ნობელიანტს, რუსული გამოცემა "ნოვაია გაზეტას“ რედაქტორს, თავისი ნობელის მედალი აუქციონზე გააქვს, რათა უკრაინელი ლტოლვილებისთვის თანხა შეაგროვოს
მშვიდობის დარგში ნობელის პრემიის ლაურეატმა, რუსული გამოცემის "ნოვაია გაზეტას“ რედაქტორმა დიმიტრი მურატოვმა განაცხადა, რომ თავის ნობელის მედალი აუქციონზე გააქვს, რათა უკრაინელი ლტოლვილებისთვის თანხა შეაგროვოს. ამის შესახებ გაზეთის ვებგვერდზე გამოქვეყნებულ პუბლიკაციაშია აღნიშნული.
"მე და "ნოვაია გაზეტამ“ გადავწყვიტეთ, 2021 წლის ნობელის პრემიის მედალი გადავცეთ უკრაინელ ლტოლვილთა ფონდს. ვთხოვ სააუქციონო სახლებს, გამოგვეხმაურონ და აუქციონზე გამოიტანეთ მსოფლიოში ცნობილი ეს ჯილდო“, - ნათქვამია ინფორმაციაში.
"ნოვაია გაზეტა“ ასევე მოითხოვს დაუყოვნებლივ ცეცხლის შეწყვეტას, ტყვეთა გაცვლას, ლტოლვილთა მხარდაჭერას.