მნიშვნელოვანი ინფორმაცია
9
მაისიდღის ზოგადი ასტროლოგიური პროგნოზი
პარასკევი, მთვარის მეცამეტე დღე დაიწყება 17:58-ზე, მთვარე სასწორშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას; მგზავრობას, მოგზაურობის დაწყებას; საქმის, საქმიანობის შეცვლას. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"რუსმა ჯარისკაცებმა არც კი იციან, როგორია იყო თავისუფალი... აქ წამოიყვანეს, თითქოსდა სიკვდილით დასჯა მიუსაჯეს" - ზელენსკი
09:56 / 22-03-2022
მათ სიცარიელე აქვთ გულის ნაცვლად, სულის ნაცვლად და ყველაფრის ნაცვლად, რაც ადამიანს ადამიანად აქცევს, - ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
"ჩვენმა სამხედროებმა უკვე იმდენი რუსული თვითმფრინავი და ვერტმფრენი ჩამოაგდეს! გონების ნაცვლად რა აქვთ მათ პილოტებს? აქაც სიცარიელეა?" - აღნიშნა ზელენსკიმ.
მისივე თქმით, ხერსონში, ოკუპანტებმა ცეცხლი გაუხსნეს ადამიანებს, რომლებმაც ქუჩებში მშვიდობიანად, იარაღის გარეშე თავიანთი თავისუფლების დასაცავად აქცია გამართეს.
"რუსმა ჯარისკაცებმა არც კი იციან, როგორია იყო თავისუფალი, აქ წამოიყვანეს, მართალი გითხრათ, თითქოსდა სიკვდილით დასჯა მიუსაჯეს, შერცხვენა მიუსაჯეს,“ - აღნიშნა ზელენსკიმ.
ზელენსკის თქმით, მტერს დააჯერებენ, რომ მათ არ მიესალმებიან.
"როცა გტკივათ, როცა ყველაფრის მიუხედავად წინააღმდეგობას უწევთ, გთხოვ, გახსოვდეთ, რომ ამ დროს, ჩვენ გული გვწყდება, რადგან თქვენთან არ ვართ და ჩვენ ღმერთს შევთხოვთ, რომ დაგეხმაროთ, სანამ ჩვენ არ შევძლებთ უცნობების განდევნას. ეს არის ის, რასაც თქვენ აპროტესტებთ. ბედნიერებაა, რომ ასეთი ხალხი გვყავს, რომ ჩვენ ყველანი, უკრაინელები ვართ. კაცები და ქალები იცავენ ჩვენს სახელმწიფოს ყველგან: სამხრეთში, აღმოსავლეთში, ჩრდილოეთში, დასავლეთში, ცენტრში და მის ფარგლებს გარეთ. წამოდექით ისე, რომ მტერმა არ დაიჯეროს, რომ ეს რეალობაა, მაგრამ ჩვენ ვაიძულებთ მათ დაიმახსოვრონ, რომ მათ არ მივესალმებით", - განაცხადა ზელენსკიმ,
- მან ასევე ზაპოროჟიეში მშვიდობიანი მოქალაქეების წინააღმდეგ ცეცხლის გახსნის შესახებ ისაუბრა და აღნიშნა, რომ 4 ბავშვი საავადმყოფოში გადაიყვანეს, მათ შორის ორის მდგომარეობა მძიმეა.
გასული დღის შეჯამებისას მან განაცხადა, რომ 8 ჰუმანიტარული დერეფანი მუშაობდა და სხვადასხვა ქალაქიდან 8 057 ადამიანის გაყვანა განხორციელდა. ამასთან, დღის განმავლობაში სხვადასხვა ქალაქში 200 ტონა ჰუმანიტარული დახმარება ჩაიტანეს.
"რთული დღე იყო, მაგრამ ეს იყო კიდევ ერთი დღე, რომელიც ყველას გვაახლოებს გამარჯვებასთან, ჩვენი სახელმწიფოს მშვიდობასთან,“- აღნიშნა ზელენსკიმ.
- ზელენსკიმ რამდენიმე უკრაინულ ქალაქსა და მათ მცხოვრებლებს ცალ-ცალკე მიმართა.
"ამ ვიდეოში მინდა, ცალკე მივმართო უკრაინის ქალაქებსა და ამ ქალაქების მამაც მოსახლეობას. უკრაინის თავისუფალ სამხრეთში, სადაც მზე, მხოლოდ სტუმრების მისასალმებლად ანათებს და არა ტანკებზე, შემთხვევითი სტუმრებისთვის, ბერდიანსკში, კახოვკაში, ენერგოდარში, მელიტოპოლში და რა თქმა უნდა, ხერსონში.
რუსეთის მიერ გამოგზავნილ ამ მონებს, მოედნებზე და ქუჩებში ამდენი თავისუფალი ხალხი არ უნახავთ. მათ არასოდეს უნახავთ ათასობით ადამიანი, ვისაც არ ეშინია მათი. მონები თავისუფლებას აღიქვამენ როგორც ველურობას, როგორც საფრთხეს. ხერსონ, გაუძელი! ჩვენ არასოდეს დავივიწყებთ ამ კადრებს. ჩვენ ყველანი თქვენთან ერთად ვიყავით თქვენს მოედანზე და ქუჩაში, 40 მილიონი უკრაინელი. ჩვენ ყველამ ვიგრძენით, როგორ გინდათ, თავისუფლება დაიბრუნოთ. ყველა ოკუპანტს, ვინც ხერსონის მშვიდობიან მოსახლეობას ესროლა, ლურჯი და ყვითელი ფერის გამო, შავი ფერის ლენტი ექნება. იგივე ელით შიშისგან ფერმკრთალ რუს სამხედროებს ენერგოდარში, ბერდიანსკში, მელიტოპოლსა და კახოვკაში. ჩვენ ვაიძულებთ მათ, დაიმახსოვრონ, რომ არასოდეს მიესალმებიან და ისინი არასოდეს იქნებიან კიევში, რომელიც მამაცურად და დიდებულად დგას დნეპრზე. ხარკოვი.... ამაყი, მოწესრიგებული, განათლებული ხარკოვი, უძველესი ჩერნიგოვი, რომელიც ურდოს დროიდან დღემდე, არ შეხვედრია რუსი სამხედროების მიერ ჩადენილ მსგავს სისასტიკეს. მარიუპოლი! შრომისმოყვარე და პატიოსანი ქალაქი! მარიუპოლი, ქალაქი, რომელსაც ოკუპანტები უბრალოდ ანადგურებენ, ფერფლამდე ანადგურებენ, მაგრამ ყველა გადარჩება. უღირსი მონები, რომელთაც არ იციან, როგორ მოუარონ საკუთარ ქვეყანას, საკუთარ ხალხს და სხვასთან მიდიან. ჩვენ ვიბრძვით ყველა უკრაინელისთვის! ჩვენ ყველა გვახსოვს! ყველას მადლობელი ვართ, ხალხისაც და ამ ლამაზი ქალაქებისაც.
მივმართავ ყველა უკრაინელს, სადაც არ უნდა ვიყოთ, ყველაფერი გავაკეთოთ ჩვენი სახელმწიფოს დასაცავად, ჩვენი ხალხის გადასარჩენად. იბრძოლეთ და დაეხმარეთ. განდევნეთ ეს მონები! განდევნეთ ოკუპანტები!",- განაცხადა ზელენსკიმ.
Suspilny-თან ინტერვიუში ზელენსკიმ განაცხადა, რომ უკრაინისა და რუსეთის მოლაპარაკებებში უსაფრთხოების გარანტიებსა და დროებით ოკუპირებულ ტერიტორიებთან დაკავშირებული კომპრომისების ფორმატი შეიძლება რეფერენდუმით გადაწყდეს.
"ყველა მოლაპარაკების ჯგუფს ავუხსენი: როცა ამ ცვლილებებზე საუბრობთ, და ეს შეიძლება იყოს ისტორიული, ჩვენ მივალთ რეფერენდუმზე, ხალხმა უნდა უპასუხოს კომპრომისების გარკვეულ ფორმატებს.
ამ კომპრომისების ფორმას ჩვენი საუბარი და უკრაინასა და რუსეთს შორის მიღწეული შეთანხმება განსაზღვრავს. ნებისმიერ შემთხვევაში, მე მზად ვარ მივიდე იქ, სადაც მოლაპარაკებები მიმიყვანს, რადგან მე იქ მივდივარ ჩვენს ხალხთან ერთად“,- აღნიშნა ზელენსკიმ.
უკრაინის პრეზიდენტმა ასევე აღნიშნა, რომ უკრაინა ნატოში არ მიიღეს "რადგან რუსეთის ეშინიათ“.
"უნდა დავმშვიდდეთ და ვთქვათ - ოქეი, და უსაფრთხოების სხვა გარანტიები? არის ნატოს ქვეყნები, რომლებსაც სურთ იყვნენ უსაფრთხოების გარანტი, ისინი, ვინც სამწუხაროდ, ვერ გვაძლევენ ალიანსის 100%-იან წევრობას, მაგრამ მზად არიან გააკეთონ ყველაფერი, რისი გაკეთებაც ალიანსს მოუწევდა, ჩვენ რომ ალიანსის წევრები ვიყოთ და ვფიქრობ, ეს არის სამართლიანი კომპრომისი“, - დასძინა მან.
ასევე იხილეთ :
- "საჭიროა ყველას განადგურება, მაშინ რუსეთის ულტიმატუმი ავტომატურად იქნება შესრულებული - რა გინდათ, ჩვენი განადგურება?" - ზელენსკი
- "გთხოვთ, არ დააფინანსოთ რუსეთის "სამხედრო მანქანა“. არც ერთი ევრო ოკუპანტებს... უარი თქვით რუსულ ენერგორესურსზე" - ზელენსკი გერმანელებს მიმართავს
მკითხველის კომენტარები /
11 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"საწყისი აღმოაჩინეთ, რომ ბოლო ეძებოთ? რამეთუ, იმ ადგილას სადაც საწყისია, იქ იქნება ბოლო. ნეტარ არს ის ვინც იდგება საწყისში: და ის შეიცნობს დასასრულს, და ის არ დააგემოვნებს სიკვდილს". ------იესო
შენ ხომ იცი რა არის თავისუფლება ახლა! საფრანგეთის ტელევიზიით აჩვენეს კადრები, როგორ აბავენ ხეებზე სკოჩით ადამიანებს და ცემენ უკრაინელი ნაცისტები, რადგან მათ არ უნდათ ომი!! და პირდაპირ ეთერში ერთმა რესპონდენტმა გააჩერა მეორე, ნუ ამბობ რომ ნაციზმია უკრაინაში, რუსებსაც ეს არგუმენტი აქვთო!!! სირცხვილია, ვისაც დღეს კიდევ სჯერა რომ ზელენსკი გმირია! ყველაზე კარგად ის ჯერჯერობით ისრაელის პარლამენტში გამოსვლის შედეგად გააკრიტიკეს! ზელენსკი არის მარიონეტი, რომელმაც გაწირა საკუთარი სამშობლო და ხალხი !!!