკოსმა დვლმა ტქვა მოვაწყოთ აქცია , აფხაზების და ოსების გენოციდი შეწყვიტოს რუსეთმა!! მივმართოთ ნმათ დედებს ნუ გახდიან მათ შვილებს ისედაც თითზე ჩამოსათვლელს საზარბაზნე ხორცად!! გაწყდებიან საერთოდ!! მხარი დავუჭიროთ ახლგაზრდების არ გაშვებას !!! აი ასეთი ნაბიჯებით მოვიპოვოთ კეთილგანწყობა და ნაბიჯ ნაბიჯ!! ომი მხოლოს სიზულვილს თესავს!! საუკუნოები!!!
ახლა გაქვთ გამოფხიზლების დრო,შვილებს ნუ გაწირავთ რუსის ჯარისთვის! აშალეთ მავთულხლართები და დაამთავრეთ მონობა!