მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 23:15-ზე, მთვარე მშვილდოსანს ესტუმრება 12:33-ზე
კარგი დღეა ფინანსური საკითხების მოსაგვარებლად, ახალი საქმეების დასაწყებად.
ვაჭრობა, უძრავ ქონებასთან დაკავშირებული საკითხების მოგვარება. შეხვედრების, ურთიერთობისა და მხიარულების დღეა. მოერიდეთ საქმეების გარჩევას. უფროსთან კონტაქტი კარგს არაფერს მოგიტანთ. კარგი დღეა მოგზაურობის დასაწყებად, საქმიანობის, სამსახურის შესაცვლელად. კარგი დღეა ქორწინებისთვის, ნიშნობისთვის. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას. არ გადაუსხათ სხვას სისხლი და პირიქით.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ მოვიქცეთ თუ პროფესიის შეცვლა გვინდა? – HR პროფესიონალის რჩევები
10:50 / 14-03-2022
იმ საქმისადმი სიყვარული და ინტერესი, რასაც ყოველდღიურად ვაკეთებთ, მნიშვნელოვნად განაპირობებს ჩვენს პროდუქტიულობას და აისახება ჩვენს მოტივაციაზე. თუ ვფიქრობთ, რომ რეალურად, იმისგან განსხვავებული ინტერესის სფერო გვაქვს, რასაც ახლა ვაკეთებთ და პროფესიის შეცვლა სწორი გადაწყვეტილება იქნებოდა, საბოლოო გადაწყვეტილების მიღებამდე მნიშვნელოვანი ეტაპი უნდა გავიაროთ.
პალიტრა ჰოლდინგის ადამიანური კაპიტალის მართვის დეპარტამენტის ხელმძღვანელი და პრაქტიკული აკადემიის დირექტორი თეონა კუპატაძე განმარტავს, რომ პრაქტიკაში მსგავსი შემთხვევა არაერთხელ ჰქონია და კანდიდატების მხრიდან უნახავს როგორც წარმატებული, ისე არასწორად დაგეგმილი ნაბიჯებიც. სწორედ ამიტომ HR პროფესიონალი გვიზიარებს რეკომენდაციებს, რა უნდა გავითვალისწინოთ, თუ პროფესიის შეცვლა გვსურს.
რამდენად ხშირად გქონიათ პრაქტიკაში შეხება ისეთ ადამიანებთან, რომელთაც საკმაოდ ხანგრძლივი სამუშაო გამოცდილების შემდეგ პროფესიის შეცვლა გადაწყვიტეს და რით არის ეს განპირობებული?
პროფესიის შეცვლის გადაწყვეტილება ხშირ შემთხვევაში დასაქმების ბაზარზე არსებულ მოთხოვნას უკავშირდება. უფრო კონკრეტულად, დასაქმების ბაზარი გვკარნახობს, რომელი პროფესიაა მოთხოვნადი და მაღალანაზღაურებადი, ადამიანებიც აღნიშნულ ტენდენციას მიჰყვებიან. პროფესიის შეცვლის გადაწყვეტილებაც სწორედ ამის შესაბამისად იღებენ.
არის შემთხვევები, როცა ადამიანები წყვეტენ, რომ ბავშვობის ოცნებების ასრულების დრო მოვიდა და პროფესიას გვიან ასაკშიც იცვლიან. ჩემს პრაქტიკაში მსგავსი მაგალითი ახლაც გვაქვს პალიტრა ჰოლდინგის პრაქტიკულ აკადემიაშიც, რომლის ერთ-ერთმა მონაწილემ ბავშვობის სურვილის ასრულება და ჟურნალისტობა 40 წლის ასაკში გადაწყვიტა.
როგორ ფიქრობთ, ეტაპობრივად უნდა შევიცვალოთ საქმიანობის სფერო თუ სჯობს ნელ-ნელა გადავაწყოთ ცხოვრების სტილი და რეჟიმი?
მიმაჩნია, რომ საქმიანობის სფეროს ეტაპობრივად შეცვლა უფრო მართებულია. პროფესიის შეცვლამდე დიდი მნიშვნელობა ენიჭება გადაწყვეტილების მიღების პროცესს: ადამიანმა კარგად უნდა გაიაზროს საკუთარი ძლიერი მხარეები, რომლებსაც პროფესიულ საქმიანობაში გადაიტანს, მეტი ინფორმაცია მიიღოს პროფესიაზე. ასევე, კონკრეტული საქმიანობის სფეროს რომანტიზების თავიდან არიდების მიზნით, სასურველია, წინასწარ მოისმინოს ვიდეო გაკვეთილები, დაესწროს ხანმოკლე ტრენინგსა თუ შეხვედრას, რომელზეც სფეროს წარმომადგენლები განიხილავენ პროფესიისთვის დამახასიათებელ გამოწვევებს.
გადაწყვეტილების მიღების შემდეგ მოდის შესწავლისა და ახალი უნარების გამომუშავების ეტაპი, რისთვისაც დაინტერესებულმა პირმა უნდა მოიძიოს გამოცდილი, პროფესიონალი მენტორი, კურსი, ტრენინგი, რომელთა მეშვეობითაც საქმიანობის ახალი სფეროს შესახებ საჭირო ინფორმაციას მიიღებს და შესაბამის უნარებს გამოიმუშავებს.
რას უნდა მიაქციო ყურადღება ახალი პროფესიის შერჩევისას და რამდენად არსებობს დღეს რესურსები, დამოუკიდებლად შეისწავლო ის?
პროფესიის შეცვლისას თავდაპირველად უნდა ვიზრუნოთ საკუთარ თავზე, საკუთარ ინტერესებსა და უნარ-ჩვევებზე. პროფესია ჩვენი ძლიერი მახასიათებლების, ინტერესის სფეროს, უნარებისა და სურვილების გათვალისწინებით უნდა ავირჩიოთ.
კრიტიკულად მნიშვნელოვანია საქმემ, რომელსაც ვაკეთებთ, სიამოვნება მოგვანიჭოს. წინააღმდეგ შემთხვევაში, ჩვენი შრომა ნაკლებად ეფექტიანი იქნება. თუკი ახალი პროფესია პიროვნების უნარების შესაბამისი არ იქნება, იგი მუდმივი სტრესის მიზეზი გახდება, შესაძლოა, კვლავ ცვლილებები გახდეს საჭირო და მთელი ეს პროცესი უსიამოვნო გამოცდილებად იქცეს.
საბედნიეროდ, დღეს ნებისმიერ პროფესიასთან დაკავშირებით არის შესაძლებელი ამომწურავი ინფორმაციის მიღება. ინტერნეტსივრცე გაჯერებულია უამრავი ინფორმაციით, საიდანაც შეგვიძლია სანდო და მნიშვნელოვანი გავფილტროთ და ჩვენს სასიკეთოდ გამოვიყენოთ.
მიუხედავად იმისა, რომ ინტერნეტი რესურსებით ასეთი მდიდარია, ვფიქრობ, დახელოვნების ეტაპზე აუცილებელია გამოცდილი პროფესიონალის ჩართულობაც, რომელიც პრაქტიკული გამოცდილების გაზიარების ხარჯზე დაინტერესებულ პირს განვითარებაში დაეხმარება.
რა იყო ერთ-ერთი ამგვარი კურსების - პრაქტიკული აკადემიის - შექმნის მთავარი მიზანი და როგორ მიაღწიეთ მას? რა შედეგები აქვთ დღეს კურსდამთავრებულებს, განსაკუთრებით მათ, ვინც პროგრამის ფარგლებში პროფესია შეიცვალა?
პალიტრის პრაქტიკულ აკადემიაში გრძელვადიანი პროგრამების შექმნის იდეა პირდაპირ უკავშირდება დამწყები კანდიდატებისთვის მაქსიმალურად ამომწურავი ცოდნის მიცემას. სწორედ ამიტომ დავნერგეთ დუალური სწავლების მეთოდი, რომელიც თეორიული და პრაქტიკული სწავლების კომპონენტებს თანაბრად მოიცავს.
მნიშვნელოვანია ისიც, რომ პრაქტიკული სწავლება მიმდინარეობს რეალურ ვითარებებში, ნამდვილ ქეისებზე დაყრდნობით, ჩვენს პარტნიორ მედია ორგანიზაციებში, იქნება ეს ინტერპრესნიუსი, რადიო პალიტრა, პალიტრანიუსი თუ სხვა.
დაბოლოს, მაინც რამდენად ოპტიმალურია მსგავსი კურსებისა და პროგრამების გამოყენება ახალი პროფესიის შესარჩევად?
თუ პროფესიის შეცვლა ადამიანის საბოლოო გადაწყვეტილებაა, მას თამამად ვურჩევ, სცადოს პალიტრის პრაქტიკული აკადემიის კურსები. ამჟამად ვუძღვებით მულტიმედია ჟურნალისტიკის გრძელვადიან პროგრამას და მიმაჩნია, რომ ის დადებითი შედეგი, რაც ჩვენი კურსის მონაწილეებმა მიიღეს, ჩვენი კურსის ხარისხსა და ეფექტიანობაზე მეტყველებს. სწორედ ეს არის მიზეზი, რის გამოც ჩვენს კურსებს თამამად ვუწევ რეკომენდაციას.
პრაქტიკული აკადემიის გრძელვადიანი პროგრამები მოიცავს პროფესიული ორიენტაციის კომპონენტს, რაც გულისხმობს იმას, რომ მონაწილეს შეუძლია, საკუთარი შესაძლებლობები რამდენიმე მიმართულებით მოსინჯოს, იქნება ეს რადიო, ტელეჟურნალისტიკა, ინტერნეტმედია თუ სხვა. პრაქტიკული კომპონენტის დასრულების შემდეგ კი მონაწილე თავად ირჩევს მიმართულებას.
აღსანიშნავია, რომ უახლოეს მომავალში გაყიდვების მენეჯმენტის გრძელვადიანი პროგრამა მონაწილეების მიღებას დაიწყებს. მულტიმედია ჟურნალისტიკის მსგავსად, ისიც მოიცავს პრაქტიკულ ნაწილს: ტელევიზია, სარეკლამო მიმართულება, წარმოება, ელექტრონული კომერცია და ა. შ. თითოეულ გრძელვადიან პროგრამას დასაქმების მაღალი მაჩვენებელი აქვს: ჩვენი კურსდამთავრებულების 80% დასაქმებულია პარტნიორ ორგანიზაციებში და არამარტო.
პრაქტიკული აკადემიის შესახებ მეტი ინფორმაციის მისაღებად გადადით ბმულზე.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პროფესიის შეცვლაზე საუბრობს ქალი და სიტყვა განათლება, ან გადამზადება არ არის ნახსენები. პირველ რიგში თავი უნდა გადადო ორი წელი მაინც რომ სერიოზუალდ მოემზადო ახალ იპროფესიისთვის უნარ ჩვევების შესაძენად. აქ ყველაფერი მარტივად უნდათ. პური მეპურემ უნდა გამოაცხოს. მართ₾ა არაფერი გვეშველება ჯერ ჯერობით ასეა