ყველაფერი ხალხის ფავორიტი უკრაინელი პოლიტიკოსების ცოლებისა და ოჯახების შესახებ: ზელენსკი, არესტოვიჩი, კლიჩკო, კიმი, ფედოროვი...

მართალია ომია, მაგრამ ახლა უკვე არამარტო უკრაინელ ხალხს, არამედ მსოფლიოსაც ახალი კერპები ჰყავს. ისინი შთაგონებულები არიან უკრაინელი მაღალჩინოსნების სიმამაცით და ასევე ამაყობენ პრეზიდენტ ვოლოდიმირ ზელენსკით. იცნობდეთ მათ ოჯახებს, რომელთა მამაკაცებიც, დღეს მსოფლიოსთვის ფავორიტები არიან.

რუსეთი უკრაინაში 24 თებერვალს შეიჭრა. ამ დღიდან მოყოლებული უკრაინელი ხალხი, არმია და ხელისუფლება ერთ მუშტად არის შეკრული და მომხდურს ებრძვის. მთელი მსოფლიოს ყურადაღების ცენტრში ახლა უკრაინაა და რა გასაკვირია, რომ ბევრი უკრაინელი პოლიტიკოსი ჰოლივუდის ვარსკვლავებზე პოპულარული გახდა და უკრაინელები დიდი იმედით ელოდებიან მათ ეკრანზე გამოჩენას. ამ სტატიაში მოგითხრობთ სახალხო გმირებად ქცეული ახალგაზრდა ლიდერების ოჯახებზე.

• ვოლოდიმირ ზელენსკი და პირველი ლედი ოლენა ზელენსკა

ვოლოდიმირ ზელენსკიმ ომის პირველივე დღიდან უკრაინელებს აჩვენა სიმტკიცე და გამარჯვების რწმენა. დღეს უკრაინელ ხალხში ზელენსკისადმი ნდობა წარმოუდგენლად მაღალია. თუ ადრე მას საზოგადოების ნაწილი აკრიტიკებდა, დღეს მთელი უკრაინა მის მიმართ მხარდაჭერას და პატივისცემას გამოხატავს.

ომის დაწყების დღიდან პრეზიდენტის მხარდამხარ არის მისი მეუღლე ოლენა ზელენსკა. პირველი ლედი უკრაინის ომზე სოციალურ ქსელებში აქტიურად უყვება მსოფლიო საზოგადოებას და ყველანაირად ეხმარება უკრაინელებს ბრძოლაში. წყვილი ქალ-ვაჟს ზრდის: ალექსანდრასა და კირილს.

• ალექსეი არესტოვიჩი და მისი მეუღლე ანასტასია

უკრაინის პრეზიდენტის ოფისის მრჩეველ ალექსეი არესტოვიჩს უკვე ყველა იცნობს. სწორედ მას უწოდებენ ომის დროს მოქალაქეების მთავარ "დამამშვიდებელს“ და უკრაინელი ქალების გულთამპყრობელ ახალ სექსსიმბოლოს.

ალექსეი 2015 წლიდან დაქორწინებულია ანასტასია არესტოვიჩზე, პოლიტიკოსის ცოლი არის ერთ-ერთი უკრაინული გამომცემლობის განვითარების დირექტორი. წყვილს ორი საერთო შვილი ჰყავს - გოგონა და ვაჟი, ასევე არესტოვიჩს ჰყავს ქალიშვილი პირველი ქორწინებიდან. წყვილი იშვიათად აქვეყნებს ერთობლივ ფოტოებს სოციალურ ქსელში.

• ვიტალი კიმი და მისი მეუღლე ჯულია

ნიკოლაევის რეგიონის გუბერნატორი ვიტალი კიმი უკრაინელებს შთააგონებს თავისი ოპტიმიზმით და ომში გამარჯვების რწმენით.

ვიტალის ოჯახის შესახებ ცნობილია, რომ ის დიდი ხანია დაქორწინებულია, ცოლს იულია ჰქვია, წყვილს სამი შვილი ჰყავს: ევგენია, ალექსანდრა და რუსლანი.

• ვიტალი კლიჩკო და მისი მეუღლე ნატალია

კიევის მერი ვიტალი კლიჩკო მოსახლეობას დედაქალაქში მიმდინარე მოვლენების შესახებ ინფორმაციას ყოველდღიურად აცნობს. ყოფილი მოკრივე, რომელიც მსოფლიო მასშტაბის სპორტსმენია, 1996 წლიდან დაქორწინებულია ნატალია კლიჩკოზე. მერის მეუღლე ჰამბურგში იმყოფება, სადაც აქციებს ესწრება და ევროპელებს უკრაინაში არსებულ ვითარებას აცნობს. ცოტა ხნის წინ ნატალიამ ერთ-ერთ აქციაზე უკრაინის ჰიმნი შეასრულა. გერმანიაში კლიჩკოს მეუღლე მუსიკალურ კარიერას იწყობს. წყვილს სამი შვილი ჰყავს: ორი ვაჟი და ერთი ქალიშვილი.

• მიხაილ ფედოროვი და მისი მეუღლე ანასტასია

უკრაინის ვიცე-პრემიერი, ციფრული ტრანსფორმაციის მინისტრი, მიხაილ ფედოროვი ერთ-ერთი ყველაზე ახალგაზრდა პოლიტიკოსია, ის ახლა 31 წლისაა. 7 წელია, რაც დიზაინერ ანასტასიაზეა დაქორწინებული. წყვილს ქალიშვილი მარია ჰყავს.

ანასტასია ზაპოროჟიეს ეროვნული უნივერსიტეტის სტუდენტი იყო, თავად მიხაილი კი ამავე უნივერსიტეტში სწავლობდა. ქალს აქვს ფილოლოგიის დიპლომი. ფედოროვი, Smmstudio ციფრული სააგენტოს შემქმნელი, არის ზაპოროჟიეს ეროვნული უნივერსიტეტის კურსდამთავრებული.

ანასტასია ფედოროვა ახლა მართავს UkraineNow Telegram არხს, სადაც ის აცნობს ხალხს უკრაინაში მიმდინარე მოვლენებს ინგლისურ და სხვა უცხო ენებზე.